ກະຊວງແຜນການ ແລະ ການລົງທຶນສະຫລຸບວຽກງານກວດກາ

ກອງປະຊຸມວຽກງານກວດກາປະຈໍາປີ 2015 ຂອງກະຊວງແຜນການແລະການລົງທຶນ, ໄດ້ຈັດຂຶ້ນໃນວັນທີ 24 ມີນານີ້,ໂດຍການເປັນປະທານຂອງທ່ານສົມດີດວງດີ ລັດຖະມົນຕີກະຊວງດັ່ງກ່າວ,ເພື່ອຕີລາຄາການເຄື່ອນໄຫວວຽກງານກວດກາຂອງກະຊວງດັ່ງກ່າວໃນໄລຍະໜຶ່ງປີຜ່ານ ມາ ແລະ ປຶກສາຫາລືທິດທາງໃນການເຄື່ອນໄຫວວຽກງານໃນຕໍ່ໜ້າ,ໂດຍສະເພາະແມ່ນສະກັດກັ້ນບັນຫາການສໍ້ລາດບັງຫລວງ, ທັງກະຕຸກຊຸກຍູ້ໃຫ້ບັນດາກົມກອງ,ຖັນແຖວພະນັກງານ-ລັດຖະກອນອ້ອມຂ້າງກະຊວງດັ່ງກ່າວປະຕິບັດໜ້າທີ່ຮັບພິຊອບຂອງຕົນຢ່າງມີປະສິດທິຜົນ, ຖືກຕ້ອງຕາມແນວທາງນະໂຍບາຍຂອງພັກ,ລະບຽບກົດໝາຍຂອງລັດແລະເຄື່ອນໄຫວວຽກງານໃຫ້ມີຄວາມໂປ່ງໄສແລະສາມາດກວດສອບໄດ້,ເຊິ່ງບາງຕອນການກ່າວເປີດກອງປະຊຸມຂອງທ່ານລັດຖະມົນຕີກະຊວງດັ່ງກ່າວໃຫ້ຮູ້ວ່າ:ວຽກງານ

ກວດກາເປັນໜ້າທີ່ສໍາຄັນຕົ້ນຕໍຂອງພັກແລະລັດແຕ່ໃດມາ,ທັງແມ່ນມາດຕະການນໍາໜ້າແຫ່ງການຊີ້ນໍາ-ນໍາພາຂອງພັກ,ໝາຍວ່າບໍ່ມີການກວດກາກໍບໍ່ມີການນໍາພາແລະ ວຽກງານດັ່ງກ່າວມັນໄດ້ສອດຫ້ອຍເຂົ້າໃນທຸກຂົງເຂດວຽກງານ, ຕ້ອງເຮັດເປັນປົກະຕິແລະຂາດບໍ່ໄດ້ຂອງອົງການຈັດຕັ້ງພັກ-ລັດທຸກຂັ້ນນັບແຕ່ສູນກາງຮອດທ້ອງຖິ່ນລວມເຖິງພະນັກງານ-ລັດຖະ ກອນ ແລະ ສະມາຊິກພັກທຸກຄົນຕ້ອງຢູ່ພາຍໃຕ້ການກວດກາຢ່າງເຂັ້ມງວດ.