ກຽມຈັດງານກຸສົນລະດົມທືນຊ່ວຍເຫຼືອແມ່ຍິງພິການລາວ

       ວັນທີ 5 ທັນວານີ້, ສູນພັດທະນາແມ່ຍິງພິການລາວ, ໄດ້ຈັດຖະແຫຼ່ງຂ່າວ ກ່ຽວກັບການກະກຽມການຈັດງານກຸສົນລະ ດົມທືນເພື່ອຊ່ວຍເຫຼືອແມ່ຍິງພິການ ລາວຂຶ້ນ, ຢູ່ສະມາຄົມນັກຂ່າວແຫ່ງປະເທດລາວ ໂດຍການເຂົ້າຮ່ວມຂອງ ທ່ານ ນາງ ຈັນ ເພັງສີວິລາ, ຫົວໜ້າສູນພັດທະນາແມ່ຍິງພິການລາວ, ທ່ານ ສົມສະໜຸກມີໄຊ, ຮອງຫົວໜ້າສະມາຄົມນັກຂ່າວແຫ່ງປະເທດລາວ, ພ້ອມພະນັກງານຈາກສູນດັ່ງ ກ່າວຈຳນວນໜຶ່ງເຂົ້າຮ່ວມ.

         ທ່ານຫົວໜ້າ ສູນພັດທະນາ ແມ່ຍິງພິການລາວຖະແຫຼ່ງວ່າ: ວັນທີ 7 ທັນວານີ້ທາງສູນຂອງ ຕົນຈະຈັດງານການກຸສົນ ສະດົມທຶນເພື່ອຊວ່ຍເຫຼືອແມ່ຍິງພິການລາວໃນອະນາຄົດ ແລະ ເພື່ອເປັນການສະໜັບສະໜູນ ແລະພັດທະນາແມ່ຍິງພິການ ລາວບັນດາເຜົ່າ ແລະ ທັງສ້າງຄວາມເບີກເບີນມ່ວນຊື່ນສະເຫຼີມສະຫຼອງວັນສາກົນຄົນພິການເຊິ່ງຈະຈັດໃຫ້ມີຫຼາຍໆ ກິດຈະກຳ ເຊັ່ນ: ການສາທິດແບບວິທີຜະລິດຫັດຖະກິດຂອງຄົນພິການ, ການສະແດງສີລະປະຂອງນັກຮຽນພາຍໃນສູນ, ການຫຼິ້ນເກມ

,ການຂາຍສິນຄ້າ, ການປຸງແຕ່ງອາຫານ ແລະ ອື່ນໆ, ດັ່ງນັ້ນຈຶ່ງຂໍເຊີນຊວນທຸກໆຄົນໃນສັງຄົມເຂົ້າຮ່ວມ, ພ້ອມທັງໃຫ້ການສະ ໜູນສະໜູນແກ່ສູນພວກເຮົາ. ກໍຄືການສະໜັບສະໜູນແມ່ຍິງພິການຂອງລາວໃຫ້ມີວຽກເຮັດງານທຳ ແລະ ສາມາດປະກອບ ສ່ວນໃຫ້ແກ່ສັງຄົມ ແລະ ຄອບຄົວເຂົາເຈົ້າໄດ້ເປັນ ຢ່າງດີ,ຊຶ່ງງານດັ່ງກ່າວຈະເລີ່ມ ແຕ່ເວລາ 9:00 - 16:00ຂອງວັນທີ 7 ທັນ ວານີ້.

         ສູນພັດທະນາແຍ່ຍິງພິການ ລາວ,ສ້າງຕັ້ງຂື້ນໃນປີ 2002, ມີສຳນັກງານຕັ້ງຢູ່ຖະໜົນທ່າເດື່ອ, ບ້ານດົງໂພສີ, ເມືອງ ຫາກຊາຍຟອງ, ນະຄອນຫຼວງວຽງຈັນ ແລະ ຮອດປັດຈຸບັນສາມາດສ້າງອາຊີບໃຫ້ແກ່ແມ່ຍິງພິການຂອງ ລາວໄດ້ແລ້ວຫຼາຍ ກວ່າ500 ຄົນ.