ຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດໃຫ້ຮູ້ວ່າ: ຕາມຜົນຂອງການສຳຫຼວດຂໍ້ມູນຂ່າວສານບົດບາດຍິງຊາຍເພື່ອການພັດທະນາ (ສຂບພ) ສູນກາງສະຫະພັນແມ່ຍິງລາວໃນໄລຍະຜ່ານມາເຫັນວ່າ: ການໃຊ້ຄວາມຮຸນແຮງຕໍ່ແມ່ຍິງໃນປະເທດເຮົາແມ່ນຍັງປາກົດມີຫຼາຍຢູ່, ຊຶ່ງສ່ວນຫຼາຍແມ່ນເກີດຂຶ້ນກັບແມ່ຍິງເຂດຊົນນະບົດຫ່າງໄກສອກຫຼີກ ແລະ ຜູ້ທີ່ດອຍໂອກາດ, ໂດຍເຂົາເຈົ້າຖືເປັນເລື່ອງທຳມະດາໃນຄອບຄົວ ແລະ ຄວາມແຕກໂຕນກັນດ້ານບົດບາດຍິງ-ຊາຍຊຶ່ງເກີດຈາກຫຼາຍສາເຫດເຊັ່ນ: ການເມົາເຫຼົ້າຂອງຜົວ, ສະພາບເສດຖະກິດໃນຄອບຄົວ, ບັນຫາຊູ້ສາວ, ຄວາມຫຶງຫວງ,
ຫວ່າງງານ, ການພະນັນ ແລະ ອື່ນໆ ແລະ ຜົນກະທົບທີ່ເກີດຈາກການໃຊ້ຄວາມຮຸນແຮງນັ້ນມີຫຼາຍລະດັບນັບແຕ່ການບາດເຈັບຈົນເຖິງເຂົ້າໂຮງໝໍ, ຊຶ່ງໄດ້ສົ່ງຜົນກະທົບຕໍ່ຈິດໃຈ
ແລະ ຮ່າງກາຍຂອງແມ່ຍິງເປັນຢ່າງຍິ່ງ ແລະ ໃນຈຳນວນແມ່ຍິງເຫຼົ່ານັ້ນມີພຽງເຄິ່ງໜຶ່ງທີ່ລາຍງານໃຫ້ນາຍບ້ານ ແລະ ອຳນາດການປົກຄອງຮັບຊາບ, ເຖິງຢ່າງໃດກໍຕາມການໃຊ້ຄວາມຮຸນແຮງຕໍ່ແມ່ຍິງໃນທຸກດ້ານລ້ວນແລ້ວແຕ່ສະແດງເຖິງຄວາມບໍ່ເທົ່າທຽມກັນຂອງຄວາມສຳພັນດ້ານອຳນາດລະ ຫວ່າງຍິງ-ຊາຍທີ່ປາກົດໃນປະຫວັດສາດຊຶ່ງນຳໄປສູ່ຜູ້ຊາຍມີອຳນາດເໜືອກວ່າຜູ້ຍິງ, ຈຳແນກຕໍ່ແມ່ຍິງ ແລະ ຂັດຂວາງບໍ່ໃຫ້ແມ່ຍິງມີຄວາມກ້າວໜ້າຢ່າງເຕັມສ່ວນ, ເຖິງຢ່າງໃດກໍຕາມຕະຫຼອດໄລຍະຜ່ານມາພັກ ແລະ ລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ຕໍ່ວຽກງານດັ່ງກ່າວເພື່ອເຮັດໃຫ້ການໃຊ້ຄວາມຮຸນແຮງຕໍ່ມີຍິງໃນປະເທດເຮົາຫຼຸດໜ້ອຍລົງເປັນກ້າວໆ, ເປັນຕົ້ນການສ້າງນິຕິກຳ, ກົດໝາຍທີ່ປົກປ້ອງແມ່ຍິງ, ທັງມີນະໂຍບາຍຕ່າງໆທີ່ສົ່ງເສີມບົດບາດຍິງ-ຊາຍ ແລະ ລຶບລ້າງຄວາມຮຸນແຮງຕໍ່ແມ່ຍິງ, ພ້ອມກັນນັ້ນລັດຖະບານກໍໄດ້ຮ່ວມມືກັບອົງການຈັດຕັ້ງສາກົນຕ່າງໆເພື່ອສ້າງແຜນດຳເນີນງານແຫ່ງຊາດກ່ຽວກັບການປົກປ້ອງ ແລະ ລຶບລ້າງຄວາມຮຸນແຮງຕໍ່ແມ່ຍິງໃນລາວນັບແຕ່ປີ 2014 – 2020
ໂດຍໃຫ້ຂະແໜງການກ່ຽວຂ້ອງຈັດຕັ້ງປະຕິບັດຢ່າງເຂັ້ມງວດ ແລະ ໄດ້ຮັບຜົນດີ. 
No comments:
Post a Comment