ໂຄງການໄຟຟ້າເທີນ-ຫີນບູນ ພວມວາງແຜນຍົກຍ້າຍປະຊາຊົນຈຳນວນ
13 ບ້ານ, 1.026 ຄອບ ຄົວໄປຢູ່ເຂດຈັດສັນໃໝ່ຂອງໂຄງ ການ ຍ້ອນບັນດາບ້ານດັ່ງກ່າວ
ອາໄສຢູ່ແຄມນ້ຳຫີນບູນຕອນກາງ ເຊິ່ງເປັນເຂດທີ່ອາດຈະເກີດຜົນກະທົບຈາກນ້ຳຖ້ວມໄດ້.
ຜູ້ຮັບຜິດຊອບໂຄງການ ໃຫ້ຮູ້ວ່າ: ແຜນການຍົກຍ້າຍປະຊາຊົນຈຳນວນດັ່ງກ່າວຈະເລີ່ມແຕ່ປີ
2013 ແລະ ໃຫ້ສຳເລັດໃນປີ 2017 ເຊິ່ງປັດຈຸບັນ ບໍລິສັດໄດ້ສຳເລັດການກໍ່ສ້າງລະບົບພື້ນຖານໂຄງລ່າງເຊັ່ນ:
ຫົນທາງ, ໄຟຟ້າ, ນ້ຳ ປະປາ, ສ້າງເຮືອນ, ໂຮງຮຽນ, ໂຮງໝໍ ແລະ ລະບົບຊົນລະປະ ທານເປັນຈຳນວນຫລາຍແລ້ວ.
ເມື່ອປີ 2009 ເປັນຕົ້ນມາ, ໂຄງ ການໄດ້ສຳເລັດການຍົກຍ້າຍປະ
ຊາຊົນຈຳນວນ 598 ຄອບຄົວ ໃນ 13 ບ້ານ ຢູ່ເຂດອ່າງເກັບນ້ຳຍວງ ແລະ ສຳເລັດການຍົກຍ້າຍ
11 ບ້ານ ໃນເຂດລຸ່ມເຮືອນຈັກນ້ຳຫີນບູນຕອນເທິງ ປະມານ 598 ຄອບ ຄົວ.
ນອກຈາກນີ້ ໂຄງການຍັງໄດ້ວາງແຜນປັບປຸງຊີວິດການເປັນຢູ່ຂອງປະຊາຊົນໃນເຂດບ້ານຈັດສັນໃໝ່ເຊັ່ນ:
ໄດ້ພັດທະນາ ແລະ ຈັດສັນດິນສວນຄົວ, ດິນນາ ແລະ ສວນໃຫ້ແຕ່ລະຄອບຄົວ, ຊ່ວຍອຸປະກອນເຄື່ອງມືການຜະລິດ,
ສະໜອງແນວພັນ ແລະ ວິຊາການ ເພື່ອຊ່ວຍເຝິກອົບຮົມການປູກຝັງ ແລະ ລ້ຽງສັດ, ສົ່ງເສີມການປູກພືດເສດຖະກິດ
ແລະ ກິດຈະກຳສ້າງລາຍຮັບຕ່າງໆ ລວມເຖິງການສ້າງຕັ້ງກອງທຶນໝູນວຽນ ແລະ ກອງທຶນບ້ານ
ເພື່ອຊ່ວຍປັບ ປຸງຊີວິດການເປັນຢູ່ຂອງປະຊາ ຊົນໃນເຂດຈັດສັນໃໝ່ໃຫ້ດີຂຶ້ນ
ແລະ ສາມາດຫລຸດພົ້ນອອກຈາກຄວາມທຸກຍາກໄດ້ໂດຍໄວ. ສ່ວນ ວຽກງານສາທາລະນະສຸກ ແລະ
ສຶກສາແມ່ນໄດ້ສ້າງສຸກສາລາ ແລະ ໂຮງຮຽນໃນທຸກບ້ານຍົກ ຍ້າຍ, ຕິດຕາມ ແລະ ປິ່ນປົວສຸຂະ
ພາບໃຫ້ປະຊາຊົນໃນເຂດຍົກ ຍ້າຍ, ສະໜັບສະໜູນການສ້າງຄວາມອາດສາມາດ ແລະ ເຝິກ ອົບຮົມຍົກລະດັບດ້ານວິຊາສະເພາະໃຫ້ພະນັກງານສາທາ
ແລະ ສຶກສາຂັ້ນເມືອງເພື່ອສາມາດເຮັດວຽກບໍລິການຕ່າງໆໃຫ້ດີຂຶ້ນ ພ້ອມນັ້ນກໍໄດ້ຊ່ວຍເຫລືອອຸປະ
ກອນການແພດ, ການສຶກສາ ແລະ ສ້າງຫໍສະໝຸດໃຫ້ແກ່ນັກ ຮຽນນຳດ້ວຍ.
ໂຄງການໄຟຟ້າເທີນ-ຫີນບູນແມ່ນໂຄງການຕົວແບບທີ່ດີໃນການລົງທຶນຢູ່
ສປປ ລາວ ໂດຍໄດ້ປະຕິບັດທຸກເງື່ອນໄຂດ້ານສັງ ຄົມ ແລະ ສິ່ງແວດລ້ອມໃນມາດ ຕະຖານສາກົນວາງໄວ້.
ນອກ ຈາກນີ້ ຍັງສາມາດຊ່ວຍສ້າງວຽກເຮັດງານທຳໃຫ້ປະຊາຊົນທ້ອງຖິ່ນໄດ້ເປັນຢ່າງດີ
ຄືປັດຈຸ ບັນຢູ່ເຂື່ອນໄຟຟ້າດັ່ງກ່າວມີພະ ນັກງານປະມານ 3 ພັນຄົນ, ໃນນັ້ນ
97% ແມ່ນຄົນລາວ.
No comments:
Post a Comment