ຕາມການໃຫ້ຮູ້ຂອງທ່ານລັດ ຖະມົນຕີວ່າການກະຊວງຊັບພະຍາກອນທຳມະຊາດ
ແລະ ສິ່ງແວດລ້ອມ ໜູລິນ ສິນບັນດິດ ເມື່ອບໍ່ດົນມານີ້ວ່າ: ປັດຈຸບັນ, ລັດຖະບານພວມພິຈາລະນາເຖິງຄວາມອາດສາມາດຂອງຜູ້ປະກອບການຫລາຍກວ່າ
10 ໂຄງ ການທີ່ດຳເນີນກິດຈະການສຳຫລວດ ແລະ ຂຸດຄົ້ນແຮ່ທາດຢູ່ຫລາວທີ່ບໍ່ມີຄວາມຄືບໜ້າ
ແລະ ບໍ່ມີປະສິດທິພາບ ອັນມີສາເຫດມາຈາກເຈົ້າຂອງໂຄງການບໍ່ປະຕິບັດຕາມຂັ້ນຕອນການຊອກຄົ້ນສຳຫລວດ
ກໍຄືລະບຽບກົດໝາຍຕ່າງໆກຳນົດໄວ້, ມີຄວາມຫຍຸ້ງຍາກດ້ານການເງິນ, ບໍ່ມີບຸກຄະລາກອນ
ແລະ ກົນຈັກຕ່າງໆ ເພື່ອຮັບໃຊ້ເຂົ້າໃນວຽກງານ ໂດຍບັນດາໂຄງການທີ່ຈະຖືກສັ່ງຢຸດນີ້ແມ່ນເຄີຍຖືກຕັກເຕືອນມາແລ້ວຈາກພາກສ່ວນກ່ຽວຂ້ອງຂອງລັດ
ໂດຍສະເພາະຄະນະກຳມະ ການສະເພາະກິດ ເພື່ອກວດກາບັນດາໂຄງ ການລົງທຶນຢູ່ລາວ
ເຊິ່ງປະກອບມີຕາງໜ້າຈາກກະຊວງແຜນ ການ ແລະ ການລົງທຶນ, ກະຊວງຊັບພະຍາກອນທຳມຊາດ
ແລະ ສິ່ງແວດລ້ອມ, ກະຊວງກະສິກຳ ແລະ ປ່າໄມ້ ແລະ ກະຊວງພະ ລັງງານ ແລະ ບໍ່ແຮ່ເຊິ່ງຄະ
ນະກຳມະການດັ່ງກ່າວແມ່ນເຮັດໜ້າທີ່ເປັນເສນາໃຫ້ລັດຖະບານ ເພື່ອກວດກາຄືນບັນດາໂຄງການລົງທຶນຢູ່ລາວ
ເພື່ອປະເມີນຜົນດ້ານຕ່າງໆ ແລ້ວລາຍງານໃຫ້ລັດຖະບານຮັບຊາບ ແລະ ພິຈາລະນາເຖິງຄວາມອາດສາມາດຂອງບັນດາໂຄງການລົງທຶນຕ່າງໆວ່າຈະໃຫ້ເຄື່ອນໄຫວຕໍ່
ຫລື ໃຫ້ຢຸດເຊົາ.
No comments:
Post a Comment