ເຈົ້າໜ້າທີ່ ປກສ ນະຄອນ ຫລວງວຽງຈັນ ລາຍງານໃຫ້ຮູ້ວ່າ:
ອາທິດຜ່ານມາ ຢູ່ນະຄອນຫລວງວຽງຈັນມີປາ ກົດການຫຍໍ້ທໍ້ທາງສັງຄົມເກີດຂຶ້ນທັງໝົດ
70 ກວ່າເລື່ອງ ເພີ່ມຂຶ້ນ 13 ເລື່ອງ ທຽບໃສ່ອາທິດກ່ອນ ໃນນີ້ອຸ ປະຕິເຫດ 29
ເລື່ອງ, ລັກຊັບ 25 ເລື່ອງ, ຊີງຊັບ 7 ເລື່ອງ, ປຸ້ນຊັບ 5 ເລື່ອງ, ແຫກກະເປົາ
2 ເລື່ອງ ແລະ ສໍ້ໂກງຊັບ, ທຳຮ້າຍຮ່າງກາຍ, ອັກຄີໄພຢ່າງລະເລື່ອງ, ເຫດການທັງໝົດນີ້ສົ່ງຜົນເຮັດໃຫ້ມີຊັບສິນເສຍ
ຄືລົດໃຫຍ່ 1 ຄັນ, ລົດຈັກ 9 ຄັນ, ເງິນ 31 ລ້ານກວ່າກີບ, 17 ພັນກວ່າໂດລາສະຫະລັດ,
1 ແສນກວ່າບາດ, 4.100 ຢວນ (ສະກຸນເງິນຈີນ), 10 ວອນ (ສະກຸນເງິນເກົາຫລີ), 5.000
ເຢນ (ສະ ກຸນເງິນຍີ່ປຸ່ນ), ໂທລະສັບ 16 ໜ່ວຍ, ກ້ອງຖ່າຍຮູບ 1 ໜ່ວຍ, ໂນດບຸກ 4 ເຄື່ອງ,
ສາຍຄໍຄຳ, ເຄື່ອງປະດັບມີຄ່າ ແລະ ເອກະ ສານສຳຄັນຕ່າງໆຈຳນວນຫລາຍ ແລະ ເຈົ້າ
ໜ້າທີ່ສາມາດມ້າງຄະດີໄດ້ 67 ເລື່ອງ, ກັກຜູ້ຕ້ອງຫາ 76 ຄົນ (ຍິງ 5 ຄົນ) ໂດຍສ່ວນໃຫຍ່ແມ່ນບັນ
ຫາຢາເສບຕິດ ແລະ ລັກຊັບພົນ ລະເມືອງມາດຳເນີນຄະດີຕາມລະບຽບກົດໝາຍ.
ເຈົ້າໜ້າທີ່ ກ່າວວ່າ: ປັດຈຸບັນ ປາກົດການຫຍໍ້ທໍ້ທາງສັງຄົມ
ໂດຍສະເພາະບັນຫາປຸ້ນຈີ້ຊິງຊັບນັບວ່າມີຄວາມອັນຕະລາຍຫລາຍ ເຊິ່ງຜູ້ຕົກເປັນເຫຍື່ອສ່ວນຫລາຍແມ່ນເພດຍິງ
ແລະ ບໍ່ເວັ້ນພະສົງສາມະເນນນຳດ້ວຍ ຄືເວລາ 11 ໂມງ ໃນວັນທີ 14 ຕຸລານີ້ ມີສາມະເນນໜຶ່ງອົງຖືກໄວໜຸ່ມ
2 ຄົນ ຂີ່ລົດຈັກໃຊ້ອາວຸດປືນຈີ້ເອົາເງິນຢູ່ເຂດໜ້າໂຮງແຮມລາວພລາຊາ.
No comments:
Post a Comment