ກະຊວງສຶກສາອອກມາຊີ້ແຈງຕໍ່ຄຳສະເໜີ ແລະ ຊັກຖາມຜ່ານສາຍດ່ວນສະພາ

ທ່ານນາງ ແສງເດືອນ ຫລ້າ ຈັນທະບູນ ລັດຖະມົນຕີຊ່ວຍວ່າ ການກະ ຊວງສຶກສາທິ ການ ແລະ ກິລາໄດ້ອອກມາຊີ້ແຈງກ່ຽວກັບ ຄຳສະເໜີ ແລະ ຊັກຖາມຂອງປະ ຊາຊົນທີ່ໂທລະສັບເຂົ້າມາຜ່ານສາຍດ່ວນ 165 ໃນວາລະດຳເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງ ຊາດຊຸດທີ VII, ເຊິ່ງມີປະຊາຊົນບ້ານນາເຄືອ, ເມືອງວຽງຄຳ ແຂວງ ວຽງຈັນ ສະເໜີກ່ຽວກັບນັກ ຮຽນເສັງຈົບ ມ7 ທີ່ຜ່ານມາ, ໄດ້ມີການ ສະຫລອງກັນດ້ວຍການນຸ່ງເສື້ອຂາວນັກຮຽນກິນເບຍຢູ່ຕາມຮ້ານກິນດື່ມ ເຫັນວ່າ ເປັນການປະພຶດ ທີ່ບໍ່ເໝາະສົມ. ຕໍ່ບັນຫາດັ່ງກ່າວທ່ານລັດຖະມົນຕີຊ່ວຍຕອບວ່າ: ບັນຫານັກຮຽນຈຳ ນວນໜຶ່ງທີ່ນຸ່ງ ຊຸດນັກຮຽນເຂົ້າ ຮ້ານເຫລົ້າ, ຮ້ານເບຍ ເຫັນວ່າເປັນປາກົດການທີ່ນັບມື້ຫລາຍຂຶ້ນ ແລະ ກະແສວິພາກ
ວິຈານກັນຫລາຍໃນສັງຄົມກໍຄືທາງສື່ອອນລາຍ, ເຊິ່ງ ເປັນການປະພຶດທີ່ບໍ່ເໝາະສົມ, ແຕ່ທັງນີ້ກໍບໍ່ໄດ້ ໝາຍຄວາມວ່າ ທາງພາກສ່ວນກ່ຽວຂ້ອງກໍຄືກະຊວງສຶກສາຂອງພວກເຮົາເປັນຜູ້ ຮັບຜິດຊອບໂດຍ ກົງ, ໂດຍສະ ເພາະການແກ້ໄຂບັນຫາດັ່ງກ່າວ ຕ້ອງຮຽກຮ້ອງໃຫ້ທຸກພາກສ່ວນຢູ່ໃນສັງຄົມຮ່ວມມືກັນ ເປັນຕົ້ນສະ ຖານທີ່ໃຫ້ບໍລິການ, ກໍຄືຮ້ານກິນ ດື່ມຕ່າງໆ, ການສຶກສາອົບຮົມ ຈາກຄອບຄົວ ແລະ ໂຮງຮຽນທີ່ ກ່ຽວຂ້ອງ, ເພື່ອເປັນຫູເປັນຕາ ແລະ ຊ່ວຍກັນອົບຮົມສັ່ງສອນລູກ ຫລານຂອງພວກເຮົາ ໃຫ້ເປັນນັກ ຮຽນດີ ແລະ ທີ່ສຳຄັນທີ່ສຸດກໍຄື ພວກກ່ຽວເອງຄວນຈະມີຈັນຍາ ບັນຂອງນັກຮຽນ, ນັກສຶກສາກ່ອນ ຈະກະທຳສິ່ງໃດກໍຄວນເບິ່ງກາລະ, ເທສະສະຖານທີ່ໃດຄວນໃສ່ເຄື່ອງນັກຮຽນ ຫລື ບໍ່ຄວນ, ທັງນີ້ກໍເພື່ອ ສ້າງຕົນເອງໃຫ້ເປັນພົນລະເມືອງດີຂອງຊາດ. ສິ່ງທີ່ກ່າວມາທັງໝົດ ນັ້ນ ກໍໄດ້ກຳນົດໄວ້ຢູ່ໃນກົດໝາຍ ວ່າດ້ວຍການຄວບຄຸມເຄື່ອງດື່ມທີ່ມີທາດເຫລົ້າແລ້ວຍັງເຫລືອ ພຽງແຕ່ພາກສ່ວນກ່ຽວຂ້ອງທີ່ຈະຕ້ອງຈັດຕັ້ງປະຕິບັດ, ແຕ່ຫາກຍັງຝ່າຝືນ ຫລື ບໍ່ປະຕິບັດຕາມ ກໍຈະຖືກຕັກ ເຕືອນ ຫລື ປັບໃໝຕາມລະບຽບ ການ.

ນອກນີ້ ຍັງມີພະນັກງານພະ ແນກສຶກສາທິການ ແລະ ກິລາ ເມືອງໄກສອນພົມວິຫານ ແຂວງ ສະຫວັນນະເຂດສະເໜີກ່ຽວກັບບັນຫາການເບີກຈ່າຍເງິນເດືອນໃຫ້ພະນັກງານຄູຢູ່ເມືອງຍັງຊັກຊ້າ ແລະ ບັນຫາຂໍ້ສອບເສັງ ມ7 ຮົ່ວໄຫລໄດ້ ມີການກວດສອບກັນ ແລະ ຈະດຳ ເນີນການຄືແນວໃດ ? ຕໍ່ການສະ ເໜີບັນຫາດັ່ງກ່າວແມ່ນມີຫລາຍ ສາເຫດຄື: ການສ້າງແຜນເງິນ ເດືອນຂອງພະນັກງານຂັ້ນ ເມືອງບໍ່ທັນກຳນົດເວລາ; ການກວດກາ ເອກະສານຜ່ານຫລາຍບ່ອນຊັກຊ້າເກີນໄປ; ເງິນເດືອນພະ ນັກງານ ຄູມີຈຳນວນຫລາຍ ແລະ ການ ຈ່າຍເງິນເດືອນຂອງຄັງເງິນປະຈຳແຂວງ ແມ່ນອີງຕາມງົບປະ ມານທີ່ມີ. ຕໍ່ກັບຫາງສຽງທີ່ວ່າຫົວບົດ ສອບເສັງ ມ7 ມີການຮົ່ວໄຫລນັ້ນ ທາງກະຊວງສຶກສາຂໍແຈ້ງໃຫ້ ຊາບວ່າ: ໄດ້ມີການຕັດຊອງຫົວບົດ ສອບເສັງກ່ອນເວລາໃນສູນສອບໜຶ່ງ. ສະນັ້ນ ເພື່ອຄວາມໂປ່ງໃສ ຈຶ່ງໄດ້ສັ່ງໃຫ້ໂຈະການສອບເສັງໃນມື້ນັ້ນເລີຍແລ້ວກໍໄດ້ແຈ້ງໃຫ້ເລື່ອນ ໄປສອບເສັງວິຊາດັ່ງກ່າວໃນມື້ ໃໝ່, ການເລື່ອນການສອບເສັງຈະສົ່ງ ຜົນກະທົບເຮັດໃຫ້ສິ້ນເປືອງເວລາ ເສຍງົບປະມານ ແລະ ເສຍຄວາມ ຮູ້ສຶກ, ຄວາມຕັ້ງໃຈຂອງບຸກຄົນ ທີ່ຕັ້ງໃຈເຮັດວຽກງານອອກມາດີ. ດັ່ງນັ້ນເພື່ອປັບປຸງການສອບເສັງ ໃຫ້ດີຂຶ້ນກວ່າເກົ່າໃນຕໍ່ໜ້າກະຊວງສຶກສາຈະຫາວິທີປ້ອງກັນ ແລະ ມີມາດຕະການທີ່ຮັດກຸມກວ່າເກົ່າ.