ລາວໂຕໂຢຕ້າມອບລາງວັນໃຫ້ຜູ້ໂຊກດີໃນໂຄງການ 20 ປີ ໂຕໂຢຕ້າພາທ່ຽວຍີ່ປຸ່ນ

          ເພື່ອເປັນການສະເຫຼີມສະ ຫຼອງວັນສ້າງຕັ້ງບໍລິສັດ ລາວໂຕ ໂຢຕ້າ ຄົບຮອບ 20 ປີ (1992 - 2012) ແລະ ເປັນການຄືນກໍາໄລ ໃຫ້ລູກຄ້າທີ່ມາໃຊ້ບໍລິການ ໃນ ສົກປີ 2012 ຜ່ານມາ,ບໍລິສັດ ລາວ ໂຕໂຢຕ້າ ຈິ່ງໄດ້ຈັດກິດຈະ ກຳ ແຈກລາງວັນພາຍໃຕ້ຫົວຂໍ້: ‘’20 ປີ ໂຕໂຢຕ້າພາທ່ຽວຍີ່ປຸ່ນ’’ ເຊິ່ງ ເປັນໂຄງການທີ່ເລີມດໍາເນີນ ມາ ແຕ່ຕົ້ນປີ 2012.ດັ່ງນັ້ນ,ໃນຕອນ ເຊົ້າຂອງວັນທີ 14 ມັງກອນ 2013 ນີ້ຢູ່ຫ້ອງຂາຍ ລົດ ໂຕໂຢຕ້າ ສາ ຂາ ທົ່ງຂັນຄຳ ນະຄອນຫຼວງ ວຽງຈັນດັ່ງກ່າວໄດ້ຈັດ ກິດຈະ ກຳມອບລາງວັນໃຫ້ລູກຄ້າຜູ້ ໂຊກດີໃນໂຄງການນີ້ລວມມີ ມູນຄ່າຫຼາຍກວ່າ 5 ຮ້ອຍລ້ານ ກີບ  ແລະ ເລີ່ມຈັບສະຫຼາກ ໂດຍ ຜ່ານທາງໂທລະພາບ ລາວສຕາ ໃນອາທິດທີ່ຜ່ານມານີ້ມີ 7 ລາງ ວັນຄື ລາງວັນທີ 1 ຈະໄດ້ໄປທ່ຽວ ປະເທດ ຍີ່ປຸ່ນ ເປັນເວລາ 6 ມື້ 5 ຄືນ ຜູ້ໂຊກດີ ໄດ້ແກ່: ທ້າວ ວົງ ເດືອນ ພັນບຸນໄຊຍະວົງ,ທ້າວ ລຳພັນ ກົມມະດາ,ນາງ ຕຸນີ, ອົງ ການ CNEEC NEP C 2, ທ້າວ ຄຳແພງ ຫ້າທຳທະວົງ,ທ້າວ ແດງ ວົງພະ ຈັນ,ທ້າວ ສີສະ ຫວັນ ດວງບຸດດີ,ທ່ານ ຄຸນພໍ່ວິ

ມານເພັດ ແລະ ທ້າວ ມູນທະລາ, ສ່ວນລາງວັນທີ 2 ຜູ້ໂຊກດີໄດ້ ຮັບລົດຈັກ YAMAHA Fino ລາງວັນລະ  1 ຄັນ ຄື ນາງ ວຽງ ສະໄໝ ຫ້າທຳທະວົງ ແລະ ທ້າວ ໄກ່ເພັດ ສີແພງ ໄຊ. ນອກນັ້ນກໍ ມີຜູ້ໄດ້ຮັບລາງວັນທີ 3 ຄອມພິວ ເຕີໂນ໊ດບຸກຮຸ່ນ Acer Aspire 3 ລາງວັນ,ລາງວັນທີ 4 ມີ 5 ລາງ ວັນ,ຜູ້ໂຊກດີຈະໄດ້ຮັບ ເຄື່ອງຫຼິ້ນ Ipad 16 GB ລາງວັນລະໜຶ່ງ ເຄື່ອງ, ລາງວັນທີ 5 ມີ 10 ລາງ ວັນໂທລະພາບ TOSHIBA 32 ລາງວັນໆລະເຄື່ອງ,ລາງວັນທີ 6 ມີ 20 ລາງວັນ ຜູ້ໂຊກດີຈະໄດ້ຮັບ ເສື້ອ Jacket TOYOTA ລາງວັນໆ ລະຜືນ ແລະ ລາງວັນທີ 7 ມີ 50 ລາງວັນຜູ້ໂຊກດີໄດ້ຮັບເສື້ອ ຍືດຜູ້ລະຜືນ.

        ທ່ານ ປະສາດໄຊ ພິລາພັນ ເດຊ ຜູ້ຈັດການໃຫຍ່ ບໍລິສັດ ລາວ ໂຄໂຢຕ້າ ບໍລິການຈຳກັດກ່າວ ວ່າ:ກິດຈະກຳດັ່ງກ່າວນີ້ ແມ່ນສ່ວນໜຶ່ງຂອງການສະເຫຼີມ ສະຫຼອງວັນສ້າງ ຕັ້ງບໍລິສັດ ລາວ ໂຕໂຢຕ້າ ຄົບຮອບ 20 ປີ ແລະ ເພື່ອຄືນກຳໄລໃຫ້ລູກຄ້າ ທີ່ມາໃຊ້ ການບໍລິ ການ.ທ່ານ ປະສາດ ໄຊ ກ່າວຢ້ຳ ວ່າ: ໂດຍລວມແລ້ວ ລາວໂຕໂຢຕ້າໄດ້ ເຕີບໃຫຍ່ຂະ ຫຍາຍຕົວຢ່າງໄວວາສະເພາະ ຍອດຈຳໜ່າຍປີຜ່ານມາມີເຖິງ 3.590  ຄັນອັນ ໄດ້ນຳລາຍຮັບ ມາສູ່ບໍລິສັດເປັນຈຳນວນບໍ່ໜ້ອຍ.