ລາວຈະຕ້ອງໄດ້ເພີ່ມທະວີຊອກຕະຫລາດສົ່ງອອກສິນຄ້າທີ່ໜັ້ນຄົງ ແລະ ໄວ້ໃຈໄດ້

ສປປ ລາວ ແມ່ນໜຶ່ງໃນບັນດາປະເທດສະມາຊິກອາຊຽນ, ພວມກະກຽມຢ່າງຫ້າວຫັນ ເຂົ້າໃນການຊຸກຍູ້ສົ່ງເສີມ ການຜະລິດສິນຄ້າເພື່ອກ້າວເຂົ້າສູ່ປະຊາຄົມເສດຖະກິດອາຊຽນ ທີ່ຈະມີຂຶ້ນໃນທ້າຍປີ 2015 ນີ້, ເຊິ່ງບັນຫາດັ່ງກ່າວນັ ບວ່າມີຫຼາຍຫົວໜ່ວຍທຸລະກິດລວມໝູ່ ແລະ ນິຕິບຸກຄົນ ຍັງບໍ່ມີຄວາມພ້ອມ ແລະ ໜັກໃຈຕໍ່ບັນຫານີ້ ເນື່ອງຈາກວ່າຫລາຍ ພາກສ່ວນຍັງຂາດທຶນຮອນທີ່ຈະນໍາໃຊ້ເຂົ້າໃນການຜະລິດໃຫ້ເປັນກອບເປັນກໍາ ແລະ ກາຍເປັນ ສິນຄ້າ ສົ່ງອອກໄດ້ ແລະ ສະເພາະຂະແໜງການອຸດສາຫະກໍາ ແລະ ການຄ້າ, ຂະແໜງກະສິກໍາ ແລະ ປ່າໄມ້ຕ່າງກໍຢືນຢັນວ່າ ຂະແໜງການຂອງຕົນມີ ຄວາມພ້ອມທີ່ຈະຊຸກຍູ້ສົ່ງເສີມການປູກຝັງ-ລ້ຽງສັດ, ການປຸງແຕ່ງສະບຽງອາຫານ, ພືດຜັກ ອື່ນໆ ເພື່ອໃຫ້ ສປປ ລາວ ສາມາດເພີ່ງຕົນເອງ ແລະ ກຸ້ມຕົນເອງ ແລະ ສາມາດຜະລິດ ເປັນສິນຄ້າສົ່ງອອກໄດ້ ແລະ ຜ່ານມາຜູ້ຮັບຜິດຊອບແຕ່ ລະຂະແໜງການ ແລະ ພະນັກງານວິຊາການ ຕ່າງກໍໄດ້ຫັນລົງສູ່ພື້ນການການຜະລິດ ແລະ ປຸກລະດົມປະຊາຊົນບ່ອນ ທີ່ມີເງື່ອນໄຂເອົາໃຈໃສ່ປູກພືດພັນທັນຍາຫານ, ປູກໄມ້ອຸດສາຫະກໍ ສົ່ງເສີມຜູ້ມີຫົວຄິດປະດິດສ້າງສຸມໃສ່ຜະລິດເຄື່ອງນຸ່ງຫົ່ມ, ການປຸງແຕ່ງໄມ້ສໍາເລັດຮູບໃຫ້ກາຍເປັນສິນຄ້າສົ່ງອອກໄປຍັງຕະຫຼາດປະເທດ ອາຊຽນ ແລະ ບັນດາປະເທດເອີຣົບອື່ນໆ. ແຕ່ສິ່ງທີ່ໜ້າເປັນຫ່ວງ ເມື່ອມີຂະບວນການປູກຝັງເກີດຂຶ້ນ ແຕ່ຜົນຜະລິດຈໍານວນໜຶ່ງບໍ່ສາມາດສົ່ງ ອອກໄດ້ດີເທົ່າທີ່

ຄວນເປັນຕົ້ນຢາງພາລາ ປູກຂຶ້ນມາສາມາດກີດຢາງໄດ້ແຕ່ລາຄາຢາງຕະຫຼາດໂລກຕົກຕໍ່າສົ່ງຜົນກະທົບບໍ່ໜ້ອຍ ຕໍ່ຜູ້ຜະລິດກໍ ເຊັ່ນດຽວກັນກັບສາລີ, ມັນຕົ້ນ, ມັນດ້າງ ແລະ ພືດຜັກ ອື່ນໆປູກມາ ແລ້ວ ຂາຍບໍ່ໄດ້ເພາະຕະຫລາດຮັບຮອງບໍ່ມີ ຄວາມໝັ້ນຄົງ ແລະ ການປຸງແຕ່ງຢູ່ພາຍໃນກໍບໍ່ທັນຂະຫຍາຍຕົວເຮັດໃຫ້ຊາວກະສິກອນຜູ້ຜະລິດ, ບໍ່ສະເພາະແຕ່ເທົ່ານັ້ນ ບັນຫາການປຸງແຕ່ງໄມ້ ແລະ ເຄື່ອງເຟີນີເຈີສໍາເລັດຮູບມີບາງຫົວໜ່ວຍຜະລິດຂຶ້ນມາແຕ່ຫາຕະຫຼາດສົ່ງອອກຍາກ, ສ້າງຄວາມທໍ້ຖອຍໃຫ້ກັບຜູ້ລົງທຶນ ແລະ ຕໍ່ບັນຫາດັ່ງກ່າວຂະແໜງການກ່ຽວຂ້ອງມັກອ້າງວ່າ: ຍ້ອນສິນຄ້າຂອງລາວບໍ່ໄດ້ຕາມ ຈຸດປະສົງ, ຍັງບໍ່ມີຄຸນນະພາບດີເທົ່າທີ່ຄວນ, ສ່ວນການສົ່ງເສີມຜະລິດສິນຄ້າໂອທ໋ອບ 1 ບ້ານ 1 ຜະລິດຕະພັນ ຫຼື 1 ເມືອງ 1 ຜະລິດຕະພັນ ເຖິງວ່າເຮັດໄດ້ດີແຕ່ຍັງບໍ່ທັນໄດ້ຮັບການສົ່ງເສີມກ້ວາງຂວາງ.

          ດັ່ງນັ້ນພາກສ່ວນກ່ຽວຂ້ອງ ຈະມີວິທີການແກ້ໄຂແນວໃດເພື່ອບໍ່ໃຫ້ການຜະລິດຂອງປະຊາຊົນຢຸດຈຶ້ງຄືເກົ່າ. ຂະແໜງອຸດສາຫະກໍາ ແລະ ການຄ້າແມ່ນມີສ່ວນສໍາຄັນຕົ້ນຕໍ່ໃນການຊອກຫາຕະຫຼາດທີ່ໝັ້ນຄົງ ແລະໄວ້ໃຈໄດ້, ເພື່ອສາມາດສົ່ງອອກຜະລິດຕະພັນຂອງລາວໄປສູ່ຕະຫຼາດໂລກ ແລະ ປະເທດໃກ້ຄຽງໄດ້ພ້ອມນັ້ນ ກໍຈະຕ້ອງໄດ້ເລັ່ງຊຸກຍູ້ໃຫ້ການຜະລິດສິນຄ້າຂອງລາວມີຄຸນນະພາບສູງຂຶ້ນ.