ແມ່ຕູ້ໃຈໂຫດບີບຄໍຫລານເກີດໃໝ່ເສຍຊີວິດ

ຄະດີບໍ່ເພິງປາດຖະໜາດັ່ງກ່າວໄດ້ເກີດຂຶ້ນເມື່ອເວລາປະມານ 2:00 ໂມງເຊົ້າວັນທີ 3 ກໍລະກົດ ຜ່ານມານີ້ຢູ່ບ້ານດົງບັງ ເມືອງໄຊ ທານີ ນະຄອນຫລວງວຽງຈັນ ຊຶ່ງ ມີຢູ່ວ່າ: ໃນວັນດ່ັງກ່າວນາງ ຄຳ ແຜ່ນ ອາຍຸ 52 ປີ ຢູ່ບ້ານດົງບັງ ໄດ້ ພາ ນາງ ຕຸ້ຍ ເຊິ່ງເປັນລູກສາວທີ່ຖື ພາໄປເກີດລູກໃນຄລີນິກແຫ່ງ ໜຶ່ງຢູ່ເຂດເມືອງໄຊທານີ ຫລັງຈາກນັ້ນ ນາງຄຳແຜ່ນ ແລະ ລູກສາວພ້ອມກັບຫລານທີ່ເກີດໃໝ່ໄດ້ພາ ກັນກັບເມື່ອບ້ານໃນວັນດຽວກັນ ແລະ ໃນລະຫວ່າງທາງເມືອບ້ານນັ້ນ ນາງ ຄຳແຜ່ນ ໄດ້ຖາມລູກສາວ ວ່າໃຜ ເປັນພໍ່ຂອງເດັກ ແລະ ລູກສາວຕອບວ່າບໍ່ຮູ້, ເມື່ອໄດ້ຍິນແນວນັ້ນ ນາງ ຄຳແຜ່ນ ຈຶ່ງຄິດຢ້ານ ອັບອາຍຊາວບ້ານ ແລະ ຢ້ານຜູ້ເປັນຜົວຕີລູກສາວ, ຈຶ່ງໄດ້ຕັດສິນໃຈເອົາມືບີບຄໍຫລານເກີດໃໝ່ຄົນນັ້ນຈົນ ເສຍຊີດວິດແລ້ວເອົາສົບໄປຖິ້ມຢູ່ປ່າເຂດບ້ານດົງບັງຫ່າງຈາກເຮືອນປະມານ 4 ກິໂລ
ແມັດ ແລະ ບອກລູກສາວວ່າຫ້າມບອກເລື່ອງນີ້ໃຫ້ພໍ່ ແລະ ຄົນອື່ນຮູ້ເດັດຂາດ, ຫລັງຈາກນັ້ນກໍພາກັນ ກັບເມື່ອ ເຮືອນ ແລະ ຕົກມາຮອດເວລາປະມານ 18:00 ໂມງກໍຖືກເຈົ້າໜ້າທີ່ເຂົ້າຈັບຕົວເພື່ອດຳເນີນ ຄະດີຕາມລະບຽບກົດໝາຍ.

ຂ່າວໃຫ້ຮູ້ຕື່ມວ່າ: ສຳລັບ ເຫດການສະເທືອນຂວັນຄະດີຍິງ ກັນເສຍຊິວິດຢູ່ບ້ານເວີນ ເມືອງໄຊ ບູລີ ແຂວງສະຫວັນນະເຂດ ເມື່ອ ວັນທີ 5 ກໍລະກົດຜ່ານມາຍ້ອນ ຄວາມໂມໂຫຫຶງຫວງ ຈົນມີຜູ້ເສຍ ຊີວິດເບື້ອງຕົ້ນ 4 ຄົນເປັນຊາຍ 2 ຍິງ 2 ແລະ ປາກົດວ່າມີລາຍງານ ຜູ້ເສຍຊີວິດເພີ່ມອີກ 3 ຄົນເຊື່ອມ ໂຍງໃນຄະດີດັ່ງກ່າວຄື ທ້າວ ສີສະ ຫວັນ ອາຍຸ 40 ປີຢູ່ບ້ານເຄືອເຂົາກາດ ເມືອງໄກສອນ ນອນເສຍຊີ ວິດຢູ່ໃນຫ້ອງນອນ, ຕາມຮ່າງ ກາຍມີຮ່ອງຮອຍຖືກຂອງມີຄົມ ແທງຫລາຍຈຸດໃນວັນທີ 5 ກໍລະ ກົດຜ່ານມາ, ສ່ວນທ້າວ ເສີດນາຍ ບ້ານໆເວີນທີ່ຖືກຍິງບາດເຈັບສາ ຫັດ, ຊຶ່ງໄດ້ສົ່ງໄປປິ່ນປົວຢູ່ໂຮງໝໍ ໃນປະເທດໄທກໍເສຍຊີວິດແລ້ວໃນວັນທີ 7 ກໍລະກົດນີ້, ສ່ວນ ນາງ ນາງ ຜູ້ເປັນເມຍຂອງທ້າວນ້ອຍທີ່ ຖືກຍິງໃນມື້ເກີດເຫດຖືພາໄດ້ 4 ເດືອນ ແລະ ເຮັດໃຫ້ລູກໃນທ້ອງ ເສຍຊີວິດເຊັ່ນກັນ, ຈຶ່ງມີຜູ້ເສຍຊີວິດ ໃນເຫດການຄາດຕະກຳໂຫດຫ້ຽມຄັ້ງນີ້ເຖິງ 7 ຄົນ.