ພິທີລົງນາມສັນຍາກູ້ຢືມເງິນເພື່ອນໍາໃຊ້ເຂົ້າໃນການປັບປຸງເສັ້ນທາງຢູ່ນະຄອນຫລວງວຽງຈັນຫລາຍກວ່າ 313 ລ້ານບາດ (ສະກຸນເງິນໄທ) ລະຫວ່າງທ່ານລັດຖະມົນຕີວ່າການກະຊວງການເງິນ ລຽນ ທິແກ້ວ ແລະ ທ່ານ
ເນວີນ ສີນສິລິ ປະທານອົງການຮ່ວມມືພັດທະນາເສດຖະກິດກັບປະເທດເພື່ອນບ້ານ(NIDA)ແຫ່ງຣາຊະອາ ນາຈັກໄທໄດ້ມີຂຶ້ນໃນວັນທີ 8 ມັງກອນຜ່ານມາ, ທີ່ນະຄອນ ຫລວງວຽງຈັນ. ໂດຍທຶນດັ່ງກ່າວຈະນຳໃຊ້ເຂົ້າໃນໂຄງການປັບປຸງລະບົບພື້ນຖານໂຄງລ່າງເສັ້ນ ທາງຕ່າງໆໃນນະຄອນຫລວງວຽງຈັນເປັນຕົ້ນ: ຖະໜົນ T4 ແຕ່
4 ແຍກໄຟອຳນາດທາດຫລວງຫາ 3 ແຍກໄຟອຳນາດໂພນທັນ, ເສັ້ນທາງແຕ່ 3 ແຍກໄຟອຳນາດໂພນທັນ ຫາຮ້ານອາຫານມຸກວິວ, ເສັ້ນທາງແຕ່ 3 ແຍກ
ຖະໜົນ 23 ສິງຫາ-3 ແຍກໄຟອຳນາດດົງປ່າລານ
ແລະ ເສັ້ນທາງແຕ່ວົງວຽນທາດຫລວງ ຫາສົ້ນຂົວບ້ານຫົວຂົວ ທັງນີ້ ກໍເພື່ອແກ້ໄຂບັນຫາການສັນຈອນແອອັດ
ແລະ ກະກຽມໃຫ້ແກ່ກອງປະຊຸມໃຫຍ່ຄັ້ງທີ X ຂອງພັກ ແລະ ກອງປະຊຸມສຸດຍອດອາຊຽນທີ່ ສປປ ລາວ ໄດ້ຮັບກຽດເປັນເຈົ້າພາບທີ່ຈະຈັດຂຶ້ນໃນມໍ່ໆນີ້.
No comments:
Post a Comment