ທະນາຄານລາວກໍ່ສ້າງມອບລາງວັນໃຫ້ລູກຄ້າຜູ້ໂຊກດີ

          ວັນທີ 28 ສິງຫານີ້,ທະນາຄານລາວກໍ່ສ້າງໄດ້ຈັດພິທີຈັບສະຫຼາກມອບລາງວັນໃຫ້ລູກຄ້າບັນ ຊີເງິນຝາກປະຈຳ,ໃນໂຄງການເປີດບັນຊີມະຫາໂຊກ-ມະຫາຊັບກັບທະນາຄານລາວກໍ່ສ້າງ ປະຈຳປີ 2016 ,ຂື້ນທີ່ສູນການຄ້າລາວໄອເຕັກ,ໂດຍການເຂົ້າຮ່ວມຂອງທ່ານປະທານສະພາຄຸ້ມຄອງ ແລະ ກວດກາທະນາຄານດັ່ງກ່າວ, ພ້ອມດ້ວຍຜູ້ຕາງໜ້າທະນາຄານແຫ່ງຊາດ ແລະ ລູກຄ້າເຂົ້າຮ່ວມເປັນຈຳນວນຫຼາຍ.

          ທ່ານ ປະທານສະພາຄຸ້ມຄອງ ແລະ ກວດກາທະນາຄານດັ່ງກ່າວໃຫ້ຮູ້ວ່າ: ງານຈັບສະ ຫຼາກຄັ້ງນີ້ແມ່ນເປັນຄັ້ງທີ 4 ທີ່ທະນາຄານລາວກໍ່ສ້າງໄດ້ຈັດຂຶ້ນເພື່ອຄືນກຳໄລໃຫ້ລູກຄ້າ, ດ້ວຍການແຈກລາງວັນຕ່າງໆຊຶ່ງປະກອບມີ 3 ລາງວັນໃຫຍ່ຄື: ລາງວັນທີ 1 ລົດ TOYOTA LAND CRUISER VX

LIMITED ໜຶ່ງຄັນ, ລາງວັນທີ 2 ລົດ TOYOTA REVO ໜຶ່ງຄັນ, ລາງວັນທີ 3 ລົດ HYUNDAI EON ໜຶ່ງຄັນ ແລະ ລາງວັນອື່ນໆອີກຫຼາກຫຼາຍເຊັ່ນ: ລົດຈັກ, ສາຍຄໍຄຳ, ບັນຊີເງິນຝາກ, ລວມມູນຄ່າຂອງລາງວັນຫລາຍຕື້ກີບແລະ ໃນສົກປີ 2016 – 2017 ນີ້ທາງທະນາຄານຍັງຈະເພີ່ມມູນຄ່າຂອງລາງວັນໃຫ້ຫຼາຍຂຶ້ນກວ່າເກົ່າ.

          ປະທານສະພາຄຸ້ມຄອງ ແລະ ກວດກາທະນາຄານດັ່ງກ່າວໃຫ້ຮູ້ອີກວ່າ: ທະນາຄານລາວກໍສ້າງແມ່ນທະນາຄານຮ່ວມທຸລິກິດລະຫວ່າງນັກທຸລະກິດເອກະຊົນລາວກັບຕ່າງປະເທດ,ຊຶ່ງໄດ້ຮັບການອະນຸຍາດສ້າງຄັ້ງຂື້ນໃນເດືອນກຸມພາ 2012 ,ຕະຫຼອດໄລຍະ 5 ປີຜ່ານມາ ໄດ້ມີການເຕີບໃຫຍ່ຂະຫຍາຍຕົວຢ່າງຕໍເນື່ອງ,ຊຶ່ງມັນສະແດງອອກເຖິງຄວາມໄວ້ເນື້ອເຊື້ອໃຈ ແລະ ຄວາມເຊື້ອໝັ້ນຂອງລາວຄົ້າທີ່ມາໃຊ້ບໍລິການນຳທະນາຄານລາວກໍ່ສ້າງຢ່າງຫຼວງຫຼາຍຄື: ໃນປີ 2014 ຍອດເງິນຝາກ ລວມທຸກສະກຸນເງິນເພີ່ມຂື້ນເ 9 %, ປີ 2015 ເພີ່ມຂື້ນ 33,19 %  ແລະ ເພີ່ມຂື້ນຢ່າງຕໍ່ເນື່ອງ 27,24% ໃນປັດຈຸບັນ, ເວົ້າສະເພາະບັນຊີເງິນຝາກປະຈຳ ຫຼື ຝາກມີກຳນົດໄດ້ກວມເອົາ 66,25% ຂອງບັນຊີເງິນຝາກທັງໝົດ ແລະ ເພີ່ມຂື້ນໃນແຕ່ລະປີຈາກທ້າຍປີ 2012 ມາຮອດປັດຈຸບັນໂດຍສະເລ່ຍ 21,47 % ຕໍ່ປີ, ເຮັດໃຫ້ທະນາຄ້ານໄດ້ນຳໃຊ້ແຫຼ່ງທືນຈາກເງິນຝາກດັ່ງກ່າວປະກອບ ສ່ວນທຶນຮອນໃຫ້ສິນເຊື່ອ, ນັກລົງທືນ, ນັກທຸລະກິດ, ພໍ່ຄ້າ - ຊາວຂາຍເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ.