ຢູ່ນະຄອນຫຼວງວຽງຈັນປີໃໝ່ສາກົນອຸປະຕິເຫດທາງຖະໜົນເພີ່ມ, ຂະນະທີ່ຍອດເສຍຊີວິດທຽບປີກ່ອນເທົ່າເກົ່າ

     ຫ້ອງການຄົ້ນຄວ້າສັງລວມ ກອງຄະດີອຸປະຕິເຫດນະຄອນຫຼວງວຽງຈັນໄດ້ລາຍ ງານຫລ້າສຸດໃນເຊົ້າວັນທີ 2 ມັງກອນ 2014 ໃຫ້ຮູ້ວ່າ: ໃນລະຫວ່າງ ສົ່ງທ້າຍປີເກົ່າປີ 2013 ແລະ ຕ້ອນຮັບປີໃຫມ່ສາກົນປະຈຳປີ 2014 ທີ່ໄດ້ໝູນວຽນມາບັນຈົບຄົບ ຮອບອີກວາລະໜຶ່ງນັ້ນຄື: ນັບ ແຕ່ວັນທີ 30-31 ທັນວາ ຫາ ວັນ ທີ 1 ມັງກອນນີ້, ທົ່ວນະຄອນ ຫຼວງວຽງຈັນ, ມີີອຸປະ ຕິ ເຫດເກີດຂຶ້ນຕາມທ້ອງຖະໜົນໃນ 9 ຕົວ ເມືອງອ້ອມຂ້າງທັງໝົດ 37 ກໍລະ ນີ, ມີຜູ້ເສຍຊິວິດ 5 ຄົນ, ບາດ ເຈັບເລັກນ້ອຍ 23 ຄົນ, ສົມຄວນ 29 ຄົນ, ສາຫັດ 9 ຄົນ. ມີພາຫະ ນະເປ່ເພເລັກນ້ອຍ 20 ຄັນ, ສົມ ຄວນ 13 ຄັນ.

         ທ່ານ ຮອ ສີສົມພອນ ເພັງ ສະຫວັດ ຄະນະຮັບຜິດຊອບຄົ້ນ ຄວ້າສັງລວມກອງຄະດີອຸປະຕິ ເຫດ ນະຄອນຫຼວງແຈ້ງ

ໃຫ້ຮູ້ວ່າ: ອຸປະຕິເຫດເກີດຕາມທ້ອງ ຖະໜົນຢູ່ໃນ 9 ຕົວເມືອງ ອ້ອມ ຂ້າງນະຄອນຫຼວງ, ໄລຍະສົ່ງ ທ້າຍປີເກົ່າ ແລະ ຕ້ອນ ຮັບປີໃໝ່ ນີ້, ພຽງແຕ່ໄລຍະ 3 ວັນການເກີດອຸປະຕິເຫດເມື່ອທຽບໃສ່ໄລຍະດຽວກັບປີກ່ອນເຫັນວ່າມີຈຳນວນເພີ່ມຂຶ້ນຈາກ 28 ກໍລະນີມີ ເຖິງ 37 ກໍລະນີ,  ຂະນະທີ່ຈຳ ນວນຜູ້ເສຍຊີວິດແມ່ນຢູ່ໃນລະ ດັບເກົ່າທຽບໃສ່ກັບປີກ່ອນ, ຊຶ່ງອຸປະຕິເຫດສ່ວນ ຫລາຍແມ່ນເກີດຈາກການດື່ມສິ່ງມຶນເມົາແລ້ວ ຂັບຂີ່ລົດ, ຂັບຂີ່ແບບປະໝາດ ແລະ ລະເມີດກົດລະບຽບຈາລະຈອນສົ່ງຜົນໃຫ້ ເກີດອຸປະຕິເຫດສ່ວນຫຼາຍມັກເກີດຂຶ້ນແຕ່ເວລາ 16 ໂມງ - 24 ໂມງ.