ວັນທີ 19 ທັນວານີ້ ຢູ່ສູນບໍລິການລູກຄ້າລາວໂທລະຄົມ,
ບ້ານສາຍລົມ, ນະຄອນຫຼວງວຽງ ຈັນໄດ້ມີພິທີມອບລາງ ວັນລົດໃຫຍ່ເຊບໂຣເລັດຄັນທີ່ 3 ໃຫ້ກັບ ລູກຄ້າຜູ້ໂຊກດີ, ໃນໂຄງການເອັມ
ໂຟນແຈກໂຊກພາກ 2 ຊຶ່ງໃຫ້ ກຽດມອບ ໂດຍ ທ່ານ ພູຂົງ ຈິດຮູບໂລກ ຮອງຜູ້ອຳນວຍການໃຫຍ່ລາວໂທລະຄົມ
ແລະ ຜູ້ໂຊກດີແມ່ນ ນາງທິລະພອນ ພິລາບຸນຄຸນ, ຢູ່ບ້ານວັດນາກ, ເມືອງສີສັດຕະນາກ, ນະຄອນຫຼວງ ວຽງຈັນ,
ໄດ້ຮັບລາງວັນຈາກການຂູດບັດ 50 ພັນກີບ, ເຂົ້າຮ່ວມໃນພິທີດັ່ງກ່າວ ມີຄະນະອຳນວຍການ ແລະ ພະນັກງານລາວໂທລະຄົມ,
ພ້ອມດ້ວຍລູກຄ້າເຂົ້າຮ່ວມ ເປັນຈຳນວນຫຼາຍ.
ສຳລັບລາງວັນລົດໃຫຍ່ທີ່ມອບໃນຄັ້ງນີ້ແມ່ນເປັນຄັນທີ
6 ຂອງຈຳນວນລາງ ວັນລົດໃຫຍ່ທີ່ມີທັງໝົດ 9 ຄັນ, ຂອງທັງສອງພາກບວກເຂົ້າກັນ ແລະ ນັບແຕ່ມື້ເລີ່ມໂຄງການນີ້ຈົນຮອດປັດຈຸບັນມີລູກຄ້າຖືກ ລາງວັນຈາກລາວໂທລະຄົມໄປແລ້ວທັງໝົດ 85,841 ລາງວັນ,ໃນນັ້ນນະຄອນຫຼວງວຽງຈັນມີຜູ້ຖືກ 7,856 ລາງວັນ
ແລະ ສາຂາແຂວງທົ່ວປະເທດ 47,985 ລາງວັນ ແລະ ສຳ ລັບກຳນົດຂອງໂປໂມຊັນແມ່ນ ເຖິງວັນທີ 30
ເມສາ 2014 ນີ້.
No comments:
Post a Comment