ຮູບເງົາເລື່ອງຜູ້ບ່າວໄທບ້ານພາກສອງ ເລີ່ມເຂົ້າສາຍແລ້ວທີ່ສູນການຄ້າວຽງຈັນເຊັນເຕີ

          ເມື່ອທ້າຍອາທິດຜ່ານມາ, ຢູ່ໂຮງສາຍຮູບເງົາ ສູນການຄ້າວຽງຈັນ ເຊັນເຕີ, ໄດ້ນຳສະເໜີຮູບເງົາເລື່ອງຜູ້ບ່າວໄທບ້ານ 2, ຕອນ: ແຈກເຂົ້າຫາແມ່ໄຫຍ່ແດງ, ໂດຍມີນັກສະແດງນຳ ແລະ ແຟນໆຂອງຮູບເງົາເລື່ອງດັ່ງກ່າວເຂົ້າຮ່ວມເປັນຈຳນວນຫລາຍ.

          ຮູບເງົາເລື່ອງຜູ້ບ່າວໄທບ້ານ2, ໄດ້ເວົ້າເຖິງຄວາມຮັກຂອງປານີ ແລະ ຜົວຝຣັ່ງ, ຊຶ່ງປານີ ໄດ້ຖືພາ 8 ເດືອນແລ້ວ, ຊຶ່ງແມ່ໃຫຍ່ແດງ (ແມ່ຂອງປານີ) ຕ້ອງການໃຫ້ລູກສາວ ແລະ ລູກເຂີຍໄປຢູ່ຕ່າງປະເທດ ເພື່ອຈະເຮັດໃຫ້ຊີວິດການເປັນຢູ່ຂອງທັງຄູ່ດີຂຶ້ນ, ແຕ່ແມ່ໃຫຍ່ແດງກໍປ່ຽນໃຈ ຕ້ອງການໃຫ້ລູກສາວຕົນເກີດຫລານຢູ່ບ້ານທີ່ປະເທດໄທ, ດັ່ງນັ້ນ ແມ່ໃຫຍ່ແດງ ຈຶ່ງໄດ້ປຶກສາ ແລະ ວາງແຜນກັບໝູ່ຄູ່ຜູ້ເຖົ້ານຳກັນວ່າ ຈະຈັດຕັ້ງກອງ ເພື່ອ

ອຸທິດບຸນກຸສົນໄປຫາບັນພະບູລຸດ, ແຕ່ຄວາມຈິງແລ້ວແມ່ໃຫຍ່ແດງຕ້ອງການໃຫ້ລູກສາວຢູ່ຕໍ່, ເມື່ອງານບຸນເກີດຂຶ້ນ ຄວາມບັນເທິງກໍຕາມມາ ແລະ ໝໍລຳ ກໍເປັນສິ່ງໜຶ່ງທີ່ນິຍົມ, ແມ່ໃຫຍ່ແດງຮູ້ຈັກກັບແມ່ນວນ ທີ່ເປັນໝູ່ກັນມາຫລາຍຟ້າຫລາຍປີ ແລະ ຜົວຂອງແມ່ນວນ ກໍມີວົງໝໍລຳເປັນຂອງຕົນເອງ, ແມ່ແດງຈຶ່ງຕັດສິນໃຈຈ້າງວົງໝໍລຳດັ່ງກ່າວ ແຕ່ເບື້ອງຫລັງວົງໝໍລຳດັ່ງກ່າວ ພວມປິດຕົວລົງ, ເພາະຄວາມຮຽກຮ້ອງຂອງເມຍ ພໍ່ຄູນເຈົ້າຂອງວົງ ຈຶ່ງດຳເນີນວົງຕໍ່ໄປດ້ວຍຄວາມຢາກລຳບາກ ຍ້ອນສະມາຊິກໃນວົງບໍ່ມີພຽງແຕ່ຄົນດຽວ, ສ່ວນເຄນລູກຊາຍຄົນດຽວ ກໍໄປມັກເຕັ້ນປະກອບເພັງຕ່າງປະເທດ ພ້ອມຍັງຈະເຂົ້າຮ່ວມແຂ່ງຂັນໃນມໍ່ໆນີ້ນຳອີກ, ດັ່ງນັ້ນ ພໍ່ຄູນຈຶ່ງໄດ້ເປີດຮັບສະໝັກສະມາຊິກວົງໝໍລຳ ແລະ ຈຶ່ງເປັນໂອກາດທີ່ເຮັດໃຫ້ສາວວັນ ແລະ ໝູ່ຄູ່ ກຸ່ມຜູ້ສາວໄທບ້ານທີ່ຮັກມັກໃນສຽງລຳ ພ້ອມໃຈກັນເຂົ້າສະໝັກ ເມື່ອທຸກຢ່າງລົງໂຕ, ທ້າວເຄນລູກຊາຍຄົນດຽວຂອງພໍ່ຄູນຈຶ່ງຕັດສິນໃຈບໍ່ເຂົ້າຮ່ວມແຂ່ງຂັນເຕັ້ນ ແລະ ປ່ຽນໃຈກັບມາເຂົ້າຮ່ວມວົງ ແລະ ຝຶກຝົນຕົນເອງໃຫ້ກາຍເປັນໝໍລຳຢ່າງເຕັມຕົວ ລະຫວ່າງນັ້ນ ເຄນ ແລະ ວັນຕ່າງກໍມີຄວາມຮູ້ສຶກດີຕໍ່ກັນ ທ່າມກາງວິຖີຊີວິດແບບຊາວອີ່ສານ ແລະ ສຽງໝໍລຳທີ່ຮ້ອງອອກມາຈາກໃຈ, ເຄນຈະຕ້ອງນຳພາວົງໝໍລຳຂອງພໍ່ໄປສະແດງໃນງານບຸນຂອງແມ່ໃຫຍ່ແດງໃຫ້ໄດ້ ໃນຂະນະດຽວກັນນັ້ນ ແມ່ໃຫຍ່ແດງ ຈຳຕ້ອງເຮັດທຸກວິທີທາງເພື່ອໃຫ້ລູກສາວເກີດຫລານຄົນແລກຢູ່ບ້ານ.