ກິດຈະກຳບໍລິຈາກເລືອດກັບບີລາຍ 2015

          ບໍລິສັດວິມເປວຄອມລາວ ຈຳກັດ (ບີລາຍ) ເປັນບໍລິສັດໜຶ່ງ ທີ່ໄດ້ດຳ ເນີນທຸລະກິດທາງດ້ານໂທລະຄົມໂທລະ ສັບມືຖື ຢູ່ ສ.ປ.ປ.ລາວ, ເຊີ່ງໃນແຕ່ ລະປີຜ່ານມາ ບໍລິສັດໄດ້ຮ່ວມກິດຈະກຳຕ່າງໆຢ່າງຫລວງຫລາຍ ເພື່ອສັງຄົມມາ ຕະຫລອດມາເຊັ່ນ: ການລົນນະລົງຂັບຂີ່ປອດໄພຕາມທ້ອງຖະໜົນ, ໃຫ້ທຶນການ ສຶກສາ, ມອບເຄື່ອງຊ່ວຍເຫລືອສັງຄົມ, ຊຸກຍູ້ງານບຸນສຳຄັນຕ່າງໆ ແລະ ການ ບໍລິຈາກເລືອດ.

          ຕາມຂໍ້ມູນສູນເລືອດແຫ່ງຊາດ ອົງການກາແດງລາວ ໃຫ້ຮູ້ວ່າ: ປັດຈຸບັນນີ້ມີຄົນເຈັບທີ່ຕ້ອງການເລືອດປະມານ 80-150 ຖົງຕໍ່ມື້, ແຕ່ໃນຄວາມເປັນຈິງທາງສູນເລືອດແຫ່ງຊາດສາມາດລະດົມໄດ້ຈາກສັງຄົມພຽງ ຈຳນວນໜຶ່ງເທົ່ານັ້ນ, ເຊີ່ງບໍ່ພຽງພໍກັບຄວາມຕ້ອງການທີ່ແທ້ຈິງໄດ້, ສະນັ້ນສູນເລືອດແຫ່ງຊາດຈຶ່ງພະຍາຍາມສົມທົບກັບພາກສ່ວນຕ່າງໆນັບທັງ ພາກລັດ, ເອກະຊົນ, ບໍລິສັດ, ຫ້າງຮ້ານ, ແລະ ຫົວໜ່ວຍທຸລະກິດຕ່າງໆປຸກລະດົມໃຫ້ພະນັກງານ ແລະ ປະຊາຊົນໃຫ້ການ ປະກອບສ່ວນບໍລິຈາກເລືອດເທົ່າທີ່ມີຄວາມສາມາດ ເພື່ອໄປຊ່ວຍຊີວິດຄົນອື່ນ.    

ດັ່ງນັ້ນ ເພື່ອປະຕິບັດແຜນງານດັ່ງກ່າວ ໃນວັນທີ 31 ມີນາຜ່ານມານີ້, ບີລາຍ, ໄດ້ຈັດກິດຈະກຳບໍລິຈາກເລືອດ ແລະ ໄດ້ຂຶ້ນທີ່ສຳນັກງານຂອງຕົນ, ໂດຍມີຜູ້ອຳນວຍການໃຫຍ່ບໍລິສັດ  ແລະ ພະນັກງານບໍລິສັດ ພ້ອມທັງປະຊາຊົນທີ່ສັນຈອນ ໄປມາຮ່ວມບໍລິຈາກທັງໝົດ 28 ຄົນ ແລະ ໃນອະນະຄົດ ບີລາຍກໍ່ຍັງຈະດຳເນີນກິດຈະກຳດີໆແບບນີ້ໄປເລື້ອຍໆ ເພື່ອເປັນ ການຕອບແທນໃຫ້ແກ່ສັງຄົມກໍຄືຜູ້ໃຫ້ການສະໜັບສະໜຸນບີລາຍຕະຫລອດມາ.