ວັນທີ
24 ພຶດສາພານີ້, ສານປະຊາຊົນຂັ້ນຕົ້ນນະຄອນຫຼວງວຽງຈັນໄດ້ນຳເອົາສຳນວນຄະດີອາຍາສະບັບເລກທີ 489/ອຍກ ລົງວັນທີ 23 ກຸມພາ 2016 ຂື້ນມາພິຈາລະນາຕັດສິນ,ຊຶ່ງຜ່ານການຄົ້ນຄ້ວາຂໍ້ມູນຫຼັກຖານ ແລະ ຫຼັກຖານຕ່າງໆຕາມສຳນວນຄະດີ ແລະ ຄຳຮັບສາລະພາບຂອງຈຳເລີຍ ຊື່ນາງ ສາຍນະທີ ອາຍຸ
43 ປີ,
ຢູ່ບ້ານໄຊຊະຫວ່າງ ເມືອງໄຊທານີ,
ນະຄອນຫຼວງວຽງຈັນ ໄດ້ເຈຕະນາສໍ້ໂກງຊັບຂອງພົນລະເມືອງ ແລະ ການກະທຳຜິດຂອງຈຳເລີຍແມ່ນຄົບ 4 ອົງປະກອບການກະທຳຜິດ, ດັ່ງນັ້ນ ສານຈຶ່ງຕັດສິນຈຳຄຸກ 2 ປີ,
ປັບໃໝ່ 5 ແສນກີບ ແລະ ໃຫ້ໃຊ້ແທນຄືນເງິນ 8 ແສນບາດ(ສະກຸນເງິນໄທ ທີ່ຈຳເລີຍສໍ້ໂກງ, ຕາມາດຕາ 120 ວັກ 2 ຂອງກົດ ໝາຍອາຍາ, ໃນສານຈຳເລີຍຮັບສາລະພາບວ່າ: ໃນຕົ້ນປີ 2014 ຈຳເລີຍໄດ້ໄປຢືມເງິນນຳນາງ ວັນແກ້ວ , ບ້ານສີບຸນເຮືອງ ເມືອງຈັນທະບູລີ, ນະຄອນຫຼວງວຽງ
ຈັນຈຳນວນ 4 ແສນບາດ ແລະ ຕົກລົງຈ່າຍດອກເບ້ຍ 5 % ຕໍ່ເດືອນ, ກຳນົດ 6 ເດືອນ, ໂດຍບໍ່ໄດ້ເຮັດສັນຍາ(ຍືມປາກເປົ່າ), ຊຶ່ງຈຳເລີຍໄດ້ເອົາໃບຕາດິນເປັນຊັບຄ້ຳປະກັນ, ເມື່ອຮອດກຳນົດຈຳເລີຍກໍເອົາເງິນດອກເບ້ຍມາຈ່າຍໃຫ້ເຈົ້າຂອງເງິນຕາມກຳນົດ, ຫຼັງຈາກຄົບ 6 ເດືອນຈຳເລີຍໄດ້ຍືມເງິນນຳ ນາງ ວັນແກ້ວອີກ 3 ຄັ້ງລວມເປັນເງິນທັງໝົດ 8 ແສນບາດ, ກຳນົດດອກເບ້ຍ 5% ຕໍ່ເດືອນ, ເມື່ອຮອດເວລາໃຊ້ແທນເງິນທັງຕົ້ນທືນ ແລະ ດອກເບ້ຍ, ຈຳເລີຍບໍ່ສາມາດໃຊ້ແທນໜີ້ສິນໄດ້ ແລະ ໄດ້ເອົາໃບຕາດິນຄືນຈາກນາງວັນແກ້ວ ,ໂດຍບອກວ່າຈະເອົາໄປຂາຍແລ້ວຈະເອົາເງິນມາໃຊ້ໜີ້ໃຫ້, ແຕ່ເມືອ່ຂາຍດິນໄດ້ແລ້ວຈຳເລີຍຊຳພັດເອົາເງິນໄປຊີ້ລົດເກັ່ງມາຂີ້, ຈົນຮອດວັນທີ
31 ທັນວາ 2015 ນາງວັນແກ້ວ ຈຶ່ງໄດ້ເຂົ້າແຈ້ງ ປກສ ກັກຕົວຜູ້ກ່ຽວມາດຳເນີນຄະດີ.
No comments:
Post a Comment