ຖືເອົາວຽກງານລ້ຽງສັດ ແລະ ການປະມົງຕິດພັນກັບວຽກງານສາມສ້າງ

ເມື່ອຫຼາຍປີຜ່ານມາກະຊວງກະສິກຳ ແລະ ປ່າໄມ້, ກໍຄືລັດຖະບານ, ຍາມໃດກໍເອົາໃຈໃສ່ຈັດສົ່ງພະນັກງານວິຊາ ການຂອງຕົນລົງເຄື່ອນໄຫວຢູ່ຂັ້ນຮາກ ຖານຕິດພັນກັບວຽກງານທົດລອງສາມ ສ້າງເພື່ອຊຸກຍູ້ວຽກງານດັ່ງ ກ່າວມີບາດ ກ້າວຂະຫຍາຍຕົວ ແລະ ກໍເຫັນວ່າໄດ້ຮັບໝາກຜົນ ແລະ ກາຍເປັນຮູບປະ ທຳຕົວຈິງຫຼາຍຂຶ້ນ, ໂດຍສະ ເພາະແຂວງໄຊ ສົມບູນ ແລະ ແຂວງຊຽງຂວາງ ກໍໄດ້ມີແຜນພັດທະນາໂຄງການລ້ຽງສັດ ແລະ ປາ ຢູ່ເຂດຈຸດສຸມເມືອງອ່າວ ແລະ ເມືອງ ອອມ, ລວມມື19 ບ້ານ; ພ້ອມໄດ້ສະໜອງແນວພັນສັດ (ງົວ, ໝູ, ສັດປີກ)ຈຳນວນໜຶ່ງແລ້ວຄື: ເຂດຈຸດສຸມຜາລະ ແວກມີງົວພັນປັບປຸງ  650 ໂຕ ໃນ 145 ຄອບຄົວ; ທີ່ໄດ້ເຂົ້າຮ່ວມໂຄງການດັ່ງກ່າວ, ລົງຊຸກຍູ້ການສ້າງ ແລະ ປັບປຸງ ສະຖານີລ້ຽງປານ້ຳປະຈາດ ເມືອງລ້ອງຊານ ແລະ ເພື່ອຮັບປະກັນໃຫ້ໂຄງການນີ້ດຳເນີນໄປຢ່າງມີປະສິດິຜົນ, ເຈົ້າໜ້າທີ່ ກໍໄດ້ຈັດເຝິກອົບຮົມແລກປ່ຽນ ບົດຮຽນການລ້ຽງ, ການປ້ອງກັນພະຍາດສັດໃຫ້ປະຊາຊົນ ແລະ ສ້າງໄດ້ຄອບຄົວຕົວ ແບບການຜະລິດນັບມື້ຫຼາຍຂຶ້ນ.

          ຫົວໜ້າກົມລ້ຽງສັດ ແລະ ການປະມົມໃຫ້ຮູ້ວ່າ: ນອກຈາກໄດ້ເອົາໃຈໃສ່ເຄື່ອນໄຫວຕິດພັນກັບການ ພັດທະ ນາເຂດຈຸດສຸມແລ້ວ, ຂະແໜງການຂອງຕົນຍັງຖືສຳຄັນຕໍ່ວຽກງານທົດລອງສາມສ້າງຮ່ວມກັບແຂວງ, ເມືອງ ແລະ ບ້ານສາມສ້າງເປັນຕົ້ນໄດ້ເຂົ້າຮ່ວມຢູ່ 4 ແຂວງ ຄື: ຫົວພັນ, ອຸດົມໄຊ, ວຽງຈັນ ແລະ ແຂວງ ອັດຕະປື, ທີ່ຕິດພັນ ກັບໂຄງການພາຍໃຕ້ຄວາມຮັບຜິດຊອບຂອງກົມ ແລະ ໄດ້ມີການສັງລວມເກັບກຳຂໍ້ມູນຊ່ວຍຂຽນຮ່າງ ຍຸດທະ ສາດພັດທະນາກະສິກຳ ແລະ ປ່າໄມ້ຂອງແຂວງ, ແຜນພັດທະນາຂອງເມືອງ ແລະ ໂຄງການຈຸດສຸມບ້ານ, ຊຶ່ງວຽກ ງານດັ່ງກ່າວຈະສືບຕໍ່ສູ້ຊົນໃຫ້ສຳເລັດ ໃນປີ 2015. ພ້ອມນັ້ນຍັງໄດ້ຈັດເຝິກອົບຮົມສ້າງຄວາມເຂັ້ມແຂງ ໃຫ້ພະນັກງານ ຂັ້ນແຂວງ, ເມືອງ ແລະ ບ້ານຕາມລຳດັບເພື່ອໃຫ້ສາມາດດຳເນີນການລ້ຽງສັດ, ລ້ຽງ ປາໃຫ້ໄດ້ຮັບຜົນຕົວຈຶງ, ຕົວຈິງປະ ສານສົມທົບກັບພາກສ່ວນກ່ຽວຂ້ອງເຊັ່ນ: ທະນາຄານນະໂຍບາຍ, ໂຄງການຊ່ວຍເຫລືອລ້າ ແລະ ກູ້ຢືມ ທີ່ປະຕິບັດ ກິດຈະກຳຢູ່ບ້ານ 3 ສ້າງຂຽນໂຄງການພັດທະນາບ້ານ, ສ້າງວິຊາການດ້ານການລ້ຽງສັດ, ລ້ຽງປາ ແລະ ສ້າງຄອບຄົວ ຕົວແບບຕິດພັນກັບການສ້າງສວນຫຍ້າ, ສ້າງອ່າງປະສົມພັນປາ, ຈັດຫາປຶ້ມຄູ່ມື ແລະ ແບບຟອມການຕິດຕາມສ ຳ ຫລວດດ້ານການລ້ຽງສັດ ແລະ ປະມົງໄດ້ຫລາຍກວ່າ 12 ລາຍການ, ເຊິ່ງໄດ້ແຈກຢາຍໃຫ້ພະນັກງານເມືອງ ແລະ ວິຊາການປະຈຳບ້ານ 3 ສ້າງ ເພື່ອເປັນເຄື່ອງມືໃນການເຮັດວຽກບໍລິການຂອງພະນັກງານດັ່ງກ່າວໃຫ້ມີປະສິດທິຜົນສູງ.