ຄະນະປະຈຳສະພາຫາລືວຽກສຳຄັນປະຈຳເດືອນພະຈິກ

   ກອງປະຊຸມຄະນະປະຈຳສະພາແຫ່ງຊາດປະຈຳເດືອນພະຈິກ 2014, ໄດ້ມີຂຶ້ນ ໃນວັນທີ 3 ທັນວານີ້, ພາຍໃຕ້ການເປັນປະ ທານຂອງທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ມີບັນດາຄະນະປະຈຳສະພາ ແຫ່ງຊາດເຂົ້າຮ່ວມ ຢ່າງ ພ້ອມພຽງ. ເຊິ່ງກອງປະຊຸມໄດ້ຮັບ ຟັງບົດລາຍງານຄວາມພ້ອມ ຮອບດ້ານກ່ຽວ ກັບການກະກຽມ ແລະ ຮັບໃຊ້ກອງປະຊຸມສະໄໝ ສາມັນ ເທື່ອທີ 8 ຂອງສະພາ ແຫ່ງຊາດຊຸດທີ VII, ຜ່ານຮ່າງ ບົດລາຍງານການເຄື່ອນໄຫວ ວຽກງານ 6 ເດືອນທ້າຍປີ 2014 ແລະ ທິດທາງວຽກງານ 6 ເດືອນຕົ້ນປີ 2015 ຂອງຄະນະປະຈຳສະພາແຫ່ງຊາດຕໍ່ກອງ ປະຊຸມສະ ໄໝສາມັນເທື່ອທີ 8 ຂອງສະພາ ແຫ່ງຊາດຊຸດທີ VII, ຮັບຟັງລາຍງານຄວາມຄືບໜ້າການກະກຽມບົດລາຍງານຜົນການ ສອບສວນບົດສະຫລຸບຂາດຕົວການ ຈັດຕັ້ງປະຕິບັດງົບປະມານແຫ່ງລັດສົກປີ 2012-2013, ພິຈາລະນາແຕ່ງຕັ້ງ ຮອງຫົວໜ້າອົງການກວດສອບປະຈຳພາກເໜືອ, ຜ່ານແບບໂຄງການກໍ່ສ້າງຫ້ອງວ່າການສະພາແຫ່ງ ຊາດປະຈຳ

ເຂດເລືອກຕັ້ງທີ 7 ແຂວງໄຊຍະບູລີ ແລະ ຜ່ານ ແບບໂຄງການກໍ່ ສ້າງຫໍພັກພະນັກງານສະພາແຫ່ງຊາດ, ລາຍງານ ກ່ຽວກັບການພັດທະນາສີມືແຮງງານ, ການຂາດແຄນແຮງງານ ແລະ ມາດຕະ ການໃນການຄຸ້ມຄອງແຮງງານພາຍໃນ ແລະ ຕ່າງປະເທດ, ລາຍງານ ກ່ຽວກັບຕາຕະລາງການຈັດ ແບ່ງງົບປະມານສົກປີ 2014-2015 ແລະ ດັດແກ້ລາຍງານ ຜົນການດັດແກ້ງົບປະມານສົກປີ 2013-2014, ລາຍງານການ ທາບທາມລັດຖະທຳມະ ນູນປີ 2003, ລາຍງານ ເນື້ອໃນລະອຽດຂອງບັນດາກົດໝາຍທີ່ຈະນຳເຂົ້າພິຈາລະນາໃນກອງປະ ຊຸມສະໄໝສາມັນເທື່ອ 8 ຂອງ ສະພາແຫ່ງ ຊາດຊຸດທີ VII ເຊິ່ງ ຈະຈັດຂຶ້ນໃນກາງເດືອນທັນວານີ້.