ໄຟໄໝ້ຕະຫລາດໂພນສະຫວ່າງ

          ທ່ານ ພັນໂທ ຈັນທະບູນ ຮອງຫົວໜ້າພະແນກຕຳຫຼວດ ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງ ຈັນ ໄດ້ເປີດ ເຜີຍຕໍ່ນັກຂ່າວລາວພັດ ທະນາ ກ່ຽວ ກັບການສືບສວນ-ສອບ ສວນເຫດການໄຟໄໝ້ຕະຫຼາດ ໂພນສະ ຫວ່າງ ເມືອງ ຈັນ ທະບູລີ ນະຄອນຫຼວງວຽງຈັນ ໃນຄ່ຳ ຄືນວັນທີ 17 ທັນວານີ້ ຊຶ່ງສາເຫດ ແມ່ນມາ ຈາກໄຟ ຟ້າລັດວົງຈອນ ໂດຍຕົ້ນ ໄຟແມ່ນເກີດຂື້ນຢູ່ຮ້ານ ຂອງ ນາງ ບົວວອນ ທີ່ມາເຊົ່າ ເປີດຂາຍເສື້ອຜ້າ ແລະ ມີຈຳ ນວນ 8 ຫ້ອງທີ່ໄດ້ຮັບຜົນເສຍຫາຍ ຊຶ່ງມູນຄ່າເສຍ ຫາຍຕົວຈິງ ເຈົ້າ ໜ້າທີ່ຍັງເກັບກຳຕື່ມ.

        ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານອັກຄີໄພນະຄອນຫຼວງວຽງຈັນ ໃຫ້ຮູ້ວ່າ: ປັດຈຸບັນສະພາບອາກາດ ໄດ້ເລີ່ມເຂົ້າສູ່ລະດູແລ້ງ ແລະ ຢູ່ນະຄອນຫຼວງວຽງ ຈັນ ໄດ້ເກີດອັກຄີໄພ ຢ່າງຕໍ່ເນື່ອງ ໂດຍສະເພາະ ໃນ ໄລຍະອາທິດຜ່ານມາ ມີອັກຄີໄພ ເກີດຂຶ້ນ 3 ຄັ້ງ ແລະ 11 ເດືອນຜ່ານມາ ຢູ່ນະຄອນຫຼວງວຽງຈັນ ມີອັກຄີໄພເກີດຂື້ນ 40 ກວ່າຄັ້ງ ຊຶ່ງສ່ວນໃຫຍ່ສາ ເຫດແມ່ນ ຍ້ອນໄຟຟ້າລັດວົງຈອນ ແລະ ການຂາດສະຕິໃນການ ຊົມໃຊ້ໄຟ ຂອງປະຊາຊົນ, ໄຕ້ທູບທຽນບູຊາ ແລະ ອື່ນໆ, ເພື່ອສະກັດ ກັ້ນບັນຫາດັ່ງກ່າວທາງເຈົ້າໜ້າທີ່ຕຳຫຼວດກໍໄດ້ເພີ່ມທະວີລົງໂຄສະນາວຽກງານປ້ອງກັນ ແລະ ຕ້ານອັກຄີໄພໃຫ້ປະຊາຊົນໃນຊຸມ ຊົນ ແລະ ສຳນັກງານອົງການຕ່າງໆໃຫ້ເອົາໃຈໃສ່ໃນການປ້ອງກັນໃຫ້ດີຂື້ນ.