5 ປີຂະແໜງພະລັງງານ ແລະ ບໍ່ແຮ່ ຕັ້ງເປົ້າຂະຫຍາຍຕົວກວມ 20% ຂອງລວມຍອດຜະລິດຕະພັນພາຍໃນ GDP

ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ທ່ານ ດຣ ສຸລິວົງ ດາລາວົງ ໄດ້ໃຫ້ຮູ້ໃນກອງປະຊຸມໃຫຍ່ຄັ້ງທີ II ຂອງອົງຄະນະພັກກະຊວງພະລັງງານ ແລະ ບໍ່ແຮ່ ທີ່ສຳເລັດລົງເມື່ອວັນທີ 7 ເມສາຜ່ານມາ ວ່າ: ສຳ ລັບແຜນພັດທະນາໃນຂ ະແໜງພະລັງງານ ແລະ ບໍ່ແຮ່ໃນຕໍ່ໜ້ານີ້, ໂດຍສະເພາະແຕ່ນີ້ຮອດປີ 2020 ຈະສູ້ຊົນ ເຮັດໃຫ້ລາຍຮັບບັນລຸຫລາຍກວ່າ 20% ຂອງລວມຍອດຜະລິດຕະພັນພາຍໃນ GDP ໂດຍສະເພາະຮັບປະກັນ ການຂະຫຍາຍຕົວສະເລ່ຍແຕ່ລະປີບໍ່ໃຫ້ຫລຸດ 12%,ໃນນີ້ຕ້ອງສູ້ຊົນສ້າງແຫລ່ງຜະລິດພະລັງງານໄຟຟ້າໃຫ້ສຳເລັດ 19 ໂຄງການ, ມີກຳລັງການຕິດຕັ້ງ 3.500 ເມກາວັດ, ສາມາດຜະລິດກະແສໄຟຟ້າສະເລ່ຍໄດ້ຫລາຍ 30 ພັນລ້ານ ກິໂລວັດໂມງ ເພື່ອສະໜອງການຊົມໃຊ້ພາຍໃນໃຫ້ພຽງພໍ ແລະສົ່ງອອກຕ່າງປະເທດ, ພ້ອມດຽວກັນນັ້ນ, ກໍສືບຕໍ່ ພັດທະນາລະບົບສາຍສົ່ງ, ສະຖານີ ແລະ ວຽກອື່ນໆໃຫ້ສາມາດ ເຊື່ອມໂຍງພາກພື້ນ ແລະ ສາກົນ, ໂດຍສະເພາະ ແມ່ນການເຂົ້າສູ່ປະຊາຄົມອາຊຽນໃນທ້າຍປີນີ້, ສ່ວນຂະແໜງບໍ່ແຮ່ ແມ່ນຈະສຸມໃສ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດທີ່ມີຄ່າສຸງ, ເປັນບໍ່ແຮ່ຂະໜາດນ້ອຍ ແລະ ກາງ, ນຳໃຊ້ ເຕັກນິກທັນສະໄໝ, ຕິດພັນກັບການສ້າງ ວຽກເຮັດງານທຳໃຫ້ປະຊາຊົນ, ເປັນມິດກັບສິ່ງແວດລ້ອມ, ຮັບປະກັນເພື່ອ ເປັນທຶນຮອນຊຸກຍູ້ການພັດທະນາຂະ ແໜງການອື່ນ ແລະ ມີໄວ້ໃຫ້ຄົນຮຸ້ນຫລັງໄດ້ນຳໃຊ້ຕໍ່ໄປໃຫ້ຍືນຍົງ.