ກອງປະຊຸມທຸລະກິດລາວຄັ້ງທີ 9 ເນັ້ນຫາລືເຊື່ອມໂຍງພາກພື້ນ

    ກອງປະຊຸມທຸລະກິດລາວ ຄັ້ງທີ 9 ໄດ້ມີຂຶ້ນໃນວັນທີ 3 ທັນ ວານີ້ຢູ່ໂຮງແຮມ ລາວພລາຊາ, ນະຄອນຫລວງວຽງຈັນ, ໂດຍ ການເປັນປະທານຂອງທ່ານ ສົມ ສະຫວາດ ເລັ່ງສະຫວັດ ຮອງ ນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດ ການຜະລິດ ແລະ ຈໍລະຈອນ, ເພື່ອເນັ້ນໃສ່ການປືກສາຫາລືການເຊື່ອມໂຍງເສດ ຖະກິດຂອງລາວກັບພາກ ພື້ນ, ໂດຍສະເພາະການກ້າວ ເປັນປະຊາຄົມເສດຖະ ກິດອາ ຊຽນໃນທ້າຍປີ 2015 ນີ້.

    ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ກ່າວ ວ່າ: ກອງປະຊຸມທຸລະກິດລາວ ແມ່ນເວທີປືກສາຫາລືລະ ຫວ່າງພາກລັດ ແລະ ເອກກະຊົນ ເພື່ອຮ່ວມກັນຊອກຫາວິທີທາງແກ້ໄຂບັນຫາຕ່າງໆທີ່ພົວພັນເຖິງນະໂຍບາຍ ຂອງລັດຖະ ບານໃຫ້ສອດຄ່ອງກັບສະພາບການຂະຫຍາຍຕົວຂອງເສດຖະກິດຕົວຈິງຂອງປະເທດ, ເພື່ອຮັບປະກັນໃຫ້ແກ່ການສ້າງສະ ພາບແວດ ລ້ອມທີ່ເອື້ອອຳນວຍຕໍ່ການດຳ ເນີນທຸລະກິດ ແລະ ການລົງທຶນ ຢູ່ລາວ ແລະ ການປຶກສາຫາລື ການກະກຽມ

ຄວາມພ້ອມແກ່ ການເຊື່ອມໂຍງກັບພາກພື້ນ ແລະ ສາກົນ, ໂດຍສະເພາະການ ເຊື່ອມໂຍງປະຊາຄົມເສດຖະກິດອາຊຽນໃນປີ 2015 ເພື່ອພ້ອມ ກັນແກ້ໄຂອຸປະສັກ ແລະ ບັນ ດາສິ່ງກີດຂວາງຕ່າງໆອັນສຳ ຄັນແມ່ນເຮັດໃຫ້ພາກລັດ ແລະ ທຸລະກິດມີ ຄວາມເຂົ້າໃຈຢ່າງ ເປັນ ເອກກະພາບໃນການກຳນົດນະໂຍບາຍທີ່ເໝາະສົມເພື່ອສົ່ງ ເສີມໃຫ້ຜູ້ປະກອບການສາມາດ ດຳເນີນ ທຸລະກິດດ້ວຍຄວາມສະດວກ, ເຂັ້ມແຂງເຕີບໃຫຍ່ ແລະ ສາມາດແຂ່ງຂັນກັບພາກພື້ນ  ແລະ ຈະກາຍເປັນພື້ນຖານຍູ້ ໜູນ ໃຫ້ເສດຖະກິດຂອງຊາດມີ ການຂະ ຫຍາຍຕົວຂຶ້ນເປັນກ້າວໆ.

     ສຳລັບບັນຫາສຳຄັນທີ່ໄດ້ ຫາລືໃນກອງປະຊຸມຄັ້ງນີ້ປະ ກອບມີ: ຂົງເຂດພະລັງງານ, ທ່ອງທ່ຽວ, ການເງິນ, ບໍ່ແຮ່, ປະກັນ ໄພ ແລະ ອື່ນໆ. ນອກຈາກນີ້, ກໍໄດ້ຮັບຟັງການສະເໜີກ່ຽວກັບບັນຍາກາດການລົງທຶນຈາກທັດສະນະ ຂອງນັກລົງ ທຶນຕ່າງປະ ເທດໂດຍສະເພາະຈາກສະພາການຄ້າ ແລະ ອຸດສະຫະກຳແຫ່ງ ສປ ຈີນ, ຍ່ີປຸ່ນ ແລະ ເອີຣົບປະຈຳລາວນຳອີກ.