ນາງ ວາດສະໜາ, ທ້າວ ອານຸສອນ ແລະ ທ້າວ
ແອັດດີ້ ເຊິ່ງຖຶກສານປະຊາຊົນນະຄອນຫລວງວຽງຈັນຕັດ ສິນລົງໂທດຈຳຄຸກຜູ້ລະ
19 ປີ ແລະ 5 ປີ ໃນຂໍ້ຫາຮ່ວມກັນຄ້າຂາຍຢາເສບຕິດເຊິ່ງຜິດຕໍ່ລະບຽບກົດໝາຍອາຍາ ສປປ
ລາວ.
ໃນວັນທີ 24 ຕຸລານີ້, ສານປະຊາຊົນນະຄອນຫຼວງວຽງຈັນ
ໄດ້ພິພາກສາຂັ້ນຕົ້ນຕັດອິດສະລະພາບພວກຄ້າຢາເສບຕິດຄື ນາງ ວາດສະໜາ ອາຍຸ 34 ປີ
ພັກເຊົາຢູ່ບ້ານ ທາດຫຼວງກາງ ເມືອງ ໄຊເສດຖາ ນະຄອນ ຫຼວງວຽງ ຈັນ ຈຳເລີຍທີ 1 ຈຳຄຸກ
19 ປີ ກັບ 6 ເດືອນ, ທ້າວ ອານຸສອນອາຍຸ 34 ປີ ຢູ່ບ້ານ ທາດຫຼວງກາງ ເມືອງ ໄຊເສດຖາ
ນະຄອນຫຼວງວຽງຈັນ ຈຳເລີຍທີ 2 ຈຳຄຸກ 19 ປີ ແລະ ທ້າວ ແອັດດີ້ ອາຍຸ 18 ປີ ຢູ່ບ້ານ
ຈັນສະຫວ່າງ ເມືອງ ສີໂຄດຕະບອງ ນະຄອນຫຼວງ ວຽງ ຈັນ ຈຳເລີຍທີ 3 ຖືກສານຕັດອິດສະລະພາບຈຳຄຸກ
5 ປີ. ຈຳເລີຍທັງ 3 ຖືກເຈົ້າໜ້າທີ່ກັກຕົວໃນວັນທີ 24 ຕຸລາ 2012, ໃນຂໍ້ຫາ
ຄ້າຂາຍຢາເສບຕິດ,ເຈົ້າ
ໜ້າທີ່ໄອຍະການຖະແຫລງໃນທີ່ປະຊຸມສານວ່າ: ພວກກ່ຽວໄດ້ມີການພົວພັນ ແລະ ຮ່ວມຄ້າຂາຍຢາເສບຕິດ
ຢູ່ຫ້ອງແຖວເຂດບ້ານ ວຽງຈະເລີນ ໂດຍມີຊາວໜຸ່ມເຂດບ້ານ ທາດ ຫຼວງມາຕິດຕໍ່ຊື້
ຄື ໃນວັນທີ 24 ຕຸລາ 2012 ນາງວາດສະໜາ ໄດ້ຮັບຊື້ຢາບ້າຈາກ ທ້າວ ແອ ຈຳ ນວນ
4.100 ເມັດ ຊຶ່ງມີການນັດສົ່ງກັນຢູ່ສາມແຍກສີເກີດຈາກນັ້ນກໍໄດ້ນຳເອົາຢາມາເຊື່ອງໄວ້ຢູ່ເຮືອນຂອງຜູ້ກ່ຽວກ່ອນຈະຖືກເຈົ້າໜ້າທີ່ເຂົ້າກວດພົບ
ແລະ ຈັບຜູ້ຕ້ອງຫາທັງ 3 ຄື ນາງ ວາດສະ ໜາ, ທ້າວ ອານຸສອນ ແລະ ທ້າວ ແອັດດີ້ ມາດຳເນີນຄະດີ.
ຕາມການໃຫ້ການຂອງຈຳ ເລີຍ ແລະ ຂໍ້ມູນຫຼັກຖານຕ່າງໆ,
ສານຂັ້ນຕົ້ນນະຄອນຫຼວງວຽງ ຈັນ ໄດ້ມີວິນິດໄສ ວ່າ: ການກະ ທຳຜິດຂອງນາງ ວາດສະໜາ
ແລະ ທ້າວ ອານຸສອນ ເປັນການກະທຳຜິດທາງອາຍາມາດຕາ 146 ວັກສອງ ຊຶ່ງເປັນການແຕະ
ຕ້ອງເຖີງສະພາບເສດຖະກິດ ແລະ ຄວາມບໍ່ເປັນລະບຽບຮຽບ ຮ້ອຍຂອງສັງຄົມ ຊຶ່ງຈຳເລີຍທັງສອງກໍຮູ້ດີວ່າຜິດລະບຽບກົດ
ໝາຍແຕ່ຍັງຝ່າຝືນ,ສະນັ້ນສານ ຈຶ່ງຕັດອິດສະລະພາບຈຳເລີຍທັງສອງ 19 ປີ ພ້ອມທັງປັບໃໝ
460 ລ້ານກີບ.ແຕ່ນາງ ວາດສະໜາ ຜ່ານມາກໍເຄີຍຖືກສານຕັດອິດສະ ລະພາບໃນຂໍ້ຫາຄ້າຢາເສບຕິດ
ມາແລ້ວແຕ່ຜູ້ກ່ຽວຍັງບໍ່ເຂັດຫຼາບ ຈຶ່ງເພີ່ມໂທດຕາມມາດຕາ 41 ຂໍ້ 1 ເປັນ 6 ເດືອນ
ລວມເປັນ 19 ປີ ກັບ 6 ເດືອນ.ສ່ວນທ້າວ ແອັດດີ້ ໄດ້ເປັນຄົນຮັບເອົາຢາບ້າກັບນາງ
ວາດສະໜາໄປຂາຍຫຼາຍເທື່ອ ແລະ ຜູ້ກ່ຽວກໍຮູ້ດີວ່າສິ່ງດັ່ງກ່າວເປັນການກະທຳຜິດຕໍ່ລະບຽບກົດ
ໝາຍ,ສານຈຶ່ງຕັດອິດສະລະພາບ ຈຳຄຸກ 5 ປີ ພ້ອມປັບໃໝ 10 ລ້ານກີບ,ສ່ວນເຄື່ອງຕິດໂຕ,ເງິນ
10 ລ້ານ 8 ແສນກີບ, 40 ພັນບາດ ຊຶ່ງເປັນເງິນໄດ້ຈາກການເຄື່ອນໄຫວຄ້າຂາຍຢາເສບຕິດ,ສານຈຶ່ງຮີບເຂົ້າເປັນຂອງລັດຕາມມາດ
ຕາ 35 ກົດໝາຍອາຍາສະບັບປັບ ປຸງ ປີ 2005.
ຂ່າວໃຫ້ຮູ້ອີກວ່າ: ເມື່ອບໍ່ດົນມານີ້,
ສານປະຊາຊົນນະຄອນຫລວງວຽງຈັນ ໄດ້ຕັດສິນທ້າວ ສີສຸພັນ ຫລື ຍາວ ອາຍຸ 30 ປີ ຢູ່ ບ້ານໜອງບົວ
ເມືອງສີສັດຕະນາກ ນະຄອນຫລວງວຽງຈັນ ໃຫ້ ຈຳຄຸກເປັນເວລາ 5 ປີພາຍຫລັງຜູ້ກ່ຽວມີພຶດຕິກຳເຄື່ອນໄຫວ
ລັກ ຊັບ ແລະ ສໍ້ໂກງຊັບພົນລະເມືອງ ໃນຕົວເມືອງຫລາຍ ເທື່ອ ແຕ່ປີ 2013 ເປັນຕົ້ນມາ ແລະ ຖືກເຈົ້າໜ້າທີ່ກັກໂຕຫລາຍຄັ້ງເພື່ອນຳມາສຶກສາອົບຮົມແຕ່ບໍ່ເຂັດຫລາບຄືໃນປີ
2004 ແລະ 2012 ໃນຂໍ້ຫາ ລັກຊັບພົນລະເມືອງເຊັ່ນດຽວກັນ.
No comments:
Post a Comment