ຄວາມເປັນຈິງການຜະລິດໂຮງງານຫົວອາຫານສັດອຸດົມໄຊ

ທ່ານ ວິໄລວັນ ພົມເຂ ລັດຖະມົນຕີວ່າການກະຊວງກະສິກຳ ແລະ ປ່າໄມ້ ໄດ້ຕອບຂໍ້ຊັກຖາມ ຂອງຄະນະຜູ້ແທນຜ່ານກອງປະ ຊຸມສະພາແຫ່ງຊາດສະໄໝສາມັນ ເທື່ອທີ 9 ກ່ຽວກັບຄວາມເປັນຫ່ວງ ຂອງສັງຄົມຕໍ່ການດຳ ເນີນທຸລະກິດການຜະລິດຂອງໂຮງງານຜະລິດ ຫົວອາຫານສັດຢູ່ແຂວງດັ່ງ ກ່າວທີ່ຫາກໍສຳເລັດການກໍ່ສ້າງ ແລະ ເປີດ ການນຳໃຊ້ໃນປີຜ່ານມາ.

ລັດຖະມົນຕີ ໄດ້ໃຫ້ຄຳອະ ທິບາຍຢ່າງກົງໄປກົງມາວ່າ: ຜ່ານການກະກຽມມາໄລຍະໜຶ່ງມາຮອດ ປັດຈຸບັນໂຮງງານດັ່ງກ່າວແມ່ນມີຄວາມພ້ອມແລ້ວທີ່ຈະເລີ່ມ ຜະລິດອາຫານສັດອອກຮັບໃຊ້ສັງຄົມ ໂດຍສະເພາະຢູ່ບັນດາແຂວງພາກເໜືອຂອງລາວ ເຊິ່ງມີຊື່ວ່າ: “ອາຫານສັດອຸດົມໄຊ” ແລະ ຊື່ ພາ ສາອັງກິດວ່າ: “Oudomxay Animal Feed” ໂດຍແມ່ນບໍລິສັດ ເຟີງໂຮລາວຈຳກັດເປັນຜູ້ດຳເນີນ ການຜະລິດ. ໃນໄລຍະຮ່ວມມື ດ້ານວິຊາການກັບບໍລິ ສັດຈາກ ສປ ຈີນ 1 ປີນີ້, ສອງຝ່າຍມີແຜນຈະ

ຜະລິດອາຫານສັດໃຫ້ໄດ້ 15.000 ໂຕນຕໍ່ປີ (ໃນນີ້ເປັນອາຫານປາ 10.000 ໂຕນ, ອາຫານສັດປີກ 2.500 ໂຕນ, ອາຫານໝູ 2.000 ໂຕນ, ອາຫານງົວ ແລະ ແກະ 500 ໂຕນ) ໂດຍນຳໃຊ້ວັດຖຸດິບ (ສາ ລີ) ພາຍໃນ 5.000-7.000 ໂຕນ ແລະ ນຳເຂົ້າ 8.000-10.000 ໂຕນ (ປັດຈຸບັນວັດຖຸດິບປ້ອນໂຮງ ງານຊຸດທຳອິດໄດ້ ມາຮອດແລ້ວ 10.000 ໂຕນ), ຕ້ອງການພະນັກ ງານ ແລະ ກຳມະກອນ 100 ຄົນ (ຄົນລາວ 70-80 ຄົນ ແລະ ຄົນ ຈີນ 20-30 ຄົນ), ສ້າງມູນຄ່າ ການຜະລິດປະມານ 5-6 ລ້ານ ຢວນ (ສະກຸນເງິນຈີນ). ໄປຄຽງ ຄູ່ກັບການທົດລອງຜະລິດຫົວອາ ຫານສັດດັ່ງກ່າວ, ທັງສອງຝ່າຍ ກຳລັງກະກຽມດ້ານຕ່າງໆໃຫ້ແກ່ ການເຊັນສັນຍາເຊົ່າໂຮງງານນຳກະຊວງການເງິນ ໃນຕົ້ນປີ 2016 ລວມທັງການປະກອບເອກະສານລົງ ທຶນໃຫ້ຖືກຕ້ອງຕາມລະບຽບກົດໝາຍຂອງ ສປປ ລາວ ໃຫ້ສຳ ເລັດ. ຈາກນັ້ນ ຈະເລີ່ມສ້າງໂຮງອົບສາລີ ໃນເດືອນມີນາ 2016 ແລະ ພັດທະນາໄປແຕ່ລະກ້າວ ຕາມແຜນການລົງທຶນຄົບຊຸດນັບ ແຕ່ການປູກ, ການລ້ຽງ, ການ ປຸງແຕ່ງ ແລະ ການຕະຫລາດ. ການລົງທຶນດັ່ງກ່າວນີ້ແມ່ນນຳໃຊ້ຮູບແບບ “ບໍລິສັດ+ຊາວກະສິ ກອນ” ເພື່ອນຳໃຊ້ທ່າແຮງດ້ານ ທຳມະຊາດ ແລະ ທີ່ຕັ້ງພູມສັນຖານ ຂອງປະເທດໂດຍສຸມໃສ່ພັດທະນາການປູກເຂົ້າ, ສາລີ, ເຂົ້າບາເລ, ພືດ ນ້ຳມັນ, ພືດຜັກ ແລະ ນຳໃຊ້ສິ່ງເສດເຫລືອຈາກກະສິກຳມາປຸງ ແຕ່ງຄືນໄປຄວບຄູ່ກັບການພັດທະນາການລ້ຽງສັດ ເຊັ່ນ: ການລ້ຽງ ໝູ, ໄກ່, ເປັດ, ປາ, ງົວ ແລະ ແກະ ເພື່ອຕອບສະໜອງຊີ້ນ-ປາທີ່ມີຄຸນ ນະພາບ ແລະ ລາຄາຖືກ ແນໃສ່ປັບ ປຸງຊີວິດການເປັນຢູ່ ແລະ ເພີ່ມລາຍ ຮັບໃຫ້ແກ່ທ້ອງຖິ່ນ. ນີ້ແມ່ນຄວາມ ມຸ່ງຫວັງດີ, ແຕ່ຈະເປັນແນວ ໃດນັ້ນກໍຍັງຢູ່ໃນຂັ້ນຕອນດຳເນີນງານຕໍ່ໄປ.