ເຮັດໃຫ້ການພັດທະນາລ້ຽງປາຢູ່ລາວໄດ້ຮັບຜົນດີ, ເນື່ອງໃນໂອກາດວັນປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດ 13 ກໍລະກົດ

          ຕາມຂໍ້ມູນຂຈາກກົມລ້ຽງສັດ ແລະ ການປະມົງໃຫ້ຮູ້ວ່າ: ໃນຫຼາຍປີຜ່ານມາສູນຄົ້ນຄ້ວາການປະມົງທີ່ຂຶ້ນກັບສະຖາບັນຄົ້ນຄ້ວາກະສິກຳແລະປ່າໄມ້ (ກະຊວງກະສິກຳແລະປ່າໄມ້)  ໄດ້ມີການສຶກສາຄົ້ນຄ້ວາທົດລອງລ້ຽງປາພື້ນ ເມືອງຂອງລາວ 6 ຊະນິດ ຄື: ປາປາກ, ປາແກງ, ປາເພັ້ຍ, ປາເຫມັ້ນ, ປາສະກາງ, ປາດຸກນາ ໄດ້ຮັບຜົນສຳເລັດ ໃນການປະສົມພັນທຽມ ປາ 6 ຊະນິດ ດັ່ງກ່າວ,ພ້ອມທັງສາມາດຖ່າຍທອດເຕັກນິກໃນການລ້ຽງໃຫ້ແກ່ສະຖານີ ແລະ ຟາມລ້ຽງປາ  ຢູ່ ແຂວງຫລວງພະບາງ (ສະຖານີ ນາຫລວງ), ນະຄອນຫລວງວຽງຈັນ (ສະຖານີນ້ຳຫຸມ) ແລະ ແຂວງຈຳປາສັກ (ສະຖານີຫລັກ 8).ຊຶ່ງມາຮອດປະຈຸບັນ, ສູນ ແລະ ສະຖານີລ້ຽງປາຂອງລັດຈຳນວນ 23 ແຫ່ງ, ເອກະຊົນຫລາຍກ່ວາ 50 ແຫ່ງ ແລະ ຊາວກະສິກອນຜູ້ລ້ຽງປາກໍສາມາດລ້ຽງປາພື້ນເມືອງໄດ້ຫຼາຍເຖິງ 18 ຊະນິດ ຄື: ປາຊວາຍໄມ້, ປາເຄິງ, ປາກົດເຫລືອງ, ປາຊວາຍຫາງເຫລືອງ, ປາແກງ, ປາ ເພັ້ຍ, ປາພອນ, ປາເອິນ, ປາສະກາງ, ປາ

ເໝັ້ນ, ປາຕອງ, ປາສະລິດ, ປາປາກ, ປາບູ່, ປາເຂັງ, ປາ ສ້ອຍ, ປາດຸກ ແລະ ອື່ນໆ, ພ້ອມນັ້ນກໍໄດ້ລ້ຽງສັດນ້ຳອື່ນໆ ເຊັ່ນ: ກົບ, ປາຝາ ແລະ ກຸ້ງທໍາມະຊາດ (ກຸ້ງນ້ຳຂອງ) ແລະ ພັນປາຕ່າງປະເທດຈຳນວນ 9 ຊະນິດເຊັ່ນ: ປານິນ (Oreochromis nilotica), ປາໄນ (Cyprinus carpio), ປາເກັດແລບ(Hypophthalmichthys molitrix), ປາກິນຫຍ້າ (Ctenopharyngodon idella), ປາຫົວໃຫຍ່ (Hypophthalmichthys nobilis), ປາໂຣຮູ້ (Labeo rohita), ປາມະລີການ (Cirrhinus mrigala), ປາຄັດລາ (Catla catla) ແລະ ປາດຸກພັນ (Clarias gariepinus). ຊຶ່ງຊະນິດປາດັ່ງ ກ່າວ ເປັນປາທີ່ໃຫຍ່ໄວ ລ້ຽງງ່າຍ ຕົ້ນທຶນຕໍ່າ ແລະ ມີລາຄາດີປະຊາຊົນນິຍົມບໍລິໂພກ ແລະ ປຸງແຕ່ງເປັນອາຫານຫລາຍຊະນິດ ແລະ ປັດຈຸ ບັນກົມລ້ຽງສັດ ແລະ ການປະມົງ. ກໍໄດ້ສ້າງເຄື່ອງມືດ້ານນິຕິກຳກໍຄື: ກົດຫມາຍວ່າດ້ວຍການປະມົງຊຶ່ງໄດ້ປະກາດໃຊ້ຢ່າງເປັນທາງການມາແຕ່ທ້າຍເດືອນກໍລະກົດ 2009 ຜ່ານມາເພື່ອເພີ່ມທະວີການຄຸ້ມຄອງ ແລະ ສົ່ງເສີມການລ້ຽງປາໃຫ້ ໄດ້ຮັບຜົນ, ພ້ອມໄດ້ກຳນົດແຜນຍຸດທະສາດການປະມົງແຫ່ງຊາດແຕ່ນີ້ ຮອດປີ 2025 ແລະ ຄາດຫມາຍສູ້ຊົນຄື: ແຕ່ນີ້ຮອດປີ 2020 ຜະລິດຊີ້ນປາໃຫ້ໄດ້ 225.000 ໂຕນ ແລະ ເພີ່ມອັດຕາການບໍລິໂພກປາໃຫ້ໄດ້ສະເລັ່ຍ 30 ກິໂລ/ຄົນ/ປີ ແລະ ຮອດປີ 2025 ຜະລິດຊີ້ນປາໃຫ້ໄດ້ 297.000 ໂຕນ ແລະ ເພີ່ມອັດຕາການບໍລິໂພກປາໃຫ້ໄດ້ ສະເລັ່ຍ 33 ກິໂລ/ຄົນ/ປີ. ສະນັ້ນ, ເພື່ອຢາກບັນລຸຄາດຫມາຍສູ້ຊົນດັ່ງກ່າວຈຶ່ງຈຳເປັນຈະຕ້ອງໄດ້ເອົາໃຈໃສ່ຕື່ມຂອງບາງວຽກງານທີ່ສຳຄັນຄື: (1) ການສຶກສາຄົ້ນຄ້ວາ (ການຂະຫຍາຍແນວພັນປາພື້ນເມືອງ), (2) ການຄຸ້ມຄອງ (ການຄຸ້ມຄອງ ປາທຳມະຊາດ, ການຄຸ້ມຄອງຟາມລ້ຽງປາ), ແລະ (3) ການພັດທະນາ (ພັດທະນາການປະມົງ ໃນອ່າງເກັບນໍ້າ ແລະ ດິນບໍລິເວນນໍ້າ, ພັດທະນາການລ້ຽງປາ ແລະ ສັດນໍ້າ ທີ່ເປັນເສດຖະກິດ). ໃນນີ້, ປັດໄຈຕັດ ສິນ ອັນຫນຶ່ງ ອີກ ທີ່ສຳຄັນ ເພື່ອໃຫ້ສາມາດບັນລຸຄາດຫມາຍຕ່າງໆແມ່ນການກໍ່ສ້າງ ຊັບພະຍາກອນມະນຸດ ຫມາຍຄວາມວ່າ ຈະຕ້ອງ ໄດ້ບຸກບືນກໍ່ ສ້າງພະນັກງານວິຊາການໃຫ້ກາຍເປັນຊ່ຽວຊານສະເພາະດ້ານໃນອະນາຄົດ, ລວມທັງ ກໍ່ສ້າງຕາຫນ່າງວິຊາການລ້ຽງປາ ຫລື ກຸ່ມລ້ຽງປາ ຢູ່ ຂັ້ນບ້ານ ຫລື ກຸ່ມບ້ານ ແລະ ສ້າງຕັ້ງຄະນະກຳມະການຄຸ້ມຄອງການປະມົງຂັ້ນບ້ານ ຫລື ປະຈໍາແຕ່ລະພື້ນທີ່ແຫລ່ງນໍ້າ ເຊັ່ນ: ແມ່ນໍ້າ, ອ່າງເກັບນໍ້າ, ຫນອງປາຊຸມຊົນ ແລະ ອື່ນໆ.

          ມາຮອດປັດຈຸບັນ, ຂະແຫນງການປະມົງກໍສາມາດບັນສຸຜົນສຳເລັດບາງດ້ານໃນການອະນຸ ລັກສັດນ້ຳ ຄື: ໄລ່ມາຮອດປີ 2015 ທົ່ວປະເທດ ມີວັງສະຫງວນ ຫລາຍກ່ວາ 800 ວັງ (ໄດ້ຂຶ້ນທະ ບຽນແລ້ວ 397 ວັງ) ຢູ່ 12 ແຂວງເຊັ່ນ: ຫລວງນ້ຳທາ, ບໍ່ແກ້ວ, ຫລວງພະບາງ, ຫົວພັນ, ວຽງຈັນ, ນະຄອນຫລວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ, ເຊກອງ ແລະ ອັດຕະປື ແລະ ແຕ່ລະປີກໍໄດ້ຈັດຕັ້ງການປ່ອຍປາໃນໂອກາດວັນປ່ອຍປາ ແລະ ວັນອະນຸລັດສັດນ້ຳ-ສັດປ່າແຫ່ງຊາດ 13 ກໍລະກົດຢ່າງເປັນຂະບວນ ແລະ ເຫັນໄດ້ວ່າວຽກງານດັ່ງກ່າວ ໄດ້ກາຍເປັນຂະບວນການຂອງທົ່ວປວງຊົນ ແລະ ຫລາຍພາກສ່ວນໃນສັງຄົມໄດ້ມີສ່ວນຮ່ວມ, ເປັນການປະກອບສ່ວນອັນສຳຄັນເຂົ້າໃນການສ້າງຂະບວນການປູກຈິດສຳນຶກໃຫ້ສັງຄົມ, ໂດຍສະເພາະແມ່ນອຳນາດການປົກ ຄອງທ້ອງຖິ່ນ ແລະ ພື້ນຖານປະຊາຊົນໃຫ້ມີຄວາມເຂົ້າໃຈກ່ຽວກັບຄວາມຫມາຍຄວາມສຳຄັນຂອງ ການຄຸ້ມຄອງຊັບພະຍາກອນປາ ແລະ ສັດນ້ຳໃຫ້ມີຄວາມຍືນຍົງ, ປະກອບສ່ວນເຂົ້າໃນການພັດທະ ນາຂະແຫນງການປະມົງລາວເຕີຍໃຫຍ່ຂະຫຍາຍຕົວ, ເຮັດໃຫ້ຍຸດທະສາດການຄໍ້າປະກັນດ້ານສະ ບຽງອາຫານ, ການລຶບລ້າງຄວາມທຸກຍາກ ແລະ ກ້າວໄປສູ່ການນຳເອົາປະເທດຊາດຫລຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2020 ແລະ ຄາດວ່າປີ 2016 ນີ້ທົ່ວປະເທດຈະປ່ອຍປາໃຫ້ໄດ້ຢ່າງໜ້ອຍ 40 ລ້ານໂຕ.