ຜະລິດຕະພັນຢາສູບຈັດຢູ່ໃນສິນຄ້າປະເພດຟຸມເຟືອຍ
ແລະ ເປັນອັນຕະລາຍຕໍ່ສຸຂະພາບຂອງຜູ້ບໍລິໂພກ ລວມທັງຜູ້ຢູ່ໃກ້ຄຽງ. ໃນຫລາຍປີມານີ້,
ມີຫລາຍປະເທດມີຄວາມພະຍາຍາມກຳນົດມາດຕະການດ້ານຕ່າງໆ ເພື່ອໃຫ້ຜູ້ບໍລິໂພກຢາສູບຫລຸດໜ້ອຍລົງ.
ເນື່ອງໃນໂອກາດວັນຢຸດສູບຢາ
31 ພຶດສະພານີ້, ຄະນະກຳມະການແຫ່ງຊາດ ເພື່ອຄວບຄຸມຢາສູບ ໃຫ້ຮູ້ວ່າ: ສົນທິ
ສັນຍາຂອງອົງການອະນາໄມໂລກວ່າດ້ວຍການຄວບຄຸມຢາສູບ ໄດ້ສະເໜີໃຫ້ປະເທດພາຄີຕ້ອງພະຍາ
ຍາມປະຕິບັດມາດຕະການ ຄືການໃຫ້ຄວາມຮູ້ແກ່ສັງຄົມຢ່າງທົ່ວເຖິງ ແລະ ກວ້າງຂວາງ,
ມີຄຳເຕືອນອັນຕະລາຍໃສ່ຊອງ ຢາສູບ, ຫ້າມໂຄສະນາ, ສົ່ງເສີມການຂາຍ ແລະ ການອຸປະຖຳຈາກຢາສູບ,
ຈັດໃຫ້ບ່ອນເຮັດວຽກ, ສະຖານທີ່ສາທາລະນະເປັນບ່ອນປອດຄວັນຢາສູບ ແລະ ຕ້ອງເກັບອາກອນຢາສູບໃຫ້ສູງຢ່າງຄວນເກັບ
70% ຂອງລາຄາຂາຍຍ່ອຍ, ແຕ່ໜ້າເສຍດາຍ ປັດ ຈຸບັນນີ້ ສຳລັບ ສປປ ລາວເຮົາ ຍັງບໍ່ທັນສາມາດປະຕິ ບັດຕາມ
ຂໍ້ສະເໜີຂອງອົງການອະນາໄມໂລກໄດ້ໝົດຍ້ອນຍັງປະສົບກັບບັນຫາສັນຍາກັບບໍລິສັດຜະລິດ
ຢາສູບທີ່ເຊັນກັບລັດຖະບານໃນປີ 2001 ທີ່ເກັບໄດ້ພຽງ 15% ເທົ່ານັ້ນ ແລະ ບໍ່ສາມາດເກັບໄດ້ຕາມທີ່ກຳນົດໄວ້ໃນກົດໝາຍວ່າດ້ວຍສ່ວຍສາອາກອນທີ່ກຳນົດໃຫ້ເກັບ
60% ຂອງລາຄາຕົ້ນທຶນ ຈຶ່ງເຮັດໃຫ້ລັດຖະບານສູນເສຍລາຍຮັບເປັນຈຳນວນມະຫາ ສານໃນແຕ່ລະປີ
ແລະ ສັນຍາ ນີ້ຈະຍາວໄປຮອດປີ 2026. ຫລັງຈາກນັ້ນ ຈຶ່ງຈະສາມາດປະຕິ ບັດຕາມເງື່ອນໄຂທີ່ກົດໝາຍກ່ຽວ
ຂ້ອງຂອງລາວລວມເຖິງສົນທິ ສັນຍາຕ່າງໆທີ່ສາກົນໄດ້ກຳນົດໄວ້.
No comments:
Post a Comment