ທົບທວນຄືນການຈັດຕັ້ງປະຕິບັດກົດໝາຍໃນຂົງເຂດວັດທະນະທຳ​ສັງຄົມ

ກຳມາທິການວັດທະນາທຳ​​​ສັງຄົມສະພາແຫ່ງຊາດ (ສພຊ), ໄດ້ຈັດກອງປະຊຸມທົບທວນການຈັດຕັ້ງປະຕິ ບັດບັນດາ ກົດໝາຍ, ນິຕິກຳລຸ່ມກົດໝາຍ ແລະ ແຜນການສ້າງ ແລະ ປັບປຸງກົດໝາຍ (2016​ 2020) ໃນວັນທີ 1​ ຫາ​3 ເມສານີ້, ທີ່ແຂວງວຽງຈັນ, ໂດຍການເປັນປະທານຂອງທ່ານດຣ. ສົມພູ ດວງສະຫວັນ ຮອງປະທານກຳມາທິການວັດທະນະທຳ​ ສັງຄົມ, ມີບັນດາລັດຖະມົນຕີ, ສະມາຊິກສະພາແຫ່ງຊາດ(ສສຊ)ປະຈຳເຂດເລືອກຕັ້ງທີ 1,6, 9,10,12,13 ເຂົ້າຮ່ວມ. ເພື່ອກວດກາ ແລະຕີລາຄາຄືນການຈັດຕັ້ງປະຕິບັດກ່ຽວກັບກົດໝາຍ ແລະ ບັນດານິຕິກຳທີ່ກ່ຽວຂ້ອງໃນຂົງເຂດວັດທະນະທຳ​ສັງຄົມໃນໄລຍະຜ່ານມາ. ພ້ອມທັງສຸມໃສ່ຄົ້ນຄວ້າປະກອບຄຳຄິດເຫັນຕໍ່ເອກະ ສານທີ່ສຳຄັນຈຳນວນໜຶ່ງເຊັ່ນ: ການຈັດຕັ້ງ ປະຕິບັດກົດໝາຍແລະ ນິຕິກຳລຸ່ມກົດໝາຍທີ່ປະກາດໃຊ້ໃນໄລຍະຜ່ານມາແລະທິດທາງແຜນການສ້າງ ແລະ ປັບປຸງກົດໝາຍ (2016 ຫາ​2020) ຂອງຂະແຂງສຶກສາທິການ, ສາທາລະນະສຸກ, ແຮງງານແລະສະຫວັດດີ​ການສັງຄົມ, ຊັບພະຍາກອນທຳ ມະຊາດແລະສິງແວດລ້ອມ,​ ຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ. ປັດຈຸບັນໄດ້ມີກົດໝາຍປະກາດໃຊ້ແລ້ວທັງໝົດ 108 ສະບັບ, ໃນນັ້ນມີກົດໝາຍໃນຂົງ ເຂດວັດທະນະທຳ​ສັງຄົມ 17 ສະບັບ, ຂົງເຂດສຶກສາທິການ ແລະ ກິລາ 5 ສະບັບ, ຖະແຫລງຂ່າວ ແລະ ວັດທະ ນະທຳ 3 ສະບັບ, ສາທາລະນະສຸກ 7 ສະບັບ ແລະ ແຮງງານສະຫວັດດີການ 2 ສະບັບ.