ລາວ ແລະ ມຽນມາ​ເພີ່ມ​ທະວີ​ການຮ່ວມມືດ້ານທະນາຄານ

     ກອງປະຊຸມທະວີພາຄີຮ່ວມມືສອງຝ່າຍຄັ້ງທຳອິດລະຫວ່າງທະນາຄານແຫ່ງ ສປປ ລາວ ແລະ ທະນາຄານກາງ ມຽນມາ ໄດ້ຈັດຂຶ້ນໃນວັນທີ11 ມີນານີ້ ຢູ່ນະ ຄອນຫລວງວຽງຈັນ ໂດຍການເປັນປະທານຮ່ວມຂອງ ທ່ານດຣ ສົມພາວ ໄຟສິດ ຜູ້ວ່າການທະນາຄານແຫ່ງ ສປປ ລາວ ແລະ ທ່ານ ຄຽວ ຄຽວ ມວງ(kyaw kyaw Maung) ຜູ້ວ່າການທະນາຄານກາງ ມຽນມາ ພ້ອມດ້ວຍພະນັກງານຂັ້ນສູງຂອງ ສອງທະນາຄານເຂົ້າຮ່ວມ.

          ການຈັດກອງປະຊຸມພົບປະຄັ້ງນີ້ ມີຂຶ້ນພາຍຫລັງທັງສອງທະນາຄານກາງໄດ້ລົງ​ນາມບົດບັນທຶກຊ່ວຍຈຳ ໃນການ ພົວພັນຮ່ວມມືລະຫວ່າງຂະແໜງທະນາຄານນຳກັນ ໃນປີ2014 ຜ່ານມາ ທີ່ນະຄອນຫລວງເນປີດໍ ປະ ເທດມຽນມາ. ເພື່ອຜັນຂະຫຍາຍຂອງບົດບັນທຶກດັ່ງກ່າວທັງສອງຝ່າຍໄດ້ຈັດກອງປະຊຸມນີ້ຂຶ້ນ ເພື່ອພົບປະການນຳ ຂອງສອງທະນາ ຄານກາງໃນການແລກປ່ຽນ  ແລະ ຖອດຖອນບົດຮຽນທາງດ້ານວີຊາການເຊິ່ງກັນ ແລະ ກັນ ກ່ຽວ ກັບວຽກງານຕ່າງໆເປັນ ຕົ້ນແມ່ນ: ສະພາບເສດຖະກິດ ແລະ ການຈັດຕັ້ງປະຕິບັດນະໂຍບາຍເງິນຕາ; ການຄຸ້ມຄອງ ທະນາຄານທຸລະກິດຂອງ ສປປ ລາວ ແລະ ມຽນມາ.

          ສອງປະເທດລາວ ແລະ ມຽນມາ ມີມູນເຊື້ອສາຍພົວພັນອັນດີ, ມີຮີດຄອງປະເພນີຄ້າຍຄືກັນ, ທັງເປັນ ເພື່ອນບ້ານທີ່ດີຕໍ່ກັນ ແລະ ຊ່ວຍເຫລືອເຊິ່ງກັນ ແລະ ກັນຕະຫລອດມາເວົ້າລວມ, ເວົ້າສະເພາະຜົນສຳເລັດຂອງ ກອງປະຊຸມໃນຄັ້ງນີ້ ໄດ້ກາຍເປັນບາດກ້າວອັນສຳຄັນ ໃນການລິເລີ່ມ ແລະ ເພີ່ມທະວີ ແຫ່ງການພົວພົນຮ່ວມ ມືສາກົນໃນຂະແໜງທະນາຄານໃຫ້ນັບມື້ນັ ຂະຫຍາຍຕົວຂຶ້ນ, ທັງນີ້ກໍເພື່ອອຳນວຍຄວາມສະດວກໃຫ້ແກ່ການຄ້າ, ການລົງທຶນ ແລະ ທັງເປັນການປະກອບສ່ວນ ເຂົ້າໃນການພັດທະນາ ເສດຖະກິດ-ສັງຄົມ ຂອງສອງປະເທດໃຫ້ນັບ ມື້ຂະຫຍາຍຕົວຍິ່ໆຂຶ້ນ.

          ພາຍຫລັງສຳເລັດການພົບປະແລ້ວຄະນະຜູ້ແທນຄະນາຄານກາງມຽນມາກໍໄດ້ທ່ຽວຊົມສະຖານທີ່ທ່ອງ ທ່ຽວທາງດ້ານປະຫວັດສາດ ແລະ ວັດທະນະທຳ ຢູ່ນະຄອນຫລວງວຽງຈັນ ແລະ ແຂວງຫລວງພະບາງຈຳນວນ ໜຶ່ງ.