ສະພາແຫ່ງຊາດ, ໄດ້ຈັດຕັ້ງເຜີຍແຜ່ເນື້ອໃນຜົນສຳເລັດກອງປະຊຸມຄົບຄະນະບໍລິຫານງານສູນກາງພັກຄັ້ງທີ
8 ສະໄໝ IX ເຂົ້າສູ່ຊິວິດຕົວຈິງໃນວັນທີ 2 ກໍລະກົດນີ້, ໃຫ້ກຽດເຜີຍແຜ່ໂດຍທ່ານ
ດຣໄຊສົມພອນ ພົມວິຫານ ຮອງປະທານສະພາແຫ່ງຊາດ.
ທ່ານ ດຣ. ໄຊສົມພອນ ພົມວິຫານ ກ່າວວ່າ:
ກອງປະຊຸມຄົບຄະນະບໍລິຫານງານສູນກາງພັກປະຊາຊົນປະຕິວັດລາວຄັ້ງທີ 8 ສະໄໝທີ
IX ທີ່ໄດ້ດຳເນີນແຕ່ ວັນທີ 2-11 ມິຖຸນາ 2014 ທີ່ນະ ຄອນຫລວງວຽງຈັນ, ພາຍໃຕ້ການເປັນປະທານຂອງ
ສະຫາຍ ຈູມມາລີ ໄຊຍະສອນ ເລຂາທິ ການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ.
ເຊິ່ງໃນກອງປະຊຸມໄດ້ຕີລາຄາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມ,
ງົບປະມານ ແລະ ເງິນຕາໃນສົກປີ 2013-2014, ກໍຄືການກຳນົດບັນດາຄາດໝາຍສູ້ຊົນ
ແລະ ທິດທາງແຜນການວຽກງານເຫລົ່ານີ້ສຳລັບສົກປີ 2014- 2015 ແນໃສ່ຊອກຫາທາງອອກທີ່ສອດຄ່ອງເໝາະສົມໃຫ້ແກ່ການແກ້ໄຂບັນຫາເສດຖະກິດມະຫາພາກ,
ບັນຫາຄວາມຫຍຸ້ງ ຍາກກດ້ານການເງິນ ແລະ ເງິນ ຕາ, ກໍຄືວຽກງານໃນຂົງເຂດສັງຄົມໃຫ້ມີຄວາມໜັກແໜ້ນຕາມທິດພັດທະນາແບບຍືນຍົງ.
ພ້ອມນັ້ນ ທ່ານ ດຣ.ໄຊສົມພອນ ພົມວິຫານ ຍັງໄດ້ຍົກໃຫ້ເຫັນສະພາບສາກົນ
ແລະ ພາກພື້ນທີ່ມີການຜັນແປໄປຢ່າງໄວວາ ແລະ ສະຫລັບຊັບຊ້ອນ, ສະ ພາບພາຍໃນປະເທດເຖິງມີບາງດ້ານພົບຄວາມຫຍຸ້ງຍາກກໍຕາມ,
ແຕ່ທົ່ວພັກ, ທົ່ວກອງ ທັບ ແລະ ທົ່ວປວງຊົນລາວທັງຊາດໄດ້ສືບຕໍ່ຕັ້ງໜ້າສຸມໃສ່ຈັດຕັ້ງຜັນຂະ
ຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ
5 ປີ ຄັ້ງທີ VII ແລະ ອື່ນໆ ໂດຍຕິດພັນຢ່າງແໜ້ນແຟ້ນກັບຂະບວນການແຂ່ງຂັນ
“ຮັກຊາດ ແລະ ພັດທະນາ” ຊຸກຍູ້ວຽກງານ 3 ສ້າງ, ໃນນັ້ນ ກອງປະຊຸມຄົບຄະນະບໍລິຫານງານສູນກາງພັກ
ຍັງໄດ້ລົງເລິກຕີລາຄາການປະ ຕິບັດແຜນພັດທະນາເສດຖະກິດ- ສັງຄົມ 6 ເດືອນຕົ້ນປີ
ແລະ ວຽກ ງານຈຸດສຸມໃນ 6 ເດືອນທ້າຍສົກປີ 2013-2014 ແລະ ໄດ້ໃຫ້ທິດຊີ້ນຳຕໍ່ແຜນການວຽກງານສົກປີ
2014-2015, ໃຫ້ທັດສະນະ ແລະ ທິດຊີ້ນຳຕໍ່ຮ່າງລາຍງານການເມືອງເພື່ອກະກຽມໃຫ້ແກ່ກອງປະຊຸມໃຫຍ່ຄັ້ງທີ
X ຂອງພັກ, ຮ່າງແຜນຍຸດທະສາດຮອດປີ 2025 ແລະ ວິໄສທັດຮອດປີ 2030 ແລະ ຮ່າງແຜນພັດທະນາເສດຖະກິດ-ສັງຄົມ
5 ປີ ຄັ້ງທີ VIII ຂອງລັດ.
No comments:
Post a Comment