ກົມດັ່ງກ່າວ ໃຫ້ຮູ້ວ່າ: ທ່ອງທ່ຽວແມ່ນຂະແໜງການໜຶ່ງທີ່ສຳຄັນໃນການປະກອບສ່ວນພັດ
ທະນາເສດຖະ ກິດ-ສັງຄົມ ເຊິ່ງໃນໄລຍະຜ່ານມາ ລັດຖະບານໄດ້ເອົາໃຈໃສ່ໃນການວາງແຜນພັດ
ທະນາການທ່ອງທ່ຽວໃຫ້ດີຂຶ້ນເປັນກ້າວໆ ຈົນເຮັດໃຫ້ ສປປ ລາວ ໄດ້ຮັບລາງວັນເປັນປະເທດທີ່ໜ້າທ່ອງທ່ຽວທີ່ສຸດໃນໂລກ
ໃນປີ 2013. ນອກຈາກນີ້, ສປປ ລາວ ຍັງໄດ້ຮັບກຽດເປັນເຈົ້າ ພາບຈັດກອງປະຊຸມ ເພື່ອປຶກສາຫາລືການພັດທະນາການທ່ອງ
ທ່ຽວ ທັງໃນລະດັບພາກພື້ນ ແລະ ສາກົນ.
ສຳລັບການຈັດສັນແຫລ່ງ ທ່ອງທ່ຽວ ມາຮອດປັດຈຸບັນໄດ້ມີການຈັດສັນວາງແຜນພັດທະນາແຫລ່ງທ່ອງທ່ຽວທີ່ເປັນບູລິມະສິດສຳເລັດ
5 ແຫ່ງ ຄືຈັດສັນສິ່ງອຳນວຍຄວາມສະດວກຢູ່ເຂດບ້ານຊ່າງໄຫ ແລະ ບ້ານປາກອູ ເມືອງປາກອູ
ແຂວງຫລວງພະ
ບາງ, ແຫລ່ງທ່ອງທ່ຽວຖ້ຳຈອມອອງ ເມືອງໄຊ ແຂວງອຸດົມໄຊ, ແຫລ່ງທ່ອງທ່ຽວເຮືອນຫີນ
ເມືອງໄຊພູທອງ ແຂວງສະຫວັນນະເຂດ, ແຫລ່ງທ່ອງທ່ຽວແກັງກຸປາກເສັດ
ເມືອງວາປີ ແຂວງສາ ລະວັນ ແລະ ແຫລ່ງທ່ອງທ່ຽວຕາກຮຳ ເມືອງແກ່ນທ້າວ ແຂວງໄຊຍະບູລີ
ແລະ ແຫລ່ງທ່ອງທ່ຽວອື່ນໆຕື່ມອີກ. ນອກຈາກນີ້ ຍັງໄດ້ເຝິກອົບຮົມການທ່ອງທ່ຽວແບບອະນຸລັກໃຫ້ປະຊາຊົນຫລາຍທ້ອງຖິ່ນ
ເພື່ອເຮັດໃຫ້ປະຊາຊົນເຫັນໄດ້ເຖິງຄວາມສຳຄັນຂອງການອະນຸລັກທຳມະຊາດ, ວັດທະ
ນະທຳ ແລະ ຮີດຄອງປະເພນີອັນດີງາມຂອງທ້ອງຖິ່ນ ທັງເຮັດໃຫ້ປະຊາຊົນມີສ່ວນຮ່ວມໃນການ
ຈັດຕັ້ງປະຕິບັດກິດຈະກຳການ ທ່ອງທ່ຽວແບບອະນຸລັກ ເຮັດໃຫ້ປະຊາຊົນທ້ອງຖິ່ນມີລາຍຮັບດ້ານເສດຖະກິດຈາກກິດຈະການທ່ອງທ່ຽວແບບອະນຸລັກ
ທັງເປັນການສົ່ງເສີມການຜະລິດເຄື່ອງຫັດຖະກຳຂອງຊາວບ້ານ.
No comments:
Post a Comment