ນັກຂ່າວໜັງສືພິມ ລາວ ພັດທະນາໄດ້ລົງໄປເບິ່ງສະພາບເສັ້ນທາງດັ່ງກ່າວ ເມື່ອວັນທີ
3 ກຸມພາ, ພາຍຫລັງມີປະຊາຊົນ ທີ່ອາໄສຢູ່ເຂດນັ້ນໂທເຂົ້າມາ, ເພື່ອສະເໜີເຖິງຄວາມເດືອດຮ້ອນທີ່ພວກເຂົາ ຜະເຊີນຢູ່
ຍ້ອນລົດແກ່ດິນຂອງໂຄງການກໍ່ສ້າງສະ ໜາມກ໋ອບໃນເຂດບ້ານ ໂຊກນ້ອຍ ແລ່ນເຂົ້າ-ອອກຈາກໂຄງການດ້ວຍ ຄວາມໄວສູງ
ແລະ ສ່ຽງຕໍ່ການເກີດອຸປະຕິເຫດ ແລະ ລົດສ່ວນຫລາຍແມ່ນໃສ່ດິນຈົນສວດມ໋ອກ, ແຕ່ບໍ່ມີສິ່ງປົກຄຸມ
ເຮັດໃຫ້ດິນຕົກເຮ່ຍ
ແລະ ປິວໄຫງ່ຕະຫລອດສາຍທາງແຕ່ບໍ່ມີ ເຈົ້າໜ້າທີ່ກ່ຽວຂ້ອງໃດໆເຂົ້າມາເບິ່ງແຍງດູແລ ແລະ ຕັກເຕືອນ.
ປະຊາຊົນທ່ານໜຶ່ງ
ທີ່ອາໄສຢູ່ບໍລິເວນໃກ້ຄຽງ ກ່າວວ່າ: ນັບແຕ່ມີລົດແກ່ດິນຂອງໂຄງການດັ່ງກ່າວແລ່ນໄປມາຕະ ຫລອດວັນນີ້
ໄດ້ສ້າງຜົນກະທົບດ້ານມົນລະພິດອາກາດຫລາຍສົມຄວນ, ຫລາຍຄອບຄົວຕ້ອງປິດປະຕູເຮືອນສະໜິດຕະ ຫລອດ
24 ຊົ່ວໂມງ ແລະ ພາຍໃນເຮືອນເປັນຕົ້ນ: ພື້ນເຮືອນ, ໂຊຟາ, ໂຕະຕັ່ງ ແລະ ເຄື່ອງນຸ່ງແມ່ນມີຂີ້ຝຸ່ນຈັບເຕັມໄປໝົດ
ແລະ ບໍ່ໄຫວໃນການອະນາໄມປັດຖູ. ນອກຈາກນີ້ ກໍມີບັນຫາຕໍ່ລະບົບຫາຍໃຈບໍ່ໜ້ອຍ.ສະນັ້ນ, ຈຶ່ງຮຽກຮ້ອງໃຫ້ພາກ
ສ່ວນກ່ຽວຂ້ອງໄດ້ເຂົ້າມາຊຸກຍູ້ແກ້ໄຂສະພາບການແລ່ນໄປມາຂອງລົດແກ່ດິນຂອງໂຄງການດັ່ງກ່າວ ໃຫ້ຫລຸດຜ່ອນຄວາມໄວ
ແລະ ຄວນມີຜ້າບັດປົກປິດດິນໃຫ້ດີ, ພ້ອມມີການຫົດນ້ຳເສັ້ນທາງໃຫ້ເປັນປະຈຳເພື່ອຫລຸດຜົນກະທົບຕ່າງໆທີ່ເກີດຂຶ້ນ.
No comments:
Post a Comment