ລາວ-ສ.ເກົາຫຼີ ສືບຕໍ່ຮ່ວມມືດ້ານປະກັນໄພເງິນຝາກ

              ສປປ ລາວ ແລະ ສ. ເກົາຫຼີ ສືບຕໍ່ເພີ່ມການຮ່ວມມືດ້ານວຽກງານປະ ກັນໄພເງິນຝາກ ເຊິ່ງຄັ້ງຫຼ້າສຸດອົງການປະກັນໄພເງິນຝາກ ສ. ເກົາຫຼີ ແລະ ກອງທຶນ ປົກປ້ອງຜູ້ຝາກເງິນ ທະນາຄານແຫ່ງ ສປປ ລາວ ກໍໄດ້ຮ່ວມກັນຈັດຕັ້ງການຝຶກ ອົບຮົມວຽກງານປະກັນໄພເງິນຝາກຂຶ້ນໃນວັນທີ 11 ມີນານີ້ ທີ່ໂຮງແຮມເສດຖາ ປາລາສ ນະຄອນຫລວງວຽງຈັນ ເຊິ່ງໄດ້ດຳເນີນມາເປັນເວລາສອງວັນໂດຍການ ໃຫ້ກຽດ ກ່າວເປີດຂອງທ່ານນາງ ແສງດາວວີ ວົງຄຳຊາວ ຜູ້ອຳນວຍການກອງທຶນ ປົກປ້ອງຜູ້ຝາກເງິນ, ທ່ານ ຮົງຢຸນຮາ ( Hong Yu Ha ) ຜູ້ອຳນວຍການຫ້ອງການປະກັນໄພເງິນຝາກ ສ. ເກົາຫຼີພ້ອມນັກ ວິທະຍາກອນ ແລະ ມີນັກຝຶກອົບຮົມຈາກກອງທຶນປົກປ້ອງຜູ້ຝາກເງິນພ້ອມພາກສ່ວນທີ່່ຽວຂ້ອງເຂົ້າຮ່ວມ.

            ບັ້ນຝຶກອົບຮົມນີ້ ບັນດານັກວິທະຍາກອນທີ່ມີຄວາມຊ່ຽວຊານສະເພາະດ້ານປະກັນໄພເງິນຝາກຂອງ ສ. ເກົາ ຫຼີໄດ້ນຳສະເໜີບົດຮຽນອັນລໍ້າຄ່າທີ່ ສ. ເກົາຫຼີເກັບກ່ຽວມາໄດ້ເຊິ່ງໃນຊຸມປີຜ່ານມາອົງການປະກັນໄພເງິນຝາກເກົາ ຫຼີໄດ້ດຳ ເນີນການດ້ວຍໝາກຜົນອັນດີໃນຕະຫຼອດໄລຍະທີ່ມີການເກີດວິກິດການທາງການເງິນຂອງໂລກ ແລະ ຂອງພາກພື້ນ, ໃນນີ້

ບົດຮຽນທີ່ມີລັກ ສະນະພົ້ນເດັ່ນກໍແມ່ນ “ ລະບົບການຕິດຕາມຄວາມສ່ຽງ “ ເຊິ່ງໄດ້ກວມເອົາວິໃສທັດ ແລະ ເຄື່ອງມືທາງກົດ ໝາຍ, ລະບົບຄວາມສ່ຽງ ໂດຍມີການກວດຈັບຄວາມສ່ຽງ, ການປະເມີນຄວາມສ່ຽງ, ການຢັ້ງຢືນຄວາມສ່ຽງ ແລະ ການຄວບຄຸມຄວາມສ່ຽງ, ພ້ອມນີ້  ກໍມີຫົວຂໍ້ການວິເຄາະສະຖາບັນການເງິນ, ການເກັບເບ້ຍປະກັນຕາມປະເພດຄວາມສ່ຽງ ແລະ ການຈ່າຍຄືນເງິນໃຫ້ແກ່ຜູ້ຝາກເງິນ.

            ການຝຶກອົບຮົມໃນຄັ້ງນີ້ ແມ່ນເປັນການທົດສອບຄວາມສາມາດໃນການຮັບຮູ້-ຄວາມເຂົ້າໃຈ ແລະ ຖອດຖອນ ໄດ້ບົດຮຽນ, ປະສົບການຂອງບັນດານັກຝຶກອົບຮົມ, ໃນຂະນະດຽວກັນທາງດ້ານປະກັນໄພເງິນຝາກຂອງ ສ.ເກົາຫຼີ ກໍໄດ້ ມີການເຮັດບົດທົດສອບຄວາມຮູ້ໄປພ້ອມໆກັນພາຍຫຼັງທີ່ສິ້ນສຸດການຝຶກອົບຮົມໃນແຕ່ລະຫົວຂໍ້ ເພື່ອເປັນການຢັ້ງຢືນເຖິງ ຄວາມຮູ້ທີ່ນັກເຝິກອົບຮົມໄດ້ຮັບ ແລະ ໄດ້ມີການປັບປຸງ ເພື່ອເຮັດໃຫ້ການຝຶກອົບຮົມໃນຄັ້ງນີ້ໄດ້ຮັບຜົນສຳເລັດ ແນໃສ່ນຳ ເອົາບົດຮຽນດັ່ງກ່າວໝູນໃຊ້ເຂົ້າໃນວຽກງານຕົວຈິງຂອງກອງທຶນປົກປ້ອງຜູ້ຝາກເງິນຂອງລາວ.

           ທ່ານຜູ້ອຳນວຍການກອງທຶນປົກປ້ອງຜູ້ຝາກເງິນ ທະນາຄານແຫ່ງ ສປປ ລາວ ໄດ້ກ່າວວ່າ:   ວຽກງານປະກັນໄພເງິນ ຝາກແມ່ນວຽກງານໜຶ່ງທີ່ລັດຖະບານຂອງຫຼາຍປະເທດໃນໂລກໄດ້ໃຫ້ຄວາມສຳຄັນ ທັງນີ້ກໍເພື່ອສາງຄວາມເຂັ້ມແຂງ ແລະ ໝັ້ນຄົງໃຫ້ແກ່ລະບົບສະຖາບັນການເງິນຂອງປະເທດ, ປົກປ້ອງສິດຜົນປະໂຫຍດຂອງຜູ້ຝາກເງິນປະກອບສ່ວນສ້າງ ຄວາມເຊື່ອໝັ້ນຂອງສັງຄົມຕໍ່ກັບບັນດາທະນາຄານທຸລະກິດ ແລະ ສະຖາບັນການເງິນຈຸລະພາກທີ່ຮັບເງິນຝາກ.