ຜູ້ປະກອບການເກັບມ້ຽນຂີ້ເຫຍື້ອຖືເບົາຕໍ່ການຮັກສາອະນາໄມສຸຂະພາບ

       ຫລາຍຄົນອາດຈະເຫັນວ່າ ກຳມະກອນຜູ້ເກັບມ້ຽນຂີ້ເຫຍື້ອຂຶ້ນລົດຢູ່ຕາມສາຍທາງບ້ານ ເຮືອນປະຊາຊົນ ຫລື ສຳນັກງານ ອົງການ, ໂຮງຮຽນ, ໂຮງໝໍ, ຕະ ຫລາດ ແລະ ບ່ອນສາທາລະນະ ຕ່າງໆ ຢູ່ໃນນະຄອນຫລວງວຽງ ຈັນ ສ່ວນຫລາຍບໍ່ມີເກີບໂບດ, ຫລອງມືແພອັດປາກໃດໆ ເບິ່ງ ແລ້ວເປັນການຖືເບົາຕໍ່ການຮັກ ສາອະນາໄມສຸຂະພາບ ສຳລັບ ຕົນເອງ ແລະ ຮ້າຍແຮງກວ່ານັ້ນ ກໍອາດເກີດໂລກລະບາດສູ່ສັງຄົມ ກໍເປັນໄດ້ ເພາະຂີ້ເຫຍື້ອກໍມີ ຫລາຍປະ ເພດທີ່ອາດ ມີເຊື້ອພະ ຍາດຕ່າງໆກໍເປັນໄດ້ ໂດຍສະ ເພາະແມ່ນຂີ້ເຫຍື້ອຈາກໂຮງໝໍ ຫລື ສູນປິ່ນປົວພະຍາດຕ່າງໆ.

      ຕໍ່ບັນຫານີ້, ນັກຂ່າວພວກ ເຮົາກໍໄດ້ຖາມກຳມະກອນຜູ້ປະກອບອາຊີບດັ່ງກ່າວວ່າ: ເປັນຫຍັງຈຶ່ງບໍ່ໃສ່ໃຈເລື່ອງ ນີ້, ພວກ ເຂົາຕອບວ່າ: ເຂົາເປັນພຽງກຳມະກອນຮັບຈ້າງຜູ້ໜຶ່ງ ເຊິ່ງຍັງບໍ່ມີເງື່ອນໄຂທີ່ຈະໄປຊື້ເຄື່ອງຮັກ ສາອະນາໄມ ດັ່ງກ່າວມາໃຊ້ໄດ້. ໝາຍວ່າຖ້າຜູ້ປະກອບການດ້ານນີ້ບໍ່ອຳນວຍຄວາມສະດວກໃຫ້ເຂົາເຈົ້າແລ້ວ ກໍຖືວ່າເປັນສູນ, ເຮັດວຽກໄປຕາມມີຕາມເກີດ ເມື່ອໃດເຈັບເປັນລົງມາກໍເອົາແຕ່ບຸນຊ່ວຍ, ໂຊກດີກໍມີຊີວິດໂຊກບໍ່ ດີກໍຈົບລົງຢ່າງບໍ່ມີ ທາງເລືອກ.

      ຈາກປາກົດການດັ່ງກ່າວສັງຄົມກໍມີຄວາມເປັນຫ່ວງຕໍ່ການຮັກສາອະນາໄມສຸຂະພາບເຊິ່ງສິ່ງນີ້ຍາມໃດພັກ-ລັດ ຖະບານເຮົາກໍຖືສຳຄັນເພື່ອຄວາມຢູ່ດີມີສຸກຂອງປະຊາຊົນ. ດັ່ງນັ້ນ ຈຶ່ງຂໍຮຽກຮ້ອງໃຫ້ຜູ້ປະກອບການເກັບມ້ຽນຂີ້ ເຫຍື້ອຈົ່ງອຳ ນວຍຄວາມສະດວກໃນສິ່ງຈຳເປັນໃຫ້ກຳມະກອນດ້ວຍ ເພື່ອສຸຂະພາບຂອງເຂົາເຈົ້າ ແລະ ຄວາມ ປອດໄພຂອງສັງຄົມ.