ຮັກສາການປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງແຫ່ງຊາດກ່າວວ່າ:
ເພີ່ອເພີ່ມການຮ່ວມມືຈາກຫຼາຍຂະແໜງການ, ເພື່ອໃຫ້ເຫັນເຖິງຄວາມຕ້ອງການຂອງການລົງທືນທີ່ພຽງພໍ ແລະ ຍືນຍົງ, ເພື່ອການລິເລີ່ມໃນການຈັດຕັ້ງປະຕິບັດການລືບລ້າງການໃຊ້ຄວາມຮຸນແຮງຕໍ່ແມ່ຍິງ
ແລ ະ ເດັກຍິງຢ່າງມີປະສິດທິພາບ, ເນື່ອງຈາກການໃຊ້ຄວາມຮຸນແຮງຕໍ່ແມ່ຍິງ
ແລະ ເດັກຍິງແມ່ນໜຶ່ງໃນການລະເມີດສິດທິມະນຸດທີ່ແຜ່ຫຼາຍ ແລະ ກວ້າງຂວາງ, ຊຶ່ງຕາມຜົນການສຳຫຼວດການໃຊ້ຄວາມຮຸຸນແຮງຕໍ່ແມ່ຍິງໃນທົ່ວປະເທດຊີ້ໃຫ້ເຫັນວ່າ:
ມີແມ່ຍິງ 1 ໃນ 3 ຄົນທີ່ເຄີຍແຕ່ງງານແມ່ນເຄີຍຖືກຄວາມຮຸນແຮງຢ່າງໜ້ອຍ 1 ປະເພດເຊ່ັ່ນ:
ຄວາມຮຸນແຮງທາງຮ່າງກາຍ,
ຄວາມຮຸນແຮງທາງເພດ ແລະ ຄວາມຮຸນແຮງທາງຈິດໃຈ ແລະ ເຖິງວ່າຜ່ານມາລັດຖະບານໄດ້ມີຄວາມພະຍາຍາມໃນການແກ້ໄຂບັນຫາດັ່ງກ່າວ, ແຕ່ກໍ່ເຮັດໃຫ້ພຽງສ່ວນໜຶ່ງເທົ່ານັ້ນ, ດັ່ງນັ້ນການສຳມະນາຄັ້ງນີ້ພໍພຽງແຕ່ເປັນການຮຽກຮ້ອງໃຫ້ມີການເພີ່ມການລົງທຶນໃສ່ໄວໜຸ່ມຍິງເທົ່ານັ້ນ, ແຕ່ບັນດາຜູ້ເຂົ້າຮ່ວມຍັງຈະໄດ້ຮ່ວມປຶກສາຫາລືປະກອບຄຳຄິດເຫັນ, ເພື່ອເຮັດໃຫ້ການຈັ້ດຕັ້ງປະຕິບັດວຽກງານລືບລ້າງຄວາມຮຸນແຮງຕໍ່ແມ່ຍິງ ແລະ ເດັກຍິງມີປະສິດທີ່ຜົນສູງສຸດ ແລະ
ສາມາດເຮັດໃຫ້ປະເທດສາມາດບັນລຸເປົ້າໝາຍການພັດທະນາແບບຍືນຍົງໄດ້ໃນປີ 2030.
ຜູ້ຕ່າງໜ້າອົງການສະຫະປະຊາຊາດກອງທືນສຳລັບປະຊາກອນກ່າວວ່າ:
ຂອບເປົ້າໝາຍຂອງການພັດທະນາແບບຍືຍຍົງໄດ້ສະໜອງໂອກາດທີ່ຫຼາຍຂຶ້ນ, ໃນການປ້ອງກັນ ແລະ ລືບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ
ເດັກຍິງ,
ເປົ້າໝາຍດັ່ງກ່າວຍັງໄດ້ເນັ້ນໝັກສະເພາະການລືບລ້າງການໃຊ້ຄວາມຮຸນແຮງ
ແລະ ການກະທຳທີ່ເປັນອັນຕະລາຍຕໍ່ແມ່ຍິງເຊັ່ນ: ການແຕ່ງງານແຕ່ອາຍຸຍັງນ້ອຍສຳລັບແມ່ຍິງ
ແລະ ເດັກຍິງ,
ເຖິງຢ່າງໃດກໍຕາມການລິເລີ່ມເພື່ອຈັດຕັ້ງປະຕິບັດຕໍ່ການລຶບລ້າງຄວາມຮູນແຮງຕໍ່ແມ່ຍິງ ແລະ
ເດັກຍິງຈຳເປັນຕ້ອງໄດ້ຮັບທືນສະໜັບສະໜູນທີ່ພຽງພໍ, ເພື່ອນຳເອົາການປ່ຽນແປງທີ່ແທ້ຈິງມາສູ່ແມ່ຍິງ ແລະ ເດັກຍິງ.
No comments:
Post a Comment