ສະພາຮັບຮອງເອົາສະມາຊິກຄະນະລັດຖະບານໃໝ່ຈຳນວນໜຶ່ງ

ໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດ ທີ VII ໃນວັນທີ 8 ກໍລະກົດນີ້, ໄດ້ພິ ຈາລະນາ ແລະ ເຫັນດີຮັບຮອງເອົາ ສະມາຊິກຄະນະລັດຖະ ບານໃໝ່ ຈຳນວນໜຶ່ງຕາມການສະເໜີຂອງ ນາຍົກລັດຖະມົນຕີແຫ່ງ ສປປ ລາວ, ຊຶ່ງປະກອບມີ: ແຕ່ງຕັ້ງທ່ານ ຄຳໝັ້ນ ສູນວິເລີດ ອະດີດເຈົ້າ ແຂວງບໍ່ແກ້ວເປັນລັ ດຖະມົນຕີວ່າ ການກະຊວງພາຍໃນ, ທ່ານ ດຣ ຄຳແພງ  ໄຊສົມແພງ ອະດີດເຈົ້າ ແຂວງຫລວງພະບາງເປັນລັດຖະມົນຕີວ່າການກະຊວງແຮງງານ ແລະ ສະຫວັດ ດີການສັງຄົມ, ທ່ານ ຄຳເມິງ ພົງທະດີ ອະດີດເຈົ້າ ແຂວງວຽງຈັນ ເປັນລັດຖະມົນຕີປະຈຳຫ້ອງວ່າການລັດຖະບານ, ທ່ານ ສົມມາດ ພົນເສນາ ອະດີດລັດ ຖະມົນຕີປະຈຳຫ້ອງວ່າການລັດ ຖະບານເປັນລັດຖະມົນຕີວ່າການ
ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ເພັດ ພົມພິພັກ ອະດິດລັດຖະມົນຕີ ຊ່ວຍວ່າການກະຊວງກະສິກຳ-ປ່າໄມ້ເປັນລັດຖະມົນຕີວ່າການກະຊວງດັ່ງກ່າວ, ທ່ານ ດຣ ຄຳມະນີ ອິນທິລາດ ອະດີດລັດຖະມົນຕີ ຊ່ວຍວ່າການກະຊວງພະລັງງານ ແລະ ບໍ່ແຮ່ ເປັນລັດຖະມົນຕີວ່າ ການກະຊວງດັ່ງກ່າວ ແລະ ທ່ານ ພົນຈັດຕະວາ ສົມແກ້ວ ສີມມາວົງ ຮັກສາການລັດຖະມົນຕີວ່າການ ກະຊວງປ້ອງກັນຄວາມສະຫງົບ ເປັນລັດຖະມົນຕີວ່າການກະຊວງດັ່ງກ່າວ.