ພຽງເດືອນກວ່າ ມີອັກຄີໄພເກີດຂຶ້ນ 11 ຄັ້ງ ເສຍຫາຍຫລາຍກວ່າ 1,80 ຕື້ກີບ

ເຈົ້າໜ້າທີ່ ມອດໄຟ ນະຄອນ ຫລວງວຽງຈັນ ໃຫ້ຮູ້ວ່າ: ນັບ ເດືອນມິຖຸນາ-ຕົ້ນເດືອນກໍລະກົດນີ້, ຢູ່ນະຄອນຫລວງວຽງຈັນ ມີອັກຄີ ໄພເກີດຂຶ້ນ 11 ຄັ້ງ, ໃນນີ້ມີ: ເຮືອນ ປະຊາຊົນ, ໂຮງແຮມ, ສາງເກັບ ເຄື່ອງ, ພາຫະນະ, ໄຟລາມປ່າ ແລະ ອື່ນໆ, ລວມມູນຄ່າເສຍຫາຍ ຫລາຍກວ່າ 1,80 ຕື້ກີບ, ໂດຍ ສ່ວນຫລາຍມັກເກີດຂຶ້ນໃນຍາມຄ່ຳຄືນ ແລະ ສາເຫດຕົ້ນຕໍແມ່ນເກີດ ຈາກໄຟຟ້າລັດວົງຈອນ.

ສຳລັບກໍລະນີສ້າງຄວາມ ເສຍຫາຍຫລາຍກວ່າໝູ່ແມ່ນກໍລະນີ ໄຟໃໝ້ສາງເກັບເຄື່ອງ, ຢູ່ບ້ານ ສະພານທອງ ເມື່ອທ້າຍເດືອນມິ ຖຸນາທີ່ຜ່ານມາ, ແຕ່ໂຊກດີບໍ່ມີຜູ້ໄດ້ ຮັບບາດເຈັບ ຫລື ເສຍຊີວິດໃດໆ. ດັ່ງນັ້ນ ເຈົ້າໜ້າທີ່ມອດໄຟນະຄອນ ຫລວງວຽງຈັນຈຶ່ງເຕືອນມາຍັງປະຊາຊົນທຸກຄົນຈົ່ງມີສະຕິໃນການຊົມໃຊ້ຟືນໄຟ ກ່ອນຈະອອກເຮືອນໄປ ທຸກຄັ້ງແມ່ນໃຫ້ກວດກາຟືນໄຟລະອຽດນັບທັງການໃຕ້ທູບທຽນບູຊາກໍເຊັ່ນກັນເພື່ອປ້ອງກັນການເກີດ ອັກຄີໄພທີ່ຈະຕາມມາ.