ລາວ-ຍີ່ປຸ່ນຮ່ວມຫາລືດ້ານການຊ່ວຍເຫລືອມະນຸດສະທຳ ແລະ ບັນເທົາທຸກໄພພິບັດ

     ຕອນເຊົ້າວັນທີ 10 ທັນ ວາ 2014 ຢູ່ໂຮງແຮມດອນຈັນ ພາເລດ ນະຄອນ ຫລວງວຽງຈັນ ໄດ້ມີກອງປະຊຸມໜ່ວຍງານຜູ້ຊ່ຽວຊານດ້ານການຊ່ວຍເຫລືອມະ ນຸດສະທຳ ແລະ ບັນເທົາທຸກ ໄພພິບັດຄັ້ງທີ V ໂດຍມີທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີຊ່ວຍວ່າການກະຊວງ ປ້ອງກັນປະເທດ ແລະ ທ່ານ ເຄັນ ໂກ ຊາໂຕະ ຫົວໜ້າຫ້ອງການກົມນະໂຍບາຍປ້ອງກັນຊາດ ແລະ ຄວາມໝັ້ນຄົງ ສາກົນກະຊວງປ້ອງກັນປະເທດຍີ່ປຸ່ນ ແລະ ພາກສ່ວນກ່ຽວຂ້ອງເຂົ້າຮ່ວມນຳດ້ວຍ.

                ກອງປະຊຸມດັ່ງກ່າວ ຈະໄດ້ດຳເນີນໄປເປັນເວລາ 3 ວັນ (10-12/12/2014) ເພື່ອປຶກ ສາຫາລືການຮັບເອົາ ແລະ ການ ສົ່ງກຳລັງທະຫານຕ່າງປະເທດໄປປະຕິບັດໜ້າທ່ີການຊ່ວຍເຫຼືອດ້ານມະນຸດສະທຳ ແລະ ບັນເທົາ ທຸກໄພພິບັດ; ຜ່ານຮ່າງເອ ກະສານຫລັກການພື້ນຖານໃນການຮ່ວມມືການປະຕິບັດການຊ່ວຍ ເຫລືອດ້ານມະນຸດສະທຳ ແລະ ບັນເທົາທຸກ

ໄພພິບັດ; ປຶກສາ ຫາລືກ່ຽວກັບກອງປະຊຸມວາງແຜນຝຶກຊ້ອມເທິງແຜນທີ່-ແຜນຮ່າງ (Table Top Exercise) ຂອງການ ຊ່ວຍເຫລືອດ້ານມະ ນຸດສະທຳ ແລະ ບັນເທົາທຸກໄພພິບັດ ເຊິ່ງຈະຈັດຢູ່ ສປປ ລາວ ໃນປີ 2015 ແລະ ບັນຫາສຳຄັນອື່ນໆ ທີ່ກ່ຽວຂ້ອງກັບການຮ່ວມມືໃນວຽກງານດັ່ງກ່າວ.

   ກອງປະຊຸມຄັ້ງນີ້ ແມ່ນໄດ້ຮັບການຈັດຕັ້ງປະຕິບັດຕາມຂອບວຽກການຮ່ວມມືໃນການເປັນປະທານຮ່ວມ ຂອງໜ່ວຍງານ ຜູ້ຊ່ຽວຊານດ້ານການຊ່ວຍເຫລືອມະນຸດສະທຳ ແລະ ບັນເທົາທຸກໄພພິບັດລະຫວ່າງກອງທັບປະຊາຊົນລາວ ແລະ ກອງທັບ ຍີ່ປຸ່ນເຊິ່ງເປັນການປະຕິບັດແນວທາງນະໂຍບາຍການຕ່າງປະເທດຂອງພັກ ແລະ ລັດຖະບານ ແຫ່ງ ສປປ ລາວ ໃນການ ເສີມສ້າງຄວາມເຂົ້າໃຈ, ຄວາມເຊື່ອໜັ້ນ ແລະ ໄວ້ວາງໃຈເຊິ່ງກັນ ແລະ ກັນພາຍໃນກອງທັບຂອງບັນດາປະເທດສະມາຊິກ ອາຊຽນ ແລະ ກອງທັບປະເທດ ອື່ນໆໃນພາກພື້ນ ແລະ ໃນໂລກ ທັງເປັນການເພີ່ມທະວີຂີດຄວາມສາມາດໃນການຮັບມືກັບ ສິ່ງທ້າ ທາຍຕ່າງໆໃນປັດຈຸບັນ ແລະ ອະນາຄົດ, ເພື່ອຮ່ວມກັນສົ່ງ ເສີມສັນຕິພາບ, ສະຖຽນລະພາບ ແລະ ການພັດທະນາ ເພື່ອສິດຜົນ ປະໂຫຍດລວມຂອງປະຊາຄົມ ອາຊຽນ ແລະ ເພື່ອປະກອບສ່ວນ ເຂົ້າໃນການສ້າງປະຊາຄົມອາ ຊຽນໃຫ້ມີ ຄວາມເຂັ້ມແຂງທາງດ້ານການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ- ສັງຄົມໃຫ້ປາກົດຜົນເປັນຈິງ.