ອາກາດເລີ່ມປ່ຽນແປງຈົ່ງເອົາໃຈໃສ່ຮັກສາສຸຂະພາບໃຫ້ດີ

          ໜ່ວຍເຝົ້າລະວັງພະຍາດລະບາດກະຊວງສາທາລະນະສຸກໃຫ້ຮູ້ວ່າ: ປີນີ້ສະພາບອາກາດມີການປ່ຽນແປງຢ່າງໄວວາບຶດຮ້ອນ, ບດໜາວ ແລະ ມີລົມພັດແຮງເປັນບາງໄລຍະ, ບວກກັບປັດຈຸບັນອາກາດໜາວໄດ້ເລີ່ມເຂົ້າປົກຄຸມຫຼາຍທ້ອງຖິ່ນຂອງປະເທດເຮົາແຕ່ຫົວປີ,ໂດຍສະເພາະແມ່ນບັນດາແຂວງພາກເໜື່ອ,ຊຶ່ງອາດສົ່ງຜົນກະທົບບໍ່ໜ້ອຍຕໍ່ສຸຂະພາບການດຳລົງຊີວິດຂອງປະຊາຊົນ ໂດຍສະເພາະຜູ້ຢູ່ເຂດຊົນນະບົດຫ່າງໄກສອກຫລີກທີ່ຍັງທຸກຍາກຂາດເຂີນ ແລະ ບາງບ່ອນກໍເກີດມີການເຈັບເປັນຈາກພະຍາດຕ່າງໆຍ້ອນການປ່ຽນແປງຂອງສະພາບດິນຟ້າອາກາດ ເປັນຕົ້ນໄຂ້ຫວັດ, ໄອ, ອັກເສບປອດ, ພະຍາດ

ລະບົບທາງເດີນຫາຍໃຈ, ພະຍາດໄຂ້ອອກຕຸ່ມທີ່ມັກເກີດຂຶ້ນ. ດັ່ງນັ້ນໜ່ວຍເຝົ້າລະວັງພະຍາດກໍຄືກະຊວງ ສາທາລະນະສຸກໄດ້ຮຽກຮ້ອງໃຫ້ປະຊາຊົນມີສະຕິປ້ອງກັນຕົນເອງ ແລະ ປະຕິບັດຫລັກສຸຂະອະນາໄມຢ່າງເຂັ້ມງວດ ນຸ່ງຫົ່ມໃຫ້ອົບອຸ່ນ, ກິນດື່ມໃຫ້ສະອາດ ເພື່ອສະກັດກັ້ນການລະບາດຂອງພະຍາດໃຫ້ມີປະສິດທິຜົນ ເມື່ອຮູ້ສຶກບໍ່ສະບາຍຄວນໄປພົບແພດໝໍທັນທີ ແລະ ບໍ່ຄວນຊື້ຢາກິນເອງແບບຊະຊາຍ ຍິ່ງຈະມີຄວາມອັນຕະລາຍ.ພ້ອນນັ້ນກໍໃຫ້ເອົາໃຈໃສ່ເຝົ້າລະວັງພະຍາດທີ່ມາກັບລະດູການ ອື່ນ ແລະ ໄຂ້ເລືອກອອກທີ່ຍັງມີການລະບາດຢູ່ໃນປັດຈຸບັນຕ່ື່ມອີກ.