ເອດີບີ ຢືນຢັນຈະສືບຕໍ່ສະໜັບສະໜູນການພັດທະນາເສດຖະກິດຂອງລາວ

ວັນທີ 12 ມີນານີ້, ຢູ່ຫ້ອງການທະນາຄານພັດທະນາອາຊີ (ADB), ປະຈຳລາວໃນນະຄອນຫຼວງວຽງຈັນ, ທ່ານ ທາເຄຮິໂກະ ນາກາໂອະ ປະ ທານທະນາຄານອາຊີໄດ້ຈັດພິທີ່ຖະແຫຼ່ງຂ່າວ ຕໍ່ສື່ມວນຊົນລາວກ່ຽວກັບ ສະພາບການ ພັດທະນາເສດຖິດຂອງລາວ ແລະ ຊ່ວຍເຫຼືອຂອງເອດີບີ ຕໍ່ລາວໃນອະນາຄົດວ່າ: ປັດຈຸບັນອາຕາ ການເຕີບໂຕ ດ້ານເສດຖະກິດ ຂອງລາວມີຄວາມເຂັ້ມແຂງຫຼາຍ ແລະ ຂະນະດຽວກັນອັດຕາເງິນເຟີ້ກໍຢູ່ໃນລະ ດັບທີ່ຄຸ້ມຄອງໄດ້, ພ້ອມນັ້ນກໍເຫັນໄດ້ວ່າໃນສ່ວນຂອງອັດຕາຫຼຸດຜ່ອນ ຄວາມທຸກຍາກກໍມີຄວາມ ຄືບໜ້າຫຼາຍຢ່າງ, ອັດຕາ ການເຂົ້າ ຮຽນສູງຂຶ້ນ, ຖ້າທຽບລາຍໄດ້ຕໍ່ຫົວຄົນກໍຖືວ່າສູງກວ່າບັນດາປະເທດໃກ້ຄຽງ, ແຕ່ມັນກໍ ຍັງມີສິ່ງທ້າທາຍຫຼາຍຢ່າງ, ດັ່ງນັ້ນທາງເອດີບີ ກໍມີຄວາມຍິນດີທີ່ຈະເປັນຄູ່ຮ່ວມງານໃນການຊ່ວຍເຫຼືອແກ່ປະເທດລາວ, ຊຶ່ງສິ່ງທ້າທາຍທຳອິດ ທີ່ລາວປະເຊີນແມ່ ນສະຖຽນລະພາບທາງດ້ານເສດຖະກິດມະຫາພາກ, ເຖິງວ່າເສດຖະກິດຂອງລາວຈະມີການເຕີບ ໂຕຢ່າງເຂັ້ມແຂງແຕ່ມັນ ກໍຍັງມີບາງບັນຫາທີ່ໜ້າເປັນຫ່ວງ, ໂດຍສະເພາະແມ່ນປະເດັນຂອງການຂາດດູນທາງດ້ານ ການເງິນແລະງົບປະມານທີ່ຍັງ ມີສູງ, ໜີ້ຄ້າງຊຳລະງົບປະມານຂອງລັດຖະບານກໍຍັງມີສູງ, ເຮັດໃຫ້ຜູ້ຮັບເໝົາບໍ່ໄດ້ ຮັບການຊຳລະເງິນທີ່ຈະຈັດຕັ້ງປະ

ຕິບັດບັນດາໂຄງການ ແລະ ເຂົ້າເຈົ້າຈະບໍ່ສາມາດຊຳລະໜີ້ຕໍ່ທະນາຄານ, ເຮັດໃຫ້ ມີການຂາດດູນຕໍ່ລະບົບການເງິນອີກດ້ວຍ ແລະ ກ່ຽວກັບການແກ້ໄຂບັນຫາເຫຼົ່ານີ້ທາງເອດີບີໄດ້ຊຸກຍູ້ໃຫ້ລັດຖະ ບານດຳເນີນມາດຕະການໃນການແກ້ໄຂ, ກໍຄືການຂະຫຍາຍຖານອາກອນໃຫ້ກວ້າງ, ລວມເຖິງການປັບປຸງທ້າງ ດ້ານພາສີ, ແຕ່ວ່າສິ່ງທີ່ສຳຄັນແມ່ນການຄວບ ຄຸມທາງເບື້ອງຂອງລາຍຈ່າຍງົບປະມານ ແລະ ໜຶ່ງໃນເຫດຜົນທີ່ ສຳຄັນທີ່ເຮັດໃຫ້ຂາດດູນທາງດ້ານການເງິນ ແລະ ໜີ້ຄ້າງຊຳລະງົບປະມານມີສູງແມ່ນເກີດຈາກການຄຸ້ມຄອງງົບປະ ມານຍັງບໍ່ທັນເຂັ້ມແຂງ, ພ້ອອມດຽວກັນນັ້ນໃນສ່ວນ ຂອງອຳນາດການປົກຄອງຂັ້ນແຂວງຍັງເພີ່ມໃນສ່ວນຂອງໜີ້ ຄ້າງຊຳລະງົບປະມານເຮັດໃຫ້ໜີ້ເພີ່ມຂຶ້ນໃນດ້ານງົບປະມານ ຂອງລັດ ແລະ ອີກສິ່ງໜຶ່ງທີ່ທ້າທາຍກໍຄືຂະ ແໜງພະ ລັງງານໂດຍສະເພາະແມ່ນພະລັງງານໄຟຟ້ານ້ຳຕົກ, ຊຶ່ງເປັນສິ່ງທີ່ສ້າງລາຍຮັບໃຫ້ແກ່ລາວ, ແຕ່ຄະນະດຽວກັນພັດ ເຫັນວ່າໂຄງການໄຟຟ້ານ້ຳຕົກນັ້ນບໍ່ໄດ້ສ້າງວຽກເຮັດງານທຳເປັນຈຳນວນຫຼວງຫຼາຍໃຫ້ເສດຖິະກິດ, ດັ່ງນັ້ນ ລາວຈຳ ເປັນຕ້ອງມີການກະຈ່າຍເສດຖະກິດໃຫ້ມີຄວາມຫຼາກຫຼາຍ ແລະ ຂະແໜງບໍ່ແຮ່ກໍເຊັ່ນດຽວກັນ ແລະ ລັດຖະບານ ລາວຕ້ອງນຳໃຊ້ງົບຈາກພະແໜງລັງງານ ແລະ ບໍ່ແຮ່ຢ່າງສະຫຼາດສ່ອງໃສ່, ລົງທຶນໃຫ້ການສ້າງຊັບພະຍາກອນມະ ນຸດ, ກໍ່ສ້າງໂຄງລ່າພື້ນຖານເພື່ອການພັດທະນາໃນຕໍ່ໜ້າ, ສຳລັບຂະແໜງສຶກສາເຖິງແມ່ນວ່າອັດຕາການເຂົ້າ ຮຽນ ຊັ້ນປະຖົມຈະບັນລຸໄດ້ເກືອບ 100 %, ແຕ່ລາວຄວນສົ່ງເສີມໃຫ້ຄົນໜຸ່ມຮຽນສາຍອາຊີວະສຶກສາຫຼາຍຂຶ້ນ, ເພາະ ວ່າປະເທດຈະພັດທະນາໄດ້ກໍຕ້ອງມີແຮງງານທີ່ມີສີມື ແລະ ອີກອັນໜຶ່ງທີ່ຈຳເປັນແມ່ນການປັບປຸງສະພາບແວດ ລ້ອມທາງດ້ານການລົງທຶນ, ເພາະປັດຈຸບັນລາວມີການລົງທຶນຈາກຕ່າງປະເທດຢ່າງຫຼວງຫຼາຍໂດຍສະເພາະຂະ ແໜງໄຟຟ້ານ້ຳຕົກແລະບໍ່ແຮ່, ແຕ່ລາວກໍຕ້ອງມີການກະຈາຍເສດຖະກິດໃຫ້ມີຄວາມຫຼາກຫຼາກເພື່ອດຶງ ດູດການ ລົງທຶນໃຫ້ເຂົ້າມາຫຼາຍຂຶ້ນ, ໂດຍລວມແລ້ວສິ່ງສຳຄັນໃນການພັດະທາເສດຖະກິດສັງຄົມແມ່ນການພົວພັນກັບພື້ນ ຖານໂຄງລ່າງ, ສະໜອງໄຟຟ້າ, ຖະໜົນຫົນທາງຢູ່ເຂດຊົນນະບົດ ແລະ ສິ່ງອຳນວຍຄວາມສະດວກຕ່າງໆກໍລ້ວນ ແຕ່ມີຄວາມສຳຄັນທີ່ຈະສົ່ງເສີມການລົງທຶນຢູ່ໃນປະເທດຊຶ່ງໃນດ້ານຕ່າງໆທີ່ກ່າວມີນັ້ນເອດີບີກໍ່ໄດ້ໃຫ້ການຊ່ວຍເຫຼືອໃນດ້ານຕ່າງໆ ແລະ ໃນນາມເອດີບີ ຂໍຢືນຢັນວ່າຈະສືບຕໍ່ຊ່ວຍເຫຼືອ ແລະ ສະໜັບສະໜູນລາວໃນການພັດທະ ນາເສດ ຖະກິດໃຫ້ບັນລຸຕາມເປົ້າໝາຍ.

ຂ່າວໃຫ້ຮູ້ອີກວ່າໃນຕອນເຊົ້າຂອງມື້ດຽວກັນເອດີບີໄດ້ລົງນາມອະນຸມັດເງິນກູ້ຢືນມູນຄ່າ 35 ລ້ານໂດລາ ເພື່ອສະໜອງໃນການສ້າງລະບົບຂົນສົ່ງ ແລະ ສິ່ງອຳນວຍຄວາມສະດວກໃຫ້ການສັນຈອນ, ເພື່ອແກ້ໄຂບັນຫາ ການສັນຈອນແອອັດໃນນະຄອນຫຼວງວຽງຈັນ.