ໜ່ວຍພາສີເຄື່ອນທີ່ເພື່ອຕ້ານ ແລະ ສະກັດກັ້ນສິນຄ້າລັກລອບໜີພາສີປະຈຳ ແຂວງຈຳປາສັກ ໄດ້ຢຶດໄມ້ປະດົງຈຳນວນ 145 ກວ່າແມັດກ້ອນ, ພາຍຫລັງ ກວດ ພົບເຫັນຜູ້ເຄື່ອນຍ້າຍໄມ້ທີ່ບໍ່ຖືກຕ້ອງຕາມເອກະສານ.
ຕາມ ການໃຫ້ຂໍ້ມູນຂອງທ່ານ ສາຍຄຳ ດວງມາລາ ຮອງຫົວໜ້າພາສີ ເຂດ IV ໃຫ້ຮູ້ວ່າ:ໃນທ້າຍເດືອນ
ທັນວາ 2013 ຜ່ານມາ, ພາຍຫລັງມີແຫລ່ງຂ່າວກ່ຽວກັບການ ເຄ່ືອນຍ້າຍໄມ້ພາຍໃນທີ່ບໍ່ ຖືກຕ້ອງຈາກແຂວງເຊກອງມາຜ່ານແຂວງຈຳປາສັກ,
ຈຶ່ງໄດ້ແຕ່ງ ຕັ້ງໜ່ວຍພາສີຕ້ານ ແລະ ສະກັດ ກັ້ນສິນຄ້າລັກລອບໜີພາສີທີ່ຂຶ້ນ ກັບພາສີເຂດ
IV ປະຈຳແຂວງ ຈຳປາສັກອອກເຄື່ອນໄຫວຕິດຕາມກວດກາຈຶ່ງສາ ມາດພົບເຫັນລົດລາກທີ່ບັນທຸກໄມ້ຈຳນວນ
4 ຄັນ, ເຊິ່ງເຈົ້າໜ້າທີ່ກໍໄດ້ທຳ ການກັກເພື່ອກວດກາ ແລະ ເມື່ອກວດກາຕົວຈິງ ແລ້ວໄດ້ພົບເຫັນປະເພດໄມ້ຕັບສ່ວນຫລາຍແມ່ນໄມ້ປະດົງ
ແລະ ບໍ່ມີຄ້ອນປະ
ທັບຂອງຂະແໜງການກ່ຽວຂ້ອງລວມທັງໝົດ 145 ກວ່າແມັດກ້ອນ, ໃນນັ້ນ ໄມ້ປະດົງ
1.462 ຕັບ, ບໍລິມາດ 108 ກວ່າແມັດ ກ້ອນ ແລະ ໄມ້ສຳເລັດຮູບ 22.300 ເສັ້ນ ບໍລິມາດ 37 ກວ່າ
ແມັດກ້ອນ, ເຊິ່ງໄມ້ຈໍານວນດັ່ງກ່າວເຈົ້າໜ້າທີ່ພາສີໄດ້ຢຶດ ໄວ້ແລ້ວປັດຈຸບັນພວມຢູ່ໃນຂັ້ນຕອນດຳເນີນ
ຄະດີທາງພາສີຕາມລະບຽບກົດໝາຍບ້ານເມືອງກຳນົດອອກ.
No comments:
Post a Comment