ເສັ້ນທາງຫລາຍສາຍແປງແລ້ວແປງອີກບໍ່ຮູ້ວ່າຄຸນນະພາບເປັນແນວໃດ ?

     ພໍເລີ່ມເຂົ້າສູ່ລະດູແລ້ງ ຂະ ແໜງໂຍທາທິການ ແລະ ຂົນສົ່ງ ກໍໄດ້ຮີບຮ້ອນຂົນຂວາຍທຶນຮອນຈາກບັນດານັກທຸລະກິດ, ຊາວ ຄ້າຂາຍ ແລະ ຊັ້ນຄົນຕ່າງໆຢູ່ນະ ຄອນຫລວງວຽງຈັນເພື່ອການ ສ້ອມແປງເສັ້ນທາງທີ່ເປັນບວກ ເປັນຂຸມເປ່ເພໃນລະ ດູຝົນຜ່ານ ມາໂດຍຄາດວ່າຢ່າງໜ້ອຍຕ້ອງມີງົບປະມານ 10 ຕື້ກີບ ເພື່ອນຳ ໃຊ້ເຂົ້າໃນວຽກງານດັ່ງກ່າວ ໃນນັ້ນ, ມີບັນດາເສັ້ນ ທາງຮ່ອມຕັ້ງຢູ່ ທິດໃຕ້ໃຕ້ຂອງເດີ່ນກິລາ ເຈົ້າອານຸວົງ, ຮ່ອມຈາກຖະໜົນ ຄູວຽງເຊື່ອມຕໍ່ໃສ່ເສັ້ນທາງສາມແສນໄທ ແລະ ຮ່ອມຜ່ານສະຖານີວິທະ ຍຸກະຈາຍສຽງແຫ່ງ ຊາດຜ່ານເສັ້ນທາງທາດດຳອອກໃສ່ຖະໜົນຄູວຽງ ແລະ ຈາກສາມແຍກທາງດຳ ຕັດອອກຖະໜົນສາມແສນ ໄທ, ເຊິ່ງບັນດາເສັ້ນທາງຮ່ອມດັ່ງກ່າວໄດ້ເລີ່ມທຳການກໍ່ສ້າງມາແຕ່ 2011, ໃນລະຫວ່າງກອງປະ ຊຸມສຸດຍອດອາເຊມ, ເຊິ່ງ ສປປ ລາວ ເປັນເຈົ້າພາບໃນເວລານັ້ນ ແລະ ຕົກມາຮອດລະດູຝົນຜ່ານມາບັນດາເສັ້ນ ທາງຮ່ອມ ດັ່ງກ່າວໄດ້ເປ່ເພໜັກ, ຊຶ່ງຈະຕ້ອງ ໄດ້ໃຊ້ທຶນຮອນຫລາຍສົມຄວນ ເຂົ້າໃນການບູລະນະປົວແປງ ແລະ ບໍ່ຮູ້ວ່າດ້ວຍເຫດ ຜົນໃດໃນ ແຕ່ລະປີເສັ້ນທາງສາຍນີ້ຕ້ອງ ໄດ້ໃຊ້ງົບເຂົ້າໃນການສ້ອມແປງເປັນປະຈຳ. ດັ່ງນັ້ນ, ຜູ້ໃຊ້ລົດໃຊ້ ຖະໜົນຜ່ານເສັ້ນ ທາງດັ່ງກ່າວຈຶ່ງມີຄວາມເປັນຫ່ວງ ແລະ ສະ ເໜີພາກສ່ວນກ່ຽວຂ້ອງຕ້ອງໄດ້ທົບທວນຄືນການກວດກາຄຸນນະພາບ ແລະ ເຕັກນິກການສ້ອມແປງໃຫ້ສາມາດຮັບປະກັນຄວາມ ທົນທານມີອາຍຸການໃຊ້ງານໄດ້ກຸ້ມຄ່າກັບງົບປະມານການລົງທຶນ ສ້ອມແປງໃນແຕ່ລະປີ.