ບໍລິສັດ ປະກັນໄພລາວ ມອບ​ປະກັນ​ໄພໃຫ້ອາສາສະຫມັກກູ້ໄພນະຄອນຫຼວງວຽງຈັນ

          ບ່າຍວັນທີ 2 ເມສານີ້ ຢູ່ສຳນັກງານໃຫຍ່ ບໍລິສັດ ອາລິອັນສ໌ ປະກັນໄພລາວ (ບປລ) ໄດ້ຈັດພິທີມອບສັນຍາປະ ກັນໄພລົດແບບຂັບຂີ່ສະບາຍ (WYFI) ຈຳ ນວນ 05 ສັນຍາ ເພື່ອຄຸ້ມກັນລົດຂອງໜ່ວຍອາສາສະມັກກູ້ໄພນະຄອນຫຼວງ ວຽງຈັນ   ໃນການຄຸ້ມກັນຄວາມສ່ຽງທີ່ອາດຈະເກີດຂຶ້ນ ​ແລະ ຄຸ້ມກັນຄວາມຮັບ ຜິດຊອບທາງແພ່ງຕໍ່ບຸກຄົນທີສາມ ແລະ ຄູ່ກໍລະນີອີກດ້ວຍ.

ນອກຈາກປະກັນໄພລົດແລ້ວ, ບປລ ຍັງໄດ້ມອບສັນຍາປະກັນອຸປະຕິເຫດທາງດ້ານຮ່າງກາຍແກ່ພະນັກງານອາສາ ສະມັກກູ້ໄພນະຄອນຫຼວງວຽງຈັນ ຈຳນວນ 28 ທ່ານ ເພື່ອຄຸ້ມກັນຄວາມສ່ຽງທີ່ອາດຈະເກີດຂຶ້ນກັບເຂົາເຈົ້າຕະຫຼອດ 24 ຊົ່ວໂມງ. ປະກັນອຸປະຕິເຫດທາງດ້ານຮ່າງກາຍແມ່ນການຄຸ້ມກັນຄວາມເສຍຫາຍທາງດ້ານຮ່າງກາຍ, ການບາດເຈັບທີ່ ເກີດຈາກອຸປະຕິເຫດ ຫຼື ເຫດການທີ່ເກີດຂຶ້ນໃນການດຳລົງຊີວິດປະຈຳວັນຊຶ່ງໃຫ້ການຄຸ້ມກັນທຸກທີ່ທຸກເວລາ.