ຂປລ ຈະຍົກສູງບົດບາດ ຂອງຕົນໃຫ້ຫຼາຍຂຶ້ນເພື່ອເປັນກະ ບອກສຽງອັນແຫລມຄົມຂອງລັດຖະບານ

ເຖິງວ່າຈະມີຄວາມຫຍຸ້ງຍາກ ແລະ ສິ່ງທ້າທາຍຢູ່ບາງປະການ ອັນເນື່ອງ ມາຈາກຄວາມຈຳກັດ ດ້ານລາຍຮັບ ແລະ ງົບປະມານ ຮັບໃຊ້ເຂົ້າໃນການ ພັດທະນາ, ແຕ່ ສຳນັກຂ່າວສານປະເທດລາວ (ຂປລ) ກໍໄດ້ພະຍາຍາມສືບ ຕໍ່ຍົກ ສູງບົດບາດຂອງຕົນໃນຖານະທີ່ ເຮັດວຽກເປັນກະບອກສຽງຂອງ ພັກ, ຂອງລັດ ແລະ ຕອບສະໜອງ ຂໍ້ມູນຂ່າວສານໃຫ້ປະຊາຊົນລາວ ບັນດາເຜົ່າໄດ້ກວ້າງຂວາງ ແລະ ທົ່ວເຖິງ, ໂດຍການຜັນຂະຫຍາຍ ແລະ ຈັດຕັ້ງປະຕິບັດເນື້ອໃນ 4 ບຸກທະລຸໃຫ້ຕິດພັນກັບວຽກງານ ທົດລອງ 3 ສ້າງທີ່ພັກ ແລະ ລັດຖະ ບານວາງອອກເຂົ້າໃນຂົງເຂດ ວຽກງານຂອງຕົນ, ພ້ອມທັງສືບ ຕໍ່ສະໜອງຂໍ້ມູນຂ່າວສານ ແລະ ກະຈາຍສາລະຄວາມຮູ້ ຕ່າງໆໃຫ້ແກ່ສັງຄົມ, ໂດຍຜ່ານຜະລິດຕະ ພັນຕ່າງໆຂອງຕົນຄື: ໜັງສືພິມປະ ເທດລາວ (ທັງພາສາ ລາວ, ອັງກິດ ແລະ ຝຣັ່ງ) ແລະ ໃບຂ່າວລາຍວັນ ໃຫ້ວ່ອງໄວ ແລະ ກວ້າງຂວາງ.

ທ່ານ ສູນທອນ ຄັນທະວົງ ຜູ້ອຳນວຍການໃຫຍ່ສຳນັກຂ່າວສານປະເທດລາວໃຫ້ສຳພາດຕໍ່ໜັງ ສືພິມລາວພັດທະນາໃນວັນທີ 9 ກໍລະກົດນີ້, ເນື່ອງໃນໂອກາດສະ ເຫລີມສະຫລອງວັນສື່ມວນຊົນ 13 ສິງຫາທີ່ຈະມາເຖິງນີ້ວ່າ: ຂປລ ເປັນອົງການຈັດຕັ້ງດ້ານວິຊາການໃນໂຄງປະກອບກົງຈັກການຈັດຕັ້ງ ຂອງກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ, ມີພາ ລະບົດບາດເປັນສຳນັກຂ່າວທາງ ການເພື່ອສະໜອງຂໍ້ມູນຂ່າວສານ ແລະ ຮູບພາບຕ່າງໆໃຫ້ແກ່ອົງ ການສື່ມວນຊົນ ແລະ ການຈັດ ຕັ້ງຂອງສັງຄົມທົ່ວໄປເພື່ອໂຄສະ ນາແນວທາງນະໂຍບາຍຂອງພັກ,ລະບຽບກົດໝາຍຂອງລັດ, ນຳສະ ເໜີເຫດການຕ່າງໆທີ່ເກີດຂຶ້ນທັງ ພາຍໃນ ແລະ ຕ່າງປະເທດລວມ ທັງນຳເອົາຄຳຄິດຄຳເຫັນ ແລະ ຄວາມມຸ້ງມາດປາຖະໜາຂອງປະຊາຊົນລາວມາເຜີຍແຜ່ໃຫ້ສັງຄົມ ໂດຍຜ່ານ: ໃບຂ່າວປະຈຳວັນ ທີ່ເປັນພາສາ: ລາວ, ອັງກິດ ແລະ ຝຣັ່ງ, ໜັງສືພິມເອເລັກໂຕຣນິກປະ ເທດລາວ, ຂ່າວວີດີໂອ ແລະ ຂ່າວ ອອນລາຍຜ່ານທາງໂທລະສັບມືຖື,ໜັງສືພິມປະເທດລາວລາຍວັນ, ໃບຂ່າວຄົ້ນຄວ້າລາຍວັນ ແລະ ວາ ລະສານປະເທດລາວລາຍໄຕມາດ,ເຊິ່ງເຫັນວ່າມີຜູ້ອ່ານ, ຜູ້ຊົມເພີ່ມຂຶ້ນນັບມື້.

ຜ່ານການຈັດຕັ້ງປະຕິບັດ ວຽກງານຕ່າງໆຕາມພາລະບົດ ບາດ, ສິດ ແລະ ໜ້າທີ່ທີ່ກ່າວມາ ຂ້າງເທິງໃນໄລຍະໜຶ່ງປີຜ່ານມາ ຂປລ ໄດ້ສູ້ຊົນ, ບຸກບືນ ແລະ ພັດ ທະນາຜະລິດຕະພັນຂອງຕົນຄືນ ໃໝ່ໂດຍສະເພາະແມ່ນວາລະສານປະເທດລາວ ແລະ ໃບຂ່າວລາຍ ວັນໂດຍການປັບປຸງເນື້ອໃນ, ຮູບ ແບບ, ວິທີການ ແລະ ກົນໄກຕ່າງໆ ໃຫ້ແທດເໝາະກັບເງື່ອນໄຂ ແລະ ສະພາບຄວາມກ້າວໜ້າຂອງ ການພັດທະນາສັງຄົມໃນປັດຈຸບັນພ້ອມ ນັ້ນ ຂປລ ຍັງເປັນຜູ້ສັງລວມເອົາ ຮູບພາບ ແລະ ຂໍ້ມູນຂ່າວສານ ຕ່າງໆກ່ຽວກັບສະພາບການພັດທະນາເສດຖະກິດ-ສັງຄົມໃນຂອບ ເຂດທົ່ວປະເທດ ໃຫ້ສື່ຕ່າງໆເພື່ອ ແຈກຢາຍກັນ.ຂະນະດຽວກັນກໍໄດ້ສ້າງເວັບໄຊ ແລະ ປັບປຸງລະບົບ ການບໍລິການຂໍ້ມູນ ຂ່າວສານຜ່ານທາງເຄື່ອຄ່າຍອິນເຕີເນັດໃຫ້ສັງຄົມໄດ້ຮັບຮູ້. ໄປພ້ອມໆກັບການນຳ ສະເໜີຜົນງານການ ເຄື່ອນໄຫວ ຂອງບັນດາການນຳພັກ ແລະ ລັດ ຖະບານທັງພາຍໃນ ແລະ ຕ່າງປະ ເທດນັ້ນ ຂປລ ຍັງໄດ້ປັບປຸງເນື້ອໃນ ຂ່າວໃຫ້ມີລັກສະນະກວ້າງຂວາງ, ເລິກເຊິ່ງ ແລະ ສ້າງສັນທີ່ເປັນປະ ໂຫຍດໃຫ້ແກ່ ຜູ້ໃຊ້ບໍລິການ ແລະ ສັງຄົມ.

ຜູ້ອຳນວຍການໃຫຍ່ສຳນັກ ຂ່າວສານປະເທດລາວກ່າວວ່າ: ເຖິງແມ່ນວ່າການຈັດຕັ້ງປະຕິ ບັດວຽກງານການເຄື່ອນໄຫວຂອງ ຂປລ ມີບາດກ້າວທີ່ຕັ້ງໜ້າ ແລະ ຂະຫຍາຍຕົວກໍຕາມແຕ່ກໍຍັງມີ ຄວາມຫຍຸ້ງຍາກບາງປະການຕໍ່ການຈັດຕັ້ງປະຕິບັດວຽກງານອັນເນື່ອງມາຈາກຄວາມຈຳກັດດ້ານງົບປະມານ ແລະ ເຄື່ອງມືທີ່ສຳຄັນ ແລະ ຈຳເປັນເຂົ້າໃນການດຳເນີນງານ, ເຊິ່ງຕາມທິດທາງແຜນການແລ້ວໃນອະ ນາຄົດ ຂປລ ຈະ ສືບຕໍ່ປັບປຸງ ແລະ ພັດທະ ນາວຽກງານຂອງຕົນໃຫ້ດີຂຶ້ນກວ່າເກົ່າ ໂດຍການຜັ່ນຂະ ຫຍາຍ ແລະ ຈັດຕັ້ງປະຕິບັດເນື້ອໃນ 4 ບຸກທະລຸໃຫ້ ຕິດພັນກັບວຽກງານທົດລອງ 3 ສ້າງທີ່ພັກ ແລະ ລັດຖະບານວາງອອກເຂົ້າໃນຂົງເຂດວຽກງານຂອງຕົນໃຫ້ໜັກແໜ້ນ, ເພື່ອເປັນກະບອກສຽງອັນ ແຫລມຄົມຂອງ ພັກ, ຂອງລັດ ແລະ ຂອງປະຊາຊົນ ລາວບັນດາເຜົ່າເພື່ອຍົກສູງບົດບາດຂອງ ຕົນໃຫ້ສູງຂຶ້ນກວ່າເກົ່າ.

ສຳນັກຂ່າວສານປະເທດ ລາວ, ສ້າງຕັ້ງຂຶ້ນໃນວັນທີ 6 ມັງ ກອນ 1968 ທີ່ເມືອງວຽງໄຊ, ແຂວງຫົວພັນ ຕາມມະຕິຕົກລົງ ຂອງປະທານສູນກາງແນວລາວ ສ້າງຊາດໂດຍແມ່ນທ່ານ ສີຊະນະ ສີສານເປັນຜູ້ອຳນວຍການໃຫຍ່ ຄົນທຳອິດ, ເຊິ່ງໃນເມື່ອກ່ອນມີນັກ ຂ່າວ ແລະ ນັກວິຊາການຈຳນວນ 10 ຄົນປະຕິບັດໜ້າທີ່ເຄື່ອນໄຫວ ເກັບກຳຂໍ້ມູນ ແລະ ຂຽນຂ່າວສະ ໜອງໃຫ້ວິທະຍຸກະຈາຍສຽງຂອງ ຝ່າຍປະເທດລາວ ແລະ ໜັງສືພິມ ລາວຮັກຊາດ, ພ້ອມທັງສົ່ງຂ່າວ ເປັນພາສາອັງກິດກະຈາຍອອກ ອາກາດໃນລະບົບຄື້ນສັ້ນ ແລະ ມາ ຮອດປັດຈຸບັນ, ສຳນັກຂ່າວສານ ປະເທດລາວໄດ້ມີການປັບປຸງຍົກ ລະດັບທາງດ້ານເຕັກນິກວິຊາການຂຶ້ນສູ່ບາດກ້າວໃໝ່ຕື່ມອີກ, ໂດຍມີ ການນຳໃຊ້ຄອມພິວເຕີເຊື່ອມຕໍ່ ລະບົບອີນເຕີເນັດເຂົ້າໃນການຮັບ-ສົ່ງຂ່າວກັບຕ່າງປະເທດ ແລະ ຕິດຕໍ່ ກັບບັນດາທ້ອງຖິ່ນໃນທົ່ວປະ ເທດ, ພ້ອມກັນນັ້ນກໍໄດ້ພີມໜັງສືພີມປະ ເທດລາວລາຍວັນອອກຈຳໜ່າຍ ໃນວັນທີ 1 ມັງກອນ 2001 ແລະ ປັບປຸງໃບຂ່າວພາສາຝັ່ງ, ອັງກິດ ມາເປັນຮູບແບບໜັງສືພິມ, ອັນ ເປັນການເພີ່ມສີສັນ ແລະ ເຮັດໃຫ້ ເນື້ອໃນອຸດົມ ສົມບູນຍິ່ງຂຶ້ນເຮັດໃຫ້ ກະຈາຍຂ່າວອອກສູ່ພາຍນອກ ແລະ ຕ່າງປະເທດນັບມື້ ກວ້າງ ຂວາງ ແລະ ໃນສົກປີ 2009-2010 ຂ່າວສານປະເທດລາວໄດ້ ສຳເລັດການປັບປຸງຕາໜ່າງຂ່າວ ຢູ່ບັນດາແຂວງທົ່ວປະເທດດ້ວຍການຕິດຕັ້ງລະບົບການຮັບ-ສົ່ງຂ່າວ ຜ່ານເຄືອຂ່າຍອິນເຕີເນັດໃຊ້ລະ ບົບ ເອຟທີພີ (FTP) ຮັບ-ສົ່ງຮູບພາບ ແລະ ມາແກັດໜັງສືພິມ. ນອກ ຈາກບັນດາຜະລິດຕະພັນສິ່ງ ພິມທີ່ ກ່າວມາແລ້ວນັ້ນ, ຍັງມີເວັບໄຊ ເປັນຂອງຕົນເຊິ່ງມີທັງພາສາລາວ,ອັງກິດ ແລະ ຝຣັ່ງ, ໄປຄຽງຄູ່ກັນ ນັ້ນກໍໄດ້ມີການຮ່ວມມືດ້ານວິຊາ ການຂ່າວກັບສຳນັກຂ່າວຫລາຍ ປະເທດໃນໂລກ.