ອຸທາຫອນຍ້ອນຄວາມໂມໂຫຂ້າຄົນຕາຍ 4 ສົບ

ເຈົ້າໜ້າທີ່ ປກສ ແຂວງສະ ຫວັນນະເຂດ ໃຫ້ຮູ້ວ່າ: ໃນວັນທີ 5 ກໍລະກົດນີ້, ໄດ້ເກີດເຫດ ການຍິງ ກັນຢ່າງໂຫດຫ້ຽມຢູ່ເຂດບ້ານເວີນ,ເມືອງໄຊບູລີ,ແຂວງສະຫວັນນະ ເຂດ, ເຮັດໃຫ້ ມີຜູ້ເສຍຊີວິດ 4 ຄົນ ຄື: ທ້າວ ບຸດສີອາຍຸ 40 ປີ ຢູ່ບ້ານ ຫົວເມືອງ ເມືອງໄກສອນພົມວິ ຫານ, ນາງ ນາງ ອາຍຸ 40 ປີ, ທ້າວ ກິລົງ ອາຍຸ 40 ປີ ແລະ ນາງ ຕີ້ ອາຍຸ 14 ປີຢູ່ບ້ານເວີນ ເມືອງ ໄຊບູລີ ແຂວງດັ່ງກ່າວ.

ເຈົ້າໜ້າທີ່ໃຫ້ຮູ້ວ່າ: ເຫດການ ສະເທືອນຂວັນຄັ້ງນີ້ມີຢູ່ວ່າ: ທ້າວ ບຸດສີ ໄດ້ມາສ້າງ ຄອບຄົວກັບ ນາງ ນາງຢູ່ບ້ານເວີນ ແລະ ມີລູກນຳກັນ ສອງຄົນ, ແຕ່ຍ້ອນ ທ້າວ ບຸດສີ ໄດ້ ເຄື່ອນໄຫວພົວພັນກັບຢາເສບຕິດ ຈຶ່ງຖືກເຈົ້າໜ້າທີ່ຈັບຕົວດຳເນີນຄະດີ ແລະ ຖືກສານຕັດ ສີນຕັດອິດສະ ຫລະພາບເປັນເວລາ 4 ປີ, ພາຍ ຫລັງພົ້ນໂທດອອກມາປະມານ ສອງເດືອນຜູ້ກ່ຽວກໍຮູ້ວ່າເມຍລັກ ຫລິ້ນຊູ້ ກັບ ທ້າວ ກິລົງ ຄົນຢູ່ບ້ານ ດຽວກັນ, ຈຶ່ງໄດ້ຮ້ອງຟ້ອງເອົາ ເງິນປັບໃໝຈຳນວນ 15  ລ້ານກີບ ນຳທ້າວ ກິລົງ ແຕ່ການໄກ່ເກ່ຍ ຢູ່ຂັ້ນບ້ານແມ່ນບໍ່ຕົກແຕກຈຶ່ງເຮັດ ໃຫ້ຜູ້ກ່ຽວມີຄວາມຄຽດແຄ້ນຕໍ່ ຮອງນາຍບ້ານຕົ້ນແຫມ ແລະ ຮອງນາຍບ້ານເວີນ
ໃຕ້ຊຶ່ງເປັນພີ່ ນ້ອງຂອງ ທ້າວ ກິລົງ ທີ່ມາເວົ້າ ຄວາມ ແລະ ມາຮອດ 10 ໂມງ ເຊົ້າຂອງວັນທີ 5 ກໍລະກົດ 2015 ທ້າວ ບຸດສີ ໄດ້ຂັບລົດພາເມຍເຂົ້າໄປໃນປ່າແຄມທາງເຂດບ້ານໜອງສະ ເມືອງໄຊບູລີ ແລະ ໃຊ້ປືນສັ້ນ ຍິງໃສ່ບໍລິເວນເອິກຂອງເມຍ 3 ນັດ ຈົນເສຍຊິວິດ, ຈາກນັ້ນ ຜູ້ກ່ຽວໄດ້ ໂທບອກຍາດພີ່ນ້ອງຂອງເມຍວ່າຕົນໄດ້ຄາດຕະກຳເມຍແລ້ວ ໃຫ້ມາຮັບເອົາສົບຢູ່ບ່ອນເກີດເຫດ, ຈາກ ນັ້ນຜູ້ກ່ຽວກໍຂີ່ລົດໄປຫາ ທ້າວ ກິ ລົງ ຢູ່ສັງວຽນຕີໄກ່ທີ່ບ້ານ ນາມັນ ປາ ເມືອງໜອງບົກ ແຂວງຄຳ ມ່ວນ ເຊິ່ງຢູ່ຫ່າງຈາກບ້ານເວີນ ປະມານ 5 ກິໂລແມັດ ພໍໄປຮອດ ທ້າວ ບຸດສີ ກໍໃຊ້ປືນຍິງໃສ່ດ້ານ ຫລັງທ້າວ ກິລົງ 3 ນັດຈົນເສຍຊີ ວິດແລ້ວຜູ້ກ່ຽວກໍຂີ່ລົດໄປເຮືອນ ທ້າວ ເສີດ ເຊິ່ງເປັນຮອງນາຍບ້ານ ຕົ້ນແຫມແຕ່ບໍ່ເຫັນ ແລະ ເຫັນພຽງ ລູກສາວທ້າວເສີດຊື່ນາງຕີ້ຂາຍ ເຄື່ອງຢູ່ໜ້າເຮືອນຈຶ່ງໄດ້ໃຊ້ຍິງໃສ່ ດ້ານຫລັງໜຶ່ງນັດຈົນເສຍຊີວິດ, ຫລັງຈາກນັ້ນກໍຂີ່ລົດໄປຫາ ທ້າວ ຖາວອນ ເຊິ່ງເປັນຮອງນາຍບ້ານ ເວີນໃຕ້ ພໍພົບເຫັນ ທ້າວ ຖາວອນ ເບິ່ງໂທລະພາບຢູ່ໃນເຮືອນ, ທ້າວ ບຸດສີກໍໄດ້ໃຊ້ປືນຍິງທ້າວ ຖາວອນ ສອງນັດຈົນລົ້ມນອນລົງໄດ້ຮັບ ບາດ ເຈັບສາຫັດ ແລະ ຕອນນັ້ນ ທ້າວ ບຸດສີ ຄິດວ່າ ທ້າວ ຖາວອນ ເສຍຊີວິດແລ້ວຜູ້ກ່ຽວກໍໄດ້ຂີ່ລົດກັບເມືອເຮືອນ ແລະ ຕົກມາຮອດເວ ລາປະມານ 14:00 ໂມງວັນດຽວ ກັນເຈົ້າໜ້າທີ່ກໍໄດ້ນຳກຳລັງເຂົ້າ ປິດລ້ອມເຮືອນ ທ້າວ ບຸດສີ ແລະ ເກ້ຍກອມໃຫ້ມອບໂຕຕໍ່ເຈົ້າໜ້າທີ່, ແຕ່ບໍ່ດົນ ທ້າວ ບຸດສີ ກໍໄດ້ໃຊ້ປືນຍິງ ຕົນເອງຕາຍເພື່ອໜີ ຄວາມຜິດ.

ເຈົ້າໜ້າທີ່ໃຫ້ຮູ້ວ່າ: ຄະດີທີ່ບໍ່ປາຖະໜາດັ່ງກ່າວນີ້, ໄດ້ສ້າງຄວາມສູນເສຍແກ່ຊີວິດ ແລະ ສ້າງຄວາມຕົກໃຈໃຫ້ແກ່ ສັງຄົມບໍ່ໜ້ອຍ,ຖືເປັນອຸທາຫອນເຕືອນສະຕິສັງຄົມວ່າການໃຊ້ອາລົມຫລາຍກວ່າເຫດຜົນຈະເປັນເສັ້ນທາງນຳໄປສູ່ຄວາມຫາຍຍະນະ.