ລະວັງຝົນຕົກຟ້າຄະນອງ

ກົມອຸຕຸນິຍົມ ແລະ ອຸທົກກະ ສາດ ໃຫ້ຮູ້ວ່າ: ນັບແຕ່ວັນທີ 8-11 ກໍລະກົດນີ້, ຮ່ອງຄວາມກົດດັນອາກາດຕ່ຳ ຍັງຈະສືບຕໍ່ພັດຜ່ານພາກ ເໜືອຫາພາກກາງຂອງລາວ, ສົມ ທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ເຊິ່ງຈະ ເຮັດໃຫ້ມ ຝົນຕົກຟ້າຄະນອງໃນລະດັບຄ່ອຍ ເປັນວົງກວ້າງ ແລະ ຕົກປານກາງ, ພ້ອມມີລົມພັດແຮງຢູ່ບາງທ້ອງ ຖິ່ນ ໃນແຕ່ລະພາກ. ຈາກນັ້ນວັນທີ 12-14 ກໍລະກົດນີ້, ບໍລິເວນຄວາມ ກົດດັນຕ່ຳຂອງອາກາດຮ້ອນຈະ ປົກຄຸມຢູ່ທົ່ວທຸກ ພາກຂອງລາວ, ສົມທົບກັບລົມມໍລະສຸມຕາເວັນຕົກ ສ່ຽງໃຕ້ມີທ່າອ່ຽງເພີ່ມກຳລັງແຮງຂຶ້ນພັດປົກຄຸມ, ຊຶ່ງຈະເຮັດໃຫ້ມີ ຝົນຕົກຟ້າຄະນອງຫລາຍຂຶ້ນຢູ່ແຕ່ລະພາກໃນລະດັບຄ່ອຍຫາປານກາງພ້ອມມີລົມພັດແຮງເປັນບາງໂອກາດ, ນັບ ທັງນະຄອນຫລວງວຽງຈັນ.

ສະພາບອາກາດ ໃນໄລຍະນີ້ ຍັງຈະສືບຕໍ່ຮ້ອນທຳມະດາ, ໂດຍ ສະເພາະຢູ່ແຂວງພາກເໜືອດ້ານຕາ ເວັນຕົກລົງ ຫາພາກກາງ ແລະ ພາກໃຕ້. ຈາກນັ້ນກາງຫາທ້າຍ ອາທິດອຸນຫະພູມອາກາດໂດຍທົ່ວໄປຈະເຢັນລົງເລັກນ້ອຍຢູ່ແຕ່ລະພາກ, ໂດຍສະເພາະ ແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ພູພຽງບໍລະເວນປາກຊ່ອງ.

     ສະເພາະວັນທີ 10 ກໍລະກົດນີ້, ຈະມີຝົນຕົກຟ້າຄະນອງໃນລະດັບຄ່ອຍຫາປານກາງຢູ່ແຂວງພາກກາງຫາພາກໃຕ້ ແລະ ວັນທີ 11-14 ຈະມີຝົນຕົກຟ້າຄະນອງຫລາຍຂຶ້ນຢູ່ແຕ່ລະພາກພ້ອມມີລົມພັດແຮງເປັນບາງໂອກາດ, ຍ້ອນລົມ ມໍລະສຸມຕາເວັນຕົກສ່ຽງໃຕ້ຈະມີກຳລັງເພີ່ມຂຶ້ນພັດປົກຄຸມ.