ສະຫວັນນະເຂດຕີລາຄາໂຄງການພັດທະນາເຂດຈຸດສຸມ

ກອງປະຊຸມທົບທວນບົດບັນ ທຶກຄວາມເຂົ້າໃຈຂອງໂຄງການ ພັດທະນາຈຸດສຸມ ແລະ ເຜີຍແຜ່ ຄຳສັ່ງແນະ ນຳວ່າດ້ວຍການຄຸ້ມ ຄອງອົງການຈັດຕັ້ງສາກົນທີ່ບໍ່ ສັງກັດລັດຖະບານ ໄດ້ມີຂຶ້ນໃນ ວັນທີ 6-7 ກໍລະກົດນີ້ ທີ່ຫ້ອງປະ ຊຸມພະແນກແຜນ ການ ແລະ ການ ລົງທຶນແຂວງສະຫວັນນະເຂດ ໂດຍການເປັນປະທານຂອງ ທ່ານ ລຳເງິນ ທອງສີອັກ ສອນຫົວໜ້າ ຫ້ອງວ່າການປົກຄອງແຂວງ, ທ່ານ ບັງລິດ ຄຳລຽງ ຈັນທິລາດ ຫົວໜ້າຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ ແຂວງ ເພື່ອຕີລາຄາການຈັດຕັ້ງ ປະຕິບັດໂຄງການພັດທະນາຈຸດສຸມໄລຍະ 5 ປີ (2011-2015) ເຊິ່ງ ແຂວງສະຫວັນນະເຂດແມ່ນ ແຂວງໜຶ່ງທີ່ໄດ້ຮັບທຶນຊ່ວຍເຫລືອຈາກອົງການສຸພານິມິດຕາມກຳ ນົດເວລາທີ່ໄດ້ລົງນາມບົດ ບັນທຶກ ຄວາມເຂົ້າໃຈຮ່ວມກັນ (2011- 2015) ມີເນື້ອທີ່ໂຄງການໃນ 7 ເມືອງ, 178 ບ້ານ ເຊິ່ງລວມມີ ເມືອງອາດສະພອນ, ນອງ, ພີນ, ເຊໂປນ, ທ່າປາງທອງ,  ຊົນນະບູ ລີ ແລະ ພະລານໄຊ, ໃນນັ້ນ ເມືອງ ພະລານໄຊໄດ້ສິ້ນສຸດໂຄງການໄລ ຍະ I

ແລະ ໄດ້ລົງນາມບົດບັນທຶກ ຄວາມເຂົ້າໃຈຕໍ່ໄລຍະ II ແລ້ວ, ຈຸດ ປະສົງຂອງໂຄງການແມ່ນສຸມໃສ່ການ ພັດທະນາໃນ 5 ວຽກງານ ຫລັກ ຄືສຶກສາ, ສາທາລະນະສຸກ, ກະສິກຳ,  ສ້າງຂີດຄວາມສາມາດ ແລະ ພັດທະນາເດັກໃນມູນຄ່າ ຫລາຍກວ່າ 10 ລ້ານໂດລາສະ ຫະລັດ.

ຜ່ານການຈັດຕັ້ງປະຕິບັດຕົວ ຈິງ 5 ປີ ໄດ້ນຳໃຊ້ທຶນດັ່ງກ່າວ ເຂົ້າ ໃນການປະຕິບັດບັນດາກິດຈະກຳ ຕ່າງໆ ເປັນຕົ້ນ ກໍ່ສ້າງໂຮງຮຽນ 52 ຫລັງ, ສ້ອມແປງໂຮງຮຽນ 47 ຫລັງ, ກໍ່ສ້າງວິດຖ່າຍໂຮງ ຮຽນ 28 ແຫ່ງ, ສ້າງລະບົບນ້ຳ ໃຊ້ໃຫ້ໂຮງ ຮຽນ 2 ແຫ່ງ, ສຳເລັດ ການສ້າງວິດຖ່າຍແກ່ປະຊາຊົນໄດ້ 2.282 ໜ່ວຍ, ກໍ່ສ້າງນ້ຳບາດານ ໄດ້ 338 ແຫ່ງ, ກໍ່ສ້າງລະບົບນ້ຳ ປະປາ 2 ບ້ານ, ກໍ່ສ້າງນ້ຳລິນ 2 ແຫ່ງ, ກໍ່ສ້າງສຸກສາລາ 2 ແຫ່ງ, ເຝິກອົບຮົມໝໍຕຳແຍ 97 ຄົນ, ເຝິກ ອົບຮົມ ອສບ 120 ຄົນ, ສະໜອງ ອຸປະກອນໃຫ້ສຸກສາລາໄດ້ 10 ແຫ່ງ ແລະ ຈັດຕັ້ງກອງທຶນຢາໄດ້ 81 ບ້ານ. ພ້ອມດຽວກັນນີ້ ກໍໄດ້ ຊຸກຍູ້ ໃຫ້ຂະບວນການຜະລິດກະສິ ກຳຕິດພັນກັບການຜະລິດກາຍເປັນ ສິນຄ້າໂດຍສຸມໃສ່ການກໍ່ສ້າງຊົນ ລະປະທານ ແລະ ອື່ນໆ.