ພິທີເປີດໜ່ວຍບໍລິການທະ ນາຄານ ລາວ-ຫວຽດ
ປະຈຳດ່ານຂົວມິດຕະພາບ ລາວ-ໄທ (ວຽງຈັນ-ໜອງຄາຍ) ໄດ້ມີຂຶ້ນໃນວັນທີ 25 ຕຸລານີ້
ຢູ່ດ່ານຜ່ານແດນດັ່ງ ກ່າວ ເພື່ອແນໃສ່ເປີດກວ້າງຕາໜ່າງການບໍລິການລູກຄ້າໃຫ້ນັບມື້ດີຂຶ້ນທັງເປັນການກະກຽມໃຫ້ແກ່ການສະເຫລີມສະຫລອງວັນສ້າງຕັ້ງທະນາຄານດັ່ງກ່າວຄົບຮອບ
15 ປີ (22/6/1999 - 22/6/2014) ໃຫ້ມີຄວາມໝາຍ ແລະ ຄວາມສຳຄັນຍິ່ງຂຶ້ນ.
ມາຮອດປັດຈຸບັນ, ທະນາ ຄານ ລາວ-ຫວຽດ ລວມມີ
5 ສາຂາຕັ້ງຢູ່ໃຈກາງເຂດເສດຖະ ກິດຂອງລາວ ຄືສຳນັກ ງານໃຫຍ່ຕັ້ງຢູ່ນະຄອນຫລວງວຽງຈັນ
ແລະ ມີສາຂາຕັ້ງຢູ່ຫລວງພະບາງ, ສະຫວັນນະເຂດ, ຈຳປາສັກ, ອັດຕະປື ແລະ ໜ່ວຍບໍລິການແຂວງຄຳມ່ວນ
ເພື່ອສາມາດອຳ ນວຍຄວາມສະດວກໃຫ້ແກ່ລູກຄ້າຂອງຕົນໃນຂອບເຂດທົ່ວປະເທດ.
ຜູ້ອຳນວຍການໃຫຍ່ທະ ນາຄານແຫ່ງນີ້ເປີດເຜີຍວ່າ:
ຕະ ຫລອດໄລຍະ 14 ປີຜ່ານມາ, ການເຄື່ອນໄຫວດຳເນີນທຸ ລະກິດຂອງທະນາຄານນັບມື້ເຕີບໃຫຍ່ຂະ
ຫຍາຍຕົວ ແລະ ມີຜົນສຳເລັດສູງ, ໄດ້ກາຍເປັນຂົວຕໍ່ທີ່ສຳຄັນໃນການພົວພັນຮ່ວມມືແລກປ່ຽນສິນ
ຄ້າ ແລະ ການລົງທຶນລະຫວ່າງສອງຝ່າຍມີຄວາມສະດວກ ແລະ ສາມາດປະກອບສ່ວນສຳຄັນເຂົ້າໃນການ
ພັດທະນາເສດຖະກິດ-
ສັງຄົມຂອງສອງປະເທດຂະ ຫຍາຍຕົວ ໂດຍສະເພາະແມ່ນການຊຳລະສະສາງສິນຄ້າ, ການໂອນເງິນ
ແລະ ແລກປ່ຽນເງິນຕາ ແລະ ການເປີດໜ່ວຍບໍລິການຢູ່ດ່ານຜ່ານແດນສາກົນແຫ່ງນີ້ກໍເພື່ອແນໃສ່ຕອບສະໜອງການລົງທຶນ
ກໍຄືການພົວພັນແລກປ່ຽນສິນຄ້າ ລາວ-ໄທ ໂດຍສະເພາະແມ່ນບັນດາແຂວງທີ່ມີຊາຍແດນຮ່ວມກັນມີຄວາມສະດວກດີຂຶ້ນ.
No comments:
Post a Comment