ໃນກອງປະຊຸມທົບທວນຄືນການຈັດຕັ້ງປະຕິບັດວຽກງານຂອງກົມມັດທະຍົມສຶກສາ
ທີ່ໄດ້ຈັດຂຶ້ນໃນລະຫວ່າງວັນທີ 14-17 ຕຸລານີ້ ຢູ່ນະຄອນຫລວງວຽງຈັນ ໄດ້ເປັນເອກະພາບກັນວ່າ:
ນັບແຕ່ສົກຮຽນ 2014-2015 ເປັນຕົ້ນໄປ,ກະຊວງສຶກສາທິ ການ ແລະ ກິລາ ຈະມອບການຈັດຕັ້ງສອບເສັງຈົບຊັ້ນ
ມ.4 ໃຫ້ແຂວງ ແລະ ນະຄອນຫລວງວຽງຈັນ,ສ່ວນຊັ້ນ ມ.7 ແມ່ນມອບການອອກໃບປະກາສະນີຍະບັດໃຫ້ແຂວງ
ແລະ ນະຄອນຫລວງເປັນຜູ້ອອກໂດຍກົງ.ທັງນີ້ກໍເພື່ອຄວາມສະດວກໃນການຄຸ້ມຄອງການສອບເສັງ
ມ.4 ໃຫ້ດີຂຶ້ນກວ່າເກົ່າ ໂດຍສະເພາະເພື່ອປັບປຸງຮູບແບບຂໍ້ສອບເສັງດັ່ງກ່າວແທດເໝາະກັບສະ
ພາບການຮຽນ, ການສອນຕົວຈິງ ແລະ ກໍເປັນການມອບສິດໃຫ້ຄະນະກຳມະການສອບເສັງຂັ້ນທ້ອງຖິ່ນເປັນເຈົ້າການສະກັດກັ້ນການກ່າຍບົດສອບ,ຕັດສິນຜົນສອບເສັງໃຫ້ມີຄວາມປອດໃສ
ເຊິ່ງກະຊວງສຶກສາຈະອອກນິຕິກຳການຄຸ້ມຄອງ ແລະ ຂໍ້ກຳ ນົດຕ່າງໆໃຫ້ລະອຽດແລ້ວຈຶ່ງຈະສາ
ມາດປະຕິບັດໄດ້.ພ້ອມນັ້ນ,ຂະແໜງກ່ຽວຂ້ອງກໍຈະມີການເຝິກ ອົບຮົມໃຫ້ທ້ອງຖິ່ນຕື່ມໃນວິທີການອອກຂໍ້ສອບ
ແລະ ໃຫ້ມີການປະສານສົມທົບກັນລະອຽດໃນການອອກຂໍ້ສອບແບບອັດຕະໄນ ແລະ ປາລະໄນໃຫ້ສອດຄ່ອງ,
ສ່ວນລະບົບຮຽນສາຍສາມັນສົງແມ່ນໃຫ້ຝ່າຍສົງເປັນຜູ້ຈັດຕັ້ງກັນສອບເສັງເອງ.
No comments:
Post a Comment