ຂັບຂີ່ປະໝາດສົ່ງຜົນໃຫ້ມີຜູ້ເສຍຊີວິດ

    ເຈົ້າໜ້າທ​ີ່ຈະລາຈອນ​ ນະຄອນຫລວງວຽງຈັນ ໃຫ້​ຮູ້​ວ່າ: ໃນເວລາ 24:30 ໂມງ ຂອງວັນທີ 15 ມີນານີ້, ຢູ່ຖະ ໜົນ ເລກທີ 13 ເໜືອ ເຂດບ້ານໂພນສົມບູນ ເມືອງສີໂຄດຕະບອງ ນະຄອນຫລວງວຽງຈັນ, ໄດ້ເກີດອຸປະຕິເຫດລົດ ໃຫຍ່ໝາຍ ເລກທະບຽນ ກສ 3779 ກຳແພງນະຄອນ, ຂັບຂີ່ໂດຍທ້າວ ສຸລິພອນ ອາຍຸ 25 ປີ, ຢູ່ບ້ານສະພານທອງ ເມືອງສີສັດຕະນາກ ໄປຕຳເອົາທ້າຍລົດຈັກໝາຍເລກທະບຽນ ຍຄ 5504  ກຳແພງນະຄອນ, ຂັບຂີ່ໂດຍທ້າວ ຊຽງ ບົວພັນ , ອາຍຸ 45 ປີ ອາຊີບ ກຳມະກອນ, ຢູ່ບ້ານໂພນສົມບູນ ເມືອງສີໂຄດຕະບອງ ສົ່ງຜົນໃຫ້ເສຍຊີວິດຄາທີ່. ໃນເບື້ອງຕົ້ນເຈົ້າໜ້າທີ່ໃຫ້ຮູ້ວ່າ: ລົດທັງ ສອງຄັນແລ່ນມາໃນທິດທາງດຽວກັນດ້ວຍຄວາມໄວເມື່ອມາ ຮອດຈຸດເກີດ ເຫດລົດໃຫຍ່ທີ່ແລ່ນມາຕາມຫລັງໄດ້ໄປຕຳ ເອົາທ້າຍລົດຈັກເຮັດຄົນຂັບລົດຈັກ ເສຍຊີວິດ. ປັດຈຸບັນເຈົ້າໜ້າທີ່ກຳລັງ ເລັ່ງສືບສວນ-ສອບສວນເພື່ອດຳເນີນ ຄະດີຕາມກົດໝາຍ.