ສາທາຫາລືວຽກວຽກເຝົ້າລະວັງພະຍາດປະຈຳຢູ່ດ່ານສະໜາມບິນສາກົນວັດໄຕແລະຂົວມິດຕະພາບລາວ-ໄທ

 ວັນທີ 1 ເມສານີ້, ພະແນກສາທາລະນະສຸກນະຄອນຫຼວງວຽງຈັນ ໄດ້ຈັດ ກອງປະຊຸມຫາລື ແລະ ວາງ ແຜນວຽກປະຈຳຢູ່ດ່ານສະໜາມບິນສາກົນວັດໄຕ ແລະ ດ່ານຂົວມິດຕິພາບລາວ-ໄທ 1 ຂຶ້ນ, ຢູ່ພະແນກດັ່ງກ່າວ, ໂດຍ ການເປັນປະ ທານຂອງທ່ານ ດຣ ພອນປະເສີດ ອຸນາພົມ ຮອງຫົວໜ້າພະແນກສາທາລະນະ ສຸກນະຄອນ ຫຼວງວຽງຈັນ, ມີເຈົ້າໜ້າທີ່ປະຈຳສະໜາມບິນ ແລະ ພະນັກງານ ແພດໝໍ, ເຂົ້າຮ່ວມ, ເພື່ອເປັນການປັບປຸງລະ ບົບການປະສານງານຂອງແຕ່ລະຂະ ແໜງການ ແລະ ການມອບໝາຍ ໜ້າທີ່ຮັບຜິດຊອບຂອງແຕ່ລະພາກສ່ວນ ,ໃຫ້ມີແຜນວຽກປະຈຳໃນການຈັດຕັ້ງປະຕິບັດໃນການສະກັດກັ້ນ ພະຍາດຕິດແປດອື່ນໆ, ພ້ອມປະເມີນຄືນການ ຈັດຕັ້ງ ປະຕິບັດວຽກດັ່ງກ່າວໃນໄລຍະຜ່ານມາ, ໂດຍສະເພາະແມ່ນການຈັດຕັ້ງເຝົ້າລະວັງຢູ່ດ່ານສະໜາມບິນສາກົນ ວັດໄຕ ແລະ ດ່ານຂົວມິດຕະພາບລາວ-ໄທໃນໄລຍະຜ່ານມາຍັງໄດ້ເລັ່ງໃສ່ການຈັດຕັ້ງປະຕິບັດລະບຽບສາທາລະ ນະສຸກສາກົນ (IHR) .ຢ່າງເຄັ່ງຄັດ, ແຕ່ຄຽງຄູ່ກັນນັ້ນກໍຍັງມີບາງດ້ານທີ່ຈະຕ້ອງເພີ່ມ ທະວີການເອົາໃຈໃສ່, ໂດຍ ສະເພາະແມ່ນການເຝົ້າລະວັງຢູ່ ດ່ານດັ່ງກ່າວໃຫ້ມີຄວາມເຂັ້ມແຂງຂຶ້ນ, ເປັນຕົ້ນແມ່ນການເຝົ້າລະວັງອາຫານປອດໄພ ຢູ່ໃນສະໜາມບິນ, ການເຝົ້າລະວັງພາ ຫະນະນຳເຊື້ອພະຍາດ ແລະ ການເຝົ້າລະ ວັງສິ່ງແວດລ້ອມຕ່າງໆໃຫ້ມີຄວາມ ຮັບປະກັນ, ແນ່ໃສ່ຮັບປະກັນສຸຂະພາບ ຂອງຜູ້ໂດຍສານ, ເດີນທາງເຂົ້າອອກລະຫວ່າງປະເທດ, ຊຶ່ງແຕ່ລະປີທາງພະ ແນກສາທາລະນະສຸກກໍໄດ້ຈັດກອງປະຂຸມນີ້ຂື້ນ ເພື່ອທົບທວນການຈັດຕັ້ງປະຕິບັດ ແລະ ເຮັດໃຫ້ແຕ່ລະພາກສ່ວນ ມີສ່ວນຮ່ວມຫຼາຍຂຶ້ນ.